原來係一條潮鍊來喎!!!! (2009年4月10日)

尋日(4月10日)開始係老公一連4日既復活節假期，天氣非常好~  晨早老公出去買早餐，食完我地就出街拍拖!
(原來我返咗來咁多日.....尋日係第一次出街喎!!!)

  

第一站即去Princes Square 既Links of London，將老公送比我既Lucky Charm Bracelet 換大一個size~

 換咗條中碼就perfect 嘞!

一去到店門口，就見裡面排哂大隊~ 我地都要排咗10分鐘隊先換到條手鍊!  而店裡面排大隊既客人，幾乎每個都係來買依條手鍊，或者掛喺手鍊上面既lucky charms! 有好多客人仲即買即帶上手呢~~~ (我都係! )

原來依期條手鍊真係好鬼紅...... (唉~ 我真係"背"!)

- 換完手鍊我地去咗Wagamama 食野，一坐低我就見到隔離枱食緊野既2女1男，2個女仔每人手上都各有一條;

- 隔離枱走咗之後來咗一對年輕男女 + 1個阿婆......後生果位女士又帶住一條;

- 我 + 老公坐既係窗口落地玻璃位，我地一路食野時留意到有2個喺外面經過既女仔又帶住;

- 食完野行街，一路撞口撞面喺街上都唔難搵到帶住依條手鍊既人! 全日我地最少見到10個......

 我: 哇~ 原來依條手鍊咁鬼紅架~~~~ 咁多人有既!!! 好誇張啊~~~~

 老公: 係呀~ 雜誌話而家好紅嘛! 不過咁多人都有...妳會唔會唔鍾意呀?

 我: 緊係唔會! 好野緊係多人有架啦~ 我都不知覺得自己幾潮呀! 呵呵~~~

店裡面仲有好多好可愛 + 造型不同既lucky charms，真係花多眼亂......

 青蛙王子~ (個皇冠係18K鍍金來架!)

 Cherub~ (佢攞住既心心都係18K鍍金!)

 Big Rock Diamond Ring~ (當然唔係真鑽石啦!)

 Pigs Might Fly~ (我覺得依個超可愛!!!)

 Rubber Ducky~

 大笑佛~

 Feelin Lucky Heart Haematite~ (依個黑色波波好sharp! 不過好鬼貴......)

我睇中咗好多個lucky charms......不過我條手鍊剩返5個位掛咋!!!!!

如果大家想睇多d 款式既話，可以去以下網址:

http://www.linksoflondon.com/online-shop/women/charms


返來一星期都唔夠，我就急不及待去促進英國經濟!

發現好多襪漏咗喺香港V家冇帶返來，搞到返到來冇襪著!!!!

本來只唸住出去買返d襪......

 點知又買咗件衫 + 1條飲裙!

老公表哥6月結婚，本來打算喺香港買定條靚靚飲裙，不過喺香港時冇乜心情 + 時間行街! 尋日無心之下又竟然比我搵到依條超平既靚靚飲裙 - 承惠£15~

 

  不過仲有成2個月......我到時未必一定著佢架!