孖T情人節

聽日2月14日又係一年一度各大花店掠水之日 - 情人節是也~~~ 光陰似箭...大大話話聽日已經係我同老公既第9個情人節嘞!

 依條好似鼻屎咁細粒既鑽石頸鍊，係孖T第一個情人節，老公送比我既第一份情人節禮物! 當時老公仲係窮鬼大學生一名，不過佢有鍾意既野會唔捨得買，而留返d錢買野比我......

條頸鍊係當時老公節衣縮食，喺一間貴價珠寶店買比我既...同樣價錢喺H. Samuel 可以買到大粒好多!!!

 除咗頸鍊之外，仲有隻大狗公仔~ (我以前係金毛強!)


真係難為老公 - 窮鬼老公果時冇車! 所以大個男人要捧住隻狗公仔(仲有大札香水百合)，搭火車再行去我屋企......

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

我地既第二個情人節，老公比咗個大驚喜我!

 當時我返緊college，而情人節當日並唔係假期，老公當時返緊part time，而且當晚要輪夜班唔可以陪我.....

當日我返緊學放tea break，喺我完全唔知情之下，同同學行緊去canteen 嘆茶之際...一出門口就見到老公泊咗架車喺我上堂既Business Building 門口! (其實Business Building 門口係唔可以泊車既，不過老公同實Q講掂數，可以泊一陣~)

 同學們哇哇哇咁既聲 - 因為車裡面有札好大札我最鍾意既香水百合!

因為老公當晚陪我唔到，所以特別返工前來college 比個驚喜我! tea break 完咗後，我捧住大札花同其他同學喺走廊等老師開門入課室，其他班既同學見到都議論紛紛......

我仲記得當日果堂係會計，教會計既係一位阿Sir - Mr. Paterson~ Mr. Paterson 開咗門入到課室後，問班內其中一個男同學......(以下對白原本全英語!)

 Mr. Paterson: Colin, 你會唔會買咁大札花比女朋友?

 男同學: 咩花呀?

 Mr. Paterson: 你見唔到Veronica 收咗好大札花咩?

 男同學: 我見到個森林......

 Mr. Paterson: Veronica 妳札花整到我花粉症發作!!!! 妳唔洗旨意攞Merit~~~ (當時會計係我強項! 我係top of the class~ 咁Mr. Paterson 當然係講笑啦! )

依札花成為咗當時Business Building 既佳話! 試過有我唔識既隔離班同學喺走廊遇到我，走來問我: 妳係咪收咗好大札花果個女仔?

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

話哂已經係第9個年頭既情人節~ 而且加埋年中大大小小既special occasions 都會互送禮物，近年唸送乜禮物真比對方，我 + 老公唸到頭都爆! 舊年就係因為依個原因，情人節過後成半個月大家都仲唔知想要乜，於是用"禮物基金"齊齊去咗愛的紋身~~~

每人喺盤骨位紋咗隻翼......

 老公紋左邊...

 我隻喺右邊~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

今年都係一樣 - 仲未唸想要 + 未買禮物......而且未知點慶祝! 因為依d野一向都係老公安排，而我就坐享其成! (反正問佢都唔會講~~~~)

 不過尋晚(2月12日)老公比咗盒野我......佢話唔係禮物，係我既情人節咭!

不過佢唔比我開!!!! 話要等到情人節先准開喎~~~ (咁你咁早比我做乜鬼!!!?!?!? )

 祝大家有個浪漫難忘既情人節啊~~

Happy V's Day!