2009年5月18日星期一

想搵果樣冇果樣......冇搵果d就買哂返屋企!

啱啱過咗既weekend,去咗2間TK Maxx + Debenhams 搵我心目中既grill pan,不過仍然未搵到啱我心水! 一係太大; 一係太細; 一係手柄太長阻訂; 一係坑紋唔夠深~ 心思思真係想買隻Le Creuset......不過太鬼重!!!

其實我都唔急買新grill pan 既~  只係行開街時咪順便睇吓有冇合心水囉! 反正最少仲有2間TK Maxx 我未check,仲有M&S, House of Fraser......等我慢慢睇啱先買都未遲既!

特登搵一樣野時,多數唔會搵到; 到你放棄唔再搵時,又會突然發現果樣野其實好易搵到......


早排我想搵既黑色長身cardigan,終於比我喺Primark 搵到嘞! 雖然只係中袖......不過好過冇啦!

另外我最近搵緊一對珍珠耳環,想用來配襯V媽媽最近送比我既珍珠頸鍊! 又係咁嘞 - 珠寶店既都一係太大粒; 一係太細粒....一係色澤相差太遠!
(定係我太奄尖麻煩呢????) 吹脹......

 雖然暫時我仲未搵到啱心水既珍珠耳環來配頸鍊,不過我就睇中咗一對皮光帶紫色既黑珍珠耳環......

老公即時"代我"買起咗佢地! Thanks Hon~~~~~



真係"有心栽花花不發; 無心插柳柳成蔭"......




19 則留言:

  1. 件長身外套你著得好好睇喎, 其實我都鐘意呢啲款, 但我覺得要纖瘦先著得好睇, 所以我無買囉!
    我同我老公係07'識架, 頭先沖沖下涼諗諗下好似唔對路, 原我記錯咗, 如08'先識, 就生唔到咁大個豐豐喇!  
    [版主回覆05/19/2009 04:14:00]其實都唔係架! 依種深色長身外套,其實可以有拉長身形效果架~ 個款咁簡單,好易carry 得好睇!
     
    哈哈~~~~ 妳咁好笑既! 自己幾時識個老公都搞錯~  等我仲以為妳大咗肚先結婚添! 

    回覆刪除
  2. Gaileは林家歐巴桑2009年5月18日 上午9:16

    搵到咪好囉,人成日都係咁,你越心急想搵一樣野永遠搵唔到,到你唔想搵又會出晒黎,有時多到真係吹漲....
    [版主回覆05/19/2009 04:11:00]其實我最想要既係黑色長袖!  不過既然暫時見唔到,中袖都照殺住先囉~~~
     
     

    回覆刪除
  3. 我都好鐘意你件外套,但我會着得好肥...唉你就好啦.
    [版主回覆05/19/2009 04:09:00]其實只要著啱size,依種簡單深色既長身外套,可以有拉長身形效果架!
     
     

    回覆刪除
  4. 絕對認同...
    [版主回覆05/19/2009 04:08:00]唔知點解成日都係咁? 好彩唔急用咋!
     
     

    回覆刪除
  5. 你件cardigan好靚呀,我以前瘦時,都好鍾意穿cardigan,但現在的身形就穿不到了.你對耳環都好靚,我都有對白珍珠加碎鑽的短身垂吊耳環.但是又是肥累事,瞼圓圓的,帶吊耳環唔好睇.所以現在都只是帶粒裝的耳環咋.你就好啦,大把靚衣服可以穿.
    [版主回覆05/19/2009 04:07:00]thanks! 我件cardigan 好平架咋~ 其實只要著啱size,依種深色長身cardigan 可以有拉長身形效果架!
     
    我其實已有3對白珍珠耳環: 1對細粒裝 - 不過太細粒襯唔到V媽媽今次送比我條鍊,所以我只平時帶吓來襯衫; 另外2對都係碎鑽垂吊耳環,一長一短~ 長果對就係上面大頭婚紗相帶住果對; 短果對係結婚時老公送比我來襯婚紗既! 不過V媽媽今次送比我條珍珠鍊,唔襯垂吊耳環~ 所以我其實係想搵比鍊大少少既粒裝白珍珠耳環!  點知白珍珠就睇唔啱,睇中咗對黑珍珠~  依對黑珍珠款好簡單易襯,平時帶都襯到衫!
     
     
     

    回覆刪除
  6. 慢慢黎啦...我成日都係咁...想買ge野又買唔到...
    行行下買左一堆唔知咩番屋企一.一"
    btw...你件黑色長身cardigan著得好好睇唷...
    [版主回覆05/19/2009 05:06:00]thanks~
     
    個grill pan 都仲可以慢慢來.....不過相耳環我要趕住老公表哥6月頭結婚帶呀!!!! 如果唔係要襯過第二d首飾.......最衰我又唔帶得假野,因為會發炎! 如果唔係買住對假野頂住檔都得吖!!!
     
     

    回覆刪除
  7. 你呢對黑珍珠好靚喎~又易襯~
    [版主回覆05/19/2009 15:52:00]多謝! 我都覺得對耳環款式簡單得來好靚,又好易襯~~~
     
     

    回覆刪除
  8. Mrs Williams 威廉C太太2009年5月19日 上午12:09

    女人行街就係甘啦, 原來出街係去買一樣野, 點知個樣野就無買! 其他野就買左一大堆, 好似我尋日出街話去買剪刀, 點知都係無買到! 無啦啦買左對鞋同幾件3.
    [版主回覆05/19/2009 15:57:00]哈哈~~~ 其實我果日仲去咗Superdrug 本來唸住只買棉花棒,結果買咗一大堆眼線筆 + 眼線液.......
     
