48小時情人節Part 2 - Aberlady Bay (2009年2月15日)

2月15日一早起身，我地先落樓下食早餐!

 食早餐既地方，係位於餐廳另一間房，同之前食晚餐既唔同~

 早餐係英式full breakfast (好彩唔係continental breakfast!!!!)~ 多士、粟米片、果汁、茶 / 咖啡就任食自便!

我有少少詫異 - 其他couples 都係女人出去幫男人攞多士果汁! (男士們~ 你地既風度去咗邊??? ) 唯獨我一個好似癱咗咁坐喺度等老公服侍，連搽牛油都係老公幫我~~~

 老公果份要煎蛋~

 我就要炒蛋!

 食完早餐我地就check out 酒店房，去咗Aberlady 海邊散步~~~~~

 天氣超好! 藍天白雲又唔太凍，而且我好鍾意聞海邊既"海水氣味"! 好舒服~~~~  

 不過海邊始終比較大風!

 哈哈~~~~ 泥灘上面有好多"V"! 其實係雀仔既腳印~~~~

 原來每年8月1日至翌年既3月31日，都有季候鳥類喺度棲息~ 為咗唔好打擾佢地，所以依段時間唔可以行落泥灘，要留喺散步道上!

 一望無際既泥灘好似冇盡頭~ 今日水退，以我經驗估計，依個泥灘應該有好多蜆!

 散步道兩旁有好多Sea Buckthorn Berry (沙棘果)~

 曾經喺電視睇過一個有關野外求生既節目 - Ray Mears' Wild Food~ 節目提到以前喺沿海生活既原始祖先，有可能係靠Sea Buckthorn Berry 來攝取維他命C!

Ray 仲話過Sea Buckthorn Berry 好難摘取 - 一摘就好易爆開......

 所以我做咗個實驗 - 果然係好易爆!!!! 成手都係~~~~

 途中我地見到有2隻天鵝喺河邊食野! 好似好鬼sweet~~~~

 老公話天鵝一搵到自己配偶，就會一生一世從一而終! (幾好意頭喎! 呵呵~~~~~ )

 點解佢d羽毛可以咁潔白乾淨既呢????

 行行吓見到好遠既前面著火!

 不過老公話應該唔係山火，而係依個範圍既管理人員燒緊修枝後樹木既枝葉......

 突然見到地上有pat 毛......睇真d原來係條大毛蟲!!!!!! 仲要未死郁郁吓!!!!!!!!!!!!!  好核突~~~~~

 雖然天氣咁好，而且仲有成11、12 度~ 不過離遠仲可以見到較高既山頂上仲有積雪!

來回大約行咗個零鐘頭...之後我地就離開Aberlady，去愛丁堡行街嘞! Aberlady 真係好靚~~~ 我地一定會再去依個咁靚既小鎮!!!