豬橫脷煲粟米; 豉油皇乳鴿; 炸菜蒸豬潤; 冬菜蒸超迷你撻沙仔 & 炒蕃薯苗
豬橫脷煲粟米~ 又係其中一個我最鍾意飲 + 食既湯，我一次過可以食哂2條豬橫脷!
V媽媽豉油皇乳鴿~
做法如下 (豉油雞做法相同):
1. 乳鴿 / 雞洗淨抹乾水份; 用豉油雞汁醃約1小時。
2. 燒紅油鑊，將豉油雞汁連乳鴿 / 雞下鑊。
3. 煮至汁滾後，反轉煮另一面。
4. 蓋上鑊蓋焗約20分鐘至乳鴿熟透。(雞可能需時較耐~)
5. 加少許糖調味即成。
炸菜蒸豬潤~
1. 豬潤沖淨血水，抹乾 + 切片; 炸菜洗淨，瀝乾、切片備用。
2. 豬潤片用薑蓉、胡椒粉、生抽、酒、糖、雞粉和生粉醃好。
3. 蒸前將豬潤片加進炸菜片中撈勻，隔水蒸至豬潤熟透即成。
V媽媽非常鍾意食依種好似食指咁上下大既超迷你撻沙仔!
簡單地用薑絲 + 冬菜去蒸，肉非常爽滑鮮甜!!!
不過d屎鬼細條，逐條劏都幾花時間......
依d係蕃薯苗，今次係我第一次食! 我想試好耐架嘞，不過唔係成日都有得賣......
用蒜蓉去炒，非常爽脆清甜! 可惜英國冇依種菜賣~~~~~~~~~~
很喜歡吃猪橫脷, 点豉油美味, 撻沙魚咁細條, 唔係很多骨 ?? BTW , you said you had a mini fryer, how mini ? I have a regular one but every time after I use it, I need to clean it very well and the machine is very big.. Do you have a picture to show me which brand ? Sorry I have to write in half chinese and half english, 我用手寫板很慢, 你是用中文打字定手寫 ?
回覆刪除[版主回覆04/25/2009 18:15:00]我由細到大非常鍾意食豬橫脷! 基本上我咩內臟都鍾意食~~~
我用既電炸鍋係1litre囉~ 夠迷你嘞啩!?!??
http://hk.myblog.yahoo.com/veronicams_tsim/article?mid=13648
我係用倉頡打字架! 好少用手寫板~ 妳不如都學倉頡啦? 唔難架! 習慣咗就好快架嘞~~~
原來豉油王乳鴿係咁易整, 我以為好大工程呢, 個三隻乳鴿你哋係咪就咁 "此 "嚟食呀, 我見v媽冇張佢斬件. 係屋企咁食又真係幾爽
回覆刪除[版主回覆04/25/2009 17:17:00]妳真係醒目嘞! 咁都估到~~~~ 我食完飯先用隻乳鴿來當"甜品"成隻"此"來食!
隻乳鴿又係好靚呀, 不過宜家好似好難買到乳鴿喎, v媽咁勁買到嘅? 豬潤同炸菜我都鐘意食架, 未試過咁整, 下次試下先。
回覆刪除[版主回覆04/25/2009 17:15:00]難買到乳鴿? V媽媽成日都整果喎! 佢喺旺角街市買之嘛~~~~
碗飯上面果舊係咩黎0架?
回覆刪除[版主回覆04/25/2009 18:17:00]之前一晚食剩3隻炸蠔~
原來 蕃薯苗係咁好味GA...等我又試下先...
回覆刪除[版主回覆04/26/2009 02:38:00]想食蕃薯苗係時間架嘞~ V媽媽朋友話清明剛過既蕃薯苗最靚架!
wa............... 唔怪得你煮野食咁叻呢 原來v媽係高手黎 呢次返英國 有冇胖胖白白呀
回覆刪除[版主回覆04/27/2009 02:09:00]我連V媽媽一成功力都冇呀!
初頭返到來重咗十幾磅，不過外表睇唔出，只要上磅先知! 但而家又慢慢回落緊咯~~~
係屋企都有乳鴿食,正呀
回覆刪除[版主回覆04/27/2009 02:07:00]返到英國冇嘞~ 英國人唔食白鴿......
WA~好味...睇完好想食..特別係想食乳鴿
回覆刪除[版主回覆04/27/2009 16:25:00]妳又自己整吖? 唔係既...喺香港要食乳鴿都好容易~~~~
我家附近街市好D囉 , 踏入春天都日日有蕃薯苗 , 我都幾鐘意食架 , 另外南瓜苗都好好味 , 不過真係不是成日有的 .
回覆刪除隻乳鴿一人一隻 , 唔洗斬件喎 !
[版主回覆04/27/2009 16:32:00]係呀? V媽媽話旺角街市只係間中先有得賣! 南瓜苗我都好有興趣試~ 等我下次返來叫V媽媽買來試吓先!
我今次返去仲見到街市有辣椒葉~ 妳有冇食過呀? 我好想試吓!! 不過今次試唔到.......
辣椒苗我都成日買架 , 對胃寒是幾好架 , 可用來炒或滾湯 , 滾豬潤或 瘦肉囉 .
回覆刪除南瓜苗得夏天先有 , 現在都仲未有 , 好高纖架 .
[版主回覆04/27/2009 20:13:00]聽落兩樣我都好似會鍾意~ 希望下次返香港有機會試哂2樣!
尼餐餸大致上我樣樣都食過...係未試過炸菜蒸豬潤...炸菜蒸牛肉..炸菜蒸豬肉就食得多...
回覆刪除吾記得問...豬潤要吾要醃?
回覆刪除[版主回覆04/28/2009 15:56:00]妳咪齋睇相唔睇字先得架! 上面有食譜架!!!!
妳好，我都係最近先睇妳個blog，原來你同我都一樣都係長洲人， 我係係長洲出世架，但係到3歲就搬左黎同屋企人住，細個都係太婆湊大我架
回覆刪除[版主回覆12/23/2009 05:43:00]妳好歡迎妳!
係呀~ 我喺長洲長大架! 不過我喺九龍出世~ 同妳有少少唔同 - 我由外婆湊我直至小學畢業先搬返同父母住!
咁妳而家仲係咪住喺長洲呀?