     

    回覆刪除
  9. Mee ...... MeeMoreMore2009年5月19日 上午12:33

    也唔係花不"成"咩??
    你就好啦~~~~ 我都好想好似你咁有得 "似"!!!!
    [版主回覆05/19/2009 15:59:00]我有咩咁好? 我只係一個好普通既C9來喎! 冇咩好"恨"~~~
     
     

    回覆刪除
  10. 你件黑色長身cardigan我都鍾意呀!
    如果見到一定都會買
    [版主回覆05/20/2009 04:42:00]我件衫係bargian 來,好平架咋!
     
     

    回覆刪除
  11. 對耳環好靚呀, 你去飲套衫有定案未,好想你post上嚟睇呀.
    [版主回覆05/20/2009 17:24:00]未呀~ 最近換季執衫 +鞋執到隻狗咁!!!! 未有時間再睇裙呀,不過其實我平時見到靚既飲裙都會買定既~ 所以我其實都有幾條飲裙完全未著過....
     
     
     

    回覆刪除
  12. 我都係唔帶得假嘢.會勁發炎.連頸鏈和介指都唔得.要成色高些先可以.所以好慘.有時啲假嘢啲款都好靚,可惜只可望不可帶.最慘就又唔係有錢人家,可以買不同珠寶手飾帶,真係假又無,真又無錢多買.所以都比我啲朋友們少飾物.嗚嗚!
    [版主回覆05/20/2009 17:20:00]我唸如果敏感假野的話,應該全身都會敏感架! 咁頸同手當然不可幸免啦......
     
    我以前2隻耳仔夾埋有8個耳窿~ 左耳上面骨既部份有1個,有次果個耳窿發炎發到成隻左耳充哂血紅哂,後來擰頸擰到一半就痛.....老公漏夜車我去醫院! 醫生要用刀切開發炎地方攞返隻耳環出來! 另一次就係朋友送既晶石頸鍊,只帶咗一陣,我條頸就出現咗一個好痕既紅圈圍住條頸........從此我唔敢帶任何假野!!!
     
    不過我又好貪靚 - 我有腳趾環 + 臍環~  最慘依2樣野好多平野款式好靚,不過我唔帶得! 我買果d要全防敏感 + 貴好多....
     
    我覺得冇需要同朋友們比較有多少首飾吖! 我覺得別人擁有多少都唔關我事; 相反比別人擁有得多,亦唔代表d乜野!
     
     

    回覆刪除
  13. sorry ..近日較忙 , 我返番工 , 但Katrina 又病了好幾天 ,早2日仲起番發燒 .....
    比齊幾隻味道給你 .
    芒果奶凍
    材料:
    牛奶      100ml              淡 忌廉   100ml
    芒果茸 100g           
    魚膠粉 8g
    砂糖  10g
    做法:
    1) 魚膠粉+13g熱水拌勻
    2) 牛奶,淡 忌廉 及糖放入鍋中煮熱至糖溶解離火(不用煮滾)
    3) +入魚膠溶液拌勻
    4) 將芒果茸+入牛奶混合物拌勻
    5) 倒入預先整好白色奶凍放入雪櫃凝固即可
     

    回覆刪除
  14. 我覺得你呢張相 好似肥返d 但係...........真係靚左呀~
    [版主回覆05/23/2009 07:01:00]唔係吓哇?? 我磅來磅去都係差唔多之喎! 角度問題來既啫~~
     
     
     

    回覆刪除
  15. 唔係"港中女"呀!

    回覆刪除
  16. 喂...靚太....LE CREUSET香港有限定版ANTIQUE ROSE系列..粉紅色...SOGO重做緊減價...低至4折...其他就正價7折呀....
    [版主回覆05/23/2009 07:09:00]我唔鍾意咯! 因為我廚房大部份廚具都係黑 + 白........而且果隻粉紅太BB!  我連佢招牌火山色都唔鍾意~ 太太鮮艷嘞!  
     
    不過真係減到好平喎! 咁妳有冇去入貨??
     
     

    回覆刪除
  17. 有呀...我就係買咗隻心形煲, 佢其他貨有d做..一個煲+一個鑊都係2800炸
    不過我諗諗下實在係太重....所以都係買一個算lu....
    [版主回覆05/26/2009 21:32:00]
    咁又唔係減好多喎! 我唸應該係香港本身賣得貴......
     
     依套套裝1 set 3件,冇減價都只係賣£129咋! ($1300 - 1400 hkd 左右)
     
     

    回覆刪除
  18.  ...咁英國就真係平好多喎....
    [版主回覆05/28/2009 16:34:00]咪係! 妳個心型煲減咗都要$1280......依個價錢買到下面依set 嘞!!!
     
     

    回覆刪除
  19. 你好,對珍珠耳環好靚呀,想問係邊度買同埋大約幾多錢?我想買來送俾人。
    [版主回覆02/09/2010 22:01:00]妳好! 我住喺蘇格蘭架,妳係咪住蘇格蘭? 如果唔係的話,我話比妳知喺邊度買都無用~
     
    耳環已經買咗大半年,我已經唔記得咗幾多錢!
     
     

    回覆刪除

Related Posts Plugin for WordPress, Blogger...