2009年2月5日星期四

中式點心 - 香茜鮮蝦韭菜餃 & 蝦餃


香茜鮮蝦韭菜餃

1. 預備材料: 免治豬肉, 鮮蝦, 韭菜, 莞茜 & 澄麵。

2. 蝦肉去黑腸洗淨抹乾水份,切成粗粒。

3. 韭菜和莞茜洗淨瀝乾,切粒備用。

4. 將蝦肉粒、韭菜粒和莞茜加入免治豬肉內,用胡椒粉、糖、生抽、雞粉、麻油少許調味,再加入粟粉拌勻成餡料。

5. 將餡料放入餃皮,包成餃形。

6. 大火蒸約10分鐘即成。(餃皮會變成半透明~)

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

蝦餃

1. 預備材料: 鮮蝦, 竹筍, 肥豬肉少許 & 澄麵。

2. 蝦肉去黑腸洗淨抹乾水份,切成粗粒; 竹筍切絲備用。

3. 肥豬肉用滾水灼熟,撈起瀝乾切成幼粒。

4. 將蝦肉、竹筍絲和肥豬肉粒混合,用胡椒粉、雞粉、糖、麻油和粟粉少許調味拌勻成餡料。

5. 將餡料放入餃皮,包成餃形。

6. 大火蒸約10分鐘即成。(餃皮會變成半透明~)

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

餃皮

1. 澄麵200克,加入鹽3/4茶匙拌勻。

2. 倒入滾水1 1/4杯(約312.5ml)並搞勻,加蓋5分鐘後搓成軟糰。

3. 澄麵軟糰加油1湯匙再搓勻,分成小團輾成圓形薄皮。

NOTE

- 避免澄麵粉糰乾燥,所以要先預備餡料;

- 餃皮材料份量係根據澄麵包裝上既指引,可根據其他材料而增減餃皮材料份量~



23 則留言:

  1. 好勁呀^^ 你有冇出去學過cooking, 你d 餃好似同出邊食無mug 分別, 可能仲好食tim^^
    [版主回覆02/06/2009 11:31:00]過獎嘞~  我冇出去學過煮野喎!
     
    我係唔輕易比錢去學一樣野既~  除非果樣野一定要有人教! 不過煮野食唔洗要人教架~ 今次唔得既,試多幾次一定得!
     
     

    回覆刪除
  2. 好精緻呀d點心!D皮好薄,見到晒d蝦..睇相都想食!!!
    [版主回覆02/06/2009 20:16:00]thanks~  我好怕厚皮既蝦餃...食落成口都係粉!!!!

    回覆刪除
  3. 好似好好似咁喎, 等我都試下先~~~
    [版主回覆02/06/2009 20:14:00]thanks~ 試吓啦! 唔難架~

    回覆刪除
  4. 我係好鐘意食"韮菜餃"架,不過食完會吐返啲胃氣出嚟會好大朕韮菜味
    [版主回覆02/06/2009 20:14:00]我又唔會喎~ 不過我食完韭菜會好"暢通無阻"囉!

    回覆刪除
  5. home made dim sum!
    [版主回覆02/06/2009 20:13:00]"V Kee Dim Sum" (V 記點心)~

    回覆刪除
  6. 皮薄餡靚喎,點心都識整,佩服佩服
    [版主回覆02/06/2009 20:11:00]thanks~  我都係跟包粉包裝後面個食譜整之嘛~ 唔難架!

    回覆刪除
  7. 你真係好掂!!! 我都好少留言, 都忍唔住讚你!!!
    [版主回覆02/06/2009 20:08:00]多謝賞光~  不過我唔係好掂...只係鍾意新嘗試!

    回覆刪除
  8. 哈哈! 終於連點心都比你征服埋!
    [版主回覆02/06/2009 20:06:00]征到個味道...但征唔到個外形......

    回覆刪除
  9. Wow, is it your first time to make it?   It look so pretty and yummy ah.   I will try try this weekend. Thanks.
    [版主回覆02/07/2009 22:44:00]thanks~ yes this is my first time making dim sum!

    回覆刪除
  10. 我好相信你係一個好鐘意整野食嘅人, 連點心都整, 俾個服字你!
    [版主回覆02/07/2009 22:46:00]多謝~ 我除咗鍾意整野食,仲鍾意食 + 搞搞震試新野.....

    回覆刪除
  11. 包得好好! 好要學下先! 不過肥豬肉我怕怕!
    [版主回覆02/07/2009 22:50:00]thanks!
    咁唔一定要落肥豬肉既~ 不過出街酒樓食既都一樣有架啦! 一係落少d囉,始終落咗會香d!

    回覆刪除
  12. 嘩,呢個我都要學呀!!  多謝分享啊!!
    [版主回覆02/07/2009 22:53:00]thanks~ 整完話聲我知,等我過去欣賞吓喎!

    回覆刪除
  13. 你真係能人所不能... 今次又學到野啦... 多謝你唷>3<"
    [版主回覆02/07/2009 22:55:00]又冇咁誇張,能人所不能...哈哈~~~  
     
    多謝~ 得閒試吓整吖!
     

    回覆刪除
  14. 我真係要五體投地....你真係好勁呀.....
    [版主回覆02/11/2009 22:52:00]哈哈~~~ 咁誇張!
     
    anyway thanks~

    回覆刪除
  15. 多謝你嘅分享!! 我今日整左, 我覺得好好味呀~~!!
    [版主回覆04/08/2009 03:26:00]唔洗客氣~ 妳覺得好味,我都好開心!
     
     

    回覆刪除
  16. 嘩~妳好叻呀!連蝦餃韭菜餃都識整... ...睇到個樣已經好味... ...真係好佩服妳呀!點會信妳以前唔識煮食架! ...妳好有心機研究整嘢食,我就無咁好耐性,因為瑞士難買材料~唔識德文。 ...尤其係嗰啲咩~高根低根麵粉、吉士粉,頭都暈... ...本地啲麵粉看圖嚟買架咋!有曲奇樣同麵包樣,但就唔知係咩根麵粉啦!
    鮮蝦~係貴到買唔落手... ...澄麵~亞洲店可能會有,韭菜~有都唔靚又貴,芫茜~自己種... ...罐頭竹筍~應該有得賣,肥豬肉~都勉強搵到啲腩肉cut啲肥肉出嚟用。
    哈哈...我成日話~蝦餃要點心師傳至整到... ...如果我整到俾老公食,佢實開心到暈... ...多謝妳分享+教我點整呀!

    回覆刪除
  17. 嘩~妳好叻呀! ...連蝦餃韭菜餃都識整,睇到個樣已經好味... ...真係好佩服妳呀!點會信妳以前唔識煮食架! ...妳好有心機研究整嘢食,我就無咁好耐性,因為瑞士難買材料~唔識德文。 ...尤其係嗰啲咩~高根低根麵粉、吉士粉,頭都暈... ...本地啲麵粉看圖嚟買架咋!有曲奇樣同麵包樣,但就唔知係咩根麵粉啦!
    鮮蝦~係貴到買唔落手... ...澄麵~亞洲店可能會有,韭菜~有都唔靚又貴,芫茜~自己種... ...罐頭竹筍~應該有得賣,肥豬肉~都勉強搵到啲腩肉cut啲肥肉出嚟用。
    哈哈...我成日話~蝦餃要點心師傳至整到... ...如果我整到俾老公食,佢實開心到暈... ...多謝妳分享+教我點整呀!

    回覆刪除
  18. 嘩~妳好叻呀! ...連蝦餃韭菜餃都識整,睇到個樣已經好味... ...真係好佩服妳呀!點會信妳以前唔識煮食架! ...妳好有心機研究整嘢食,我就無咁好耐性,因為瑞士難買材料~唔識德文。 ...尤其係嗰啲咩~高根低根麵粉、吉士粉,頭都暈... ...本地啲麵粉看圖嚟買架咋!有曲奇樣同麵包樣,但就唔知係咩根麵粉啦!
    鮮蝦~係貴到買唔落手... ...澄麵~亞洲店可能會有,韭菜~有都唔靚又貴,芫茜~自己種... ...罐頭竹筍~應該有得賣,肥豬肉~都勉強搵到啲腩肉cut啲肥肉出嚟用。
    哈哈...我成日話~蝦餃要點心師傳至整到... ...如果我整到俾老公食,佢實開心到暈... ...多謝妳分享+教我點整呀!
    [版主回覆03/19/2010 17:46:00]多謝Sandy 讚賞!  其實係之前買咗包澄麵唸住用來年糕,後來無整到,咁唔想嘥咗包粉,我咪試吓整蝦餃囉! 味道都唔錯,不過我嫌包得唔夠靚.......
     
    以前未過來英國讀書時,除咗洗碗之外V媽媽唔比我入廚房架! 佢怕我搞亂佢個檔攤......過咗來英國之後自己一個人住,焗住要學識自己煮野!
     
    btw....
    - 筋粉 = 高筋麵粉 = bread flour - 用來整麵包;
    - 中筋麵粉 = plain flour - 用來整餅乾酥撻;
    - 低筋粉 = cake flour - 用來整蛋糕,不過歐洲多數搵唔到低筋粉既! 一般依度整蛋糕都係self rising (自發粉)~ 
     
    其實妳喺超市見到材料雖然唔識德文,不過妳可以抄低佢,返屋企用依個網上翻譯器check 吓係咩來!  希望幫到妳~ http://translate.google.com
     
     

    回覆刪除
  19. 噢~sorry呀!噚晚俾YB玩殘咗... ...回應咗好多次都唔得,次次玩兩次驗證碼~又要重新copy一次草稿過嚟... ...足足copy咗5、6次都有啦!過到驗証碼~佢又話在處理中,我嬲到爆晒粗口... ...即刻熄機唔玩呀!仲諗住今日再同YB死過... ...原來死YB炸咗妳個blog三次... ...唔好意思啊!
    ...講返~妳咪咁謙啦!妳第一次整到咁嘅水準咁靚,已經好OK... ...要包得靚就要工多至藝熟架嘛! ...無錯~人生路途中好多嘢都係迫出嚟嘅!妳能夠迫出煮食興趣,實在太開心啦!
    哦~多謝妳嘅詳盡解釋啲乜根物根,唔洗我搞到抽晒根... ...唔怪得我次次整海棉蛋糕~都發唔起啦! ...原來我用錯整麵包嘅高根麵粉... ...其實我有部電子翻譯機可以查到德文,但好多字詞係查唔到~要靠意會... ...唔咪唔想學好德文~係真係好難學呀! ...但都好多謝妳介紹多一條路徑俾我去搵翻譯解釋...
    [版主回覆03/20/2010 06:38:00]唔緊要~ 我知唔關妳事!
     
    我真係好鍾意煮野食!  每次煮一個新菜式,成功咗會有滿足感架!
     
    其實因為我好鍾意周圍搵整野食既新材料,而家英國有好多由歐洲其他國家入口既食物,有時見到唔知係乜來,我就會抄低個名 + 資料,返屋企用網上翻譯睇吓係乜東東來......咁先發現個 website 既啫!
     
     

    回覆刪除
  20. Hi  I'm very happy. You live in Glasgow, me too. 我老公唔食 韭菜 .我對竹筍有敏感, 何意用其他菜 Thank you
    [版主回覆04/08/2010 17:29:00]welcome + nice to meet you~ 唔知我地有無喺街撞見過呢?
     
    妳老公唔食韭菜.....咁韭黃呢? 又或者可以完全唔用菜既~
     
    至於妳對竹筍敏感,咁可以用馬蹄來代替竹筍!
     
     

    回覆刪除
  21. Hello Mrs T,
    我係一個網誌新了,但留意妳既blog有一段時間,謝謝妳給我好多煮意。我都係一個“物”都唔識煮既港女,過到黎荷蘭學煮飯!好在有妳既 煮意&食譜,我至可以學煮唔同款式既菜式。
    我想請教Mrs T點樣可以搓到蝦餃皮好似妳個D甘薄?我剛造蝦餃,但唔識控制D皮,整到好似粉果甘,而且好容易穿及無彈性!謝謝!
    [版主回覆01/22/2011 02:41:00]妳好Netherlands C9! 歡迎妳~
     
    唔洗客氣~ 反正我都係煮開先有得同大家分享嘛!
     
    其實澄麵麵糰可能壓到好薄架! 唔洗怕會爆,盡量壓薄得架嘞!
     
     

    回覆刪除
  22. 謝謝回覆Mrs T, 但當我搓到個皮較簿時,D函就流出來!唔知係唔係D麵團太乾呢(但我已加左油去搓)
    [版主回覆01/22/2011 07:50:00]妳係咪照住上面個份量加水加油架? 如果妳仍然覺得太乾,可以自行勺量加多少少水試吓~
     
     

    回覆刪除
  23. 好!等我下次再試下, 謝謝妳!
    [版主回覆01/22/2011 20:45:00]唔洗客氣~ 試多幾次一定會成功架! 加油啊~
     
     

    回覆刪除

Related Posts Plugin for WordPress, Blogger...