2009年2月9日星期一

德國孖人牌

好細個時已經知道德國孖人牌 (Zwilling J.A. Henckels) 係好野來~ 因為V媽媽有整套好講究既修甲工具,就係孖人牌!

後來V媽媽去旅行唔見咗套野,再買返既都係要買孖人牌~ 但十幾廿年前,一套放喺皮套裡面既孖人牌修甲工具,都賣成千銀一套!!!

只係用來剪手指腳指甲...真係太奢侈!!!


後來大個咗,知道孖人牌既廚具都好出名~ 不過同樣貴到飛起!!!

因為鍾意煮野食,不知不覺間連對廚具既要求都越來越高...但幾舊水一把孖人牌實在太貴嘞!!!!
真係唔捨得買,所以每次喺窗櫥見到都只係望梅止渴......
雖則話廚藝係取決於經驗 + 技巧 whatever~~~ 不過虛榮心作崇,加上我覺得"工欲善其事,必先利其器"......真係好想擁有一把孖人牌!!!


尋日(2月8日)我終於買咗嘞!!!!! It's like a dream come true~~~~
 不過如果唔係減價,我都唔會捨得買~~  等我搵日開光,睇吓係咪真係傳說中咁好用先!


19 則留言:

  1. 孖人牌GE刀..係堅好用... 最好最好用GE係菜刀+剪刀 把剪刀一定要買.... 用過你就知道... 我同JC岩岩搬出黎時... 光是買刀...都買左2千幾蚊... 刀幾十蚊都有...不過要成日SHARP拒都幾煩... 孖人牌GE刀我用左半年都係咁利... 快D買齊一套啦...你就會知道GA啦...
    [版主回覆02/10/2009 03:36:00]我應該唔會買一齊成套...
    因為我之前用開日本菜刀(好多把~)
    其實幾好用!
    我之前既網誌都講過 - 我屋企有好多刀!
    睇心情鍾意用邊把就用邊把......
     

    回覆刪除
  2. 究 竟 幾 錢 呀 ???咁 貴 買 把 刀 ,不 如 切 我 忽 肉 好 過 囉
    [版主回覆02/10/2009 03:38:00]3X英鎊囉~
     
    我係買來切 架!!!

    回覆刪除
  3. 唔 好 追 住 嚟 呀 ,我 好
    [版主回覆02/11/2009 21:22:00](Empty)

    回覆刪除
  4. 我入伙果時買左套中式刀+剪刀+砍板set,一set買平d..仲有個薯仔刨都好好用。
    [版主回覆02/11/2009 21:19:00]我屋企已經有好多廚刀,所以孖人牌對我來講並唔係必需! 而且我之前未用過...等我試完依把刀先會再考慮買唔買多d~

    回覆刪除
  5. 佢有把剪骨刀好正好鬼好用tim架....
    [版主回覆02/11/2009 21:16:00]我果日都買咗把可以剪雞既廚用剪呀...不過唔係孖人牌~~~~ 而家妳搞到我又心思思!

    回覆刪除
  6. 呢個牌子既刀又真係好出名下..........貴得有道理呢!!
    [版主回覆02/11/2009 21:15:00]仲未知係咪真係貴得有道理...因為仲未開光!

    回覆刪除
  7. 孖人牌我都有把大菜刀..都係減價先捨得買炸.....廚具我又會捨得買喎..因為好用真係可以用幾十年.....
    [版主回覆02/11/2009 21:13:00]我都係減價先捨得買把最多機會用既菜刀咋! 今次小試牛刀,先測試吓有幾好用......
     
    因為我鍾意煮野食,連帶鍾意買廚具!  不過其實無論平貴既廚具,都可以last 好耐既!!!
     

    回覆刪除
  8. 我諗加拿大唔係好貴,因我見老公都買過好幾把,生果刀,菜刀,骨刀,磨刀棍,乜都有。
    [版主回覆02/11/2009 21:08:00]唔清楚加拿大既物價~ 不過以前去過加拿大一次,感覺物價好平! 不過英國出名乜都貴......
     
    但我唸始終應該係德國買孖人牌會最平~

    回覆刪除
  9. 好鬼驚D利刀,
    因為我成日都好易切親手,
    [版主回覆02/11/2009 21:02:00]咁妳都係唔好用利既刀嘞.......

    回覆刪除
  10. I like 德國孖人牌  too, I have a pair of 剪 係用來剪 eye brow, I have thick eye brow but dont want to let other people trims it, so I I brought a pair of 剪, cost me hk$300 ten years ago ga, but I am still using it now, so it worth it
    [版主回覆02/11/2009 21:07:00]my mum has a set of nail trimming set, with a real leather purse~ she thinks it's really good quality! but i think it's too expensive~~~ for trimming nails.....

    回覆刪除
  11. 我屋企把孖人牌片刀 , 比工人用來斬雞翼 , 斬崩了呀 ....好肉痛 !
    [版主回覆02/11/2009 21:01:00]陰公~~~~ 屋企有貴野就要教定工人點用嘛!

    回覆刪除
  12. 我唔敢用咁利既刀 因為怕切親手呢
    [版主回覆02/11/2009 21:00:00]刀唔利點切野呀????

    回覆刪除
  13. 你們是如何切骨劈骨?
     
    [版主回覆02/11/2009 20:59:00]我有2把斬骨用既刀 - 日本骨刀 + 普通街市賣既廣東大把菜刀~ 不過我唔係好捨得用把日本骨刀來劈骨......所以只用廣東菜刀囉!

    回覆刪除
  14. 孖人牌我都唔捨得買
    [版主回覆02/11/2009 20:57:00]我都唔捨得買架~ 如果唔係減價的話,把刀仲喺舖頭呀!

    回覆刪除
  15. 上次我去吉之島, 老公都有介紹呢個牌子嘅刀俾我知, 話買刀買呢隻牌子係好野, sales介紹有一套連針板, 二千蚊都唔洗, 都幾抵, 又靚, 我都好想買, 老公見我咁拿臨叫我走, 因其實屋企乜野都有, 我諗住第時屋企裝俢好就會換一套。
    [版主回覆02/11/2009 20:55:00]係呀~ 係呀~~~~ 孖人牌有其他廚具架!!!!
     
    遲吓如果有機會去德國的話,我一定會趁機買! 我唸喺德國應該會平d! 少少都好吖.....
     

    回覆刪除
  16. 孖人牌真係好貴.......哈, Mrs T 一定切乜嘅刀都有齊啦
    [版主回覆02/11/2009 20:52:00]我屋企廚刀多到可以用來比古惑仔開片!

    回覆刪除
  17. 真的貴嗎?
    我家的菜刀、剪刀、生果刀等全部都是孖人牌; 我唔知價錢, 因為全部都是99、老媽買比我 的呢!
    Samwei 講的ceramic knife, 我都有一把, 勁好用! 永遠不用磨刀、切蘋果又唔會生秀........遲d會出篇blog講講呢把刀先!
    [版主回覆02/11/2009 20:51:00]我一向覺得煮野食係靠技巧,工具並唔重要! 有真材實料既話,用Asda Smart Price 廚具一樣可以煮到好味既食物~  只係後來越煮越有興趣,所以對廚具要求相應增加啫! 之前我用開既斬骨刀 、菜刀、起骨刀......全部都係日本廚刀,都唔錯架!
     
    孖人牌 + Le Creuset 都可以話係廚具中既LV!  LV 我就有小研究~ 孖人牌 + Le Creuset 只係剛起步~~~~
     
    我前年返香港都見Sogo 有ceramic knife 既示範,不過只可切野唔可以斬...所以我冇買到!
     
     
     

    回覆刪除
  18. 錯啦 ..... 是有工人唔可以用貴嘢  !
    你估我冇教咩 , 係教唔聽 , 唔駛佢錢的嘢 , 你都唔駛指意她會錫住用 !
    [版主回覆02/11/2009 23:24:00]又係喎! 都係唔好比佢地用好d~

    回覆刪除
  19. 都係架,所以我把刀好"頓"架,
    [版主回覆02/12/2009 03:35:00]鈍刀都會切到手架~ 都要小心用!

    回覆刪除

Related Posts Plugin for WordPress, Blogger...