2009年1月12日星期一

Stock Pot...Out Of Stock?!?