泰國 - 冬蔭功 (泰式酸辣蝦湯)

 1. 預準材料: 冬蔭醬, 魚露, 清雞湯, 香料, 羅望子 (即"酸子"), 椰汁 (可用淡奶代替), 蝦 (最好用生蝦)。

2. 香料: 莞茜, 香茅, 蘑菇, 青檸, 南薑, 紅辣椒, 檸檬葉 (Kaffir Lime Leaves)。

3. 香茅斜切; 莞茜略略切碎; 紅辣椒、南薑和蘑菇切片備用。

4. 燒熱油鑊，下南薑片、香茅和檸檬葉炒香後加入冬蔭醬炒勻至香。

5. 下清雞湯和清水適量拌勻，煮約10分鐘待材料出味。

6. 下椰汁、蝦和蘑菇片滾片刻至蝦熟，用魚露、羅望子醬和糖調味後試味。

 7. 下紅辣椒滾起，灑上切碎莞茜和青檸汁少許即成。

NOTE

- 冬蔭功既"冬蔭"係泰式酸辣湯既意思; 而"功"就係材料蝦!  所以如果材料改為雞，應該係"冬蔭雞"! 而唔係"冬蔭功雞"~~~~

- 材料喺香港應該好容易買得到; 而英國就可以喺中式超市買到新鮮 / 急凍 / 乾貨既所需材料~ 不過通常新鮮既材料份量都好多 (應該係供應餐館用既)!

 e.g. 我喺泗和行買過一次份量既急凍既冬蔭湯料，裡面有香茅、南薑、檸檬葉 + 指天椒~

 中式超市既新鮮南薑(Galangal) 好大份，唔係咁適合家庭煮食! 不過同時都可以搵到乾既南薑片~

 價錢比新鮮南薑平好多 (只係幾十個p 一包)~ 剩餘既可以保存好耐!!!

- 羅望子 (Tamarind)，別名眾多~ e.g. 酸子, 酸豆, 酸果, 印度棗, 阿參果......果肉帶酸甜味，係冬蔭功酸味既主要來源!

 中式超市可以買到泰國出產既濃縮酸子醬!

 已清除酸子既核，使用起來比較便! 用來煮冬蔭湯更為適合~

- 泗和行有新鮮既酸子果出售，不過非常大包!

- 酸子酸味重，所以無論用濃縮酸子 / 新鮮酸子 / 酸子果肉，最好一面使用一面試味~ 以免下得太多!

- 英國大型既西式超市e.g. Tesco Extra，都可以搵到部份所需材料e.g. 冬蔭醬、羅望子、香茅、紅辣椒 etc~ 間中會見到有新鮮南薑賣，不過供應唔穩定!

 喺Tesco Extra 既World Food Section 可能搵到幾十個p 一包既連核酸子果肉! 使用前要先用滾水浸溶果肉取出果核~

 新鮮香茅喺英國超市已越來越普遍! 此外亦可以搵到不同既代替品 (左至右): 切碎乾香茅, 原枝香茅乾 + 香茅醬~

- 檸檬葉 (Kaffir Lime Leaves) 係泰菜中常見既材料! 我喺英國冇見過新鮮檸檬葉，不過乾既檸檬葉就好容易喺一般超市搵到!

 Asda 自家出品既乾檸檬葉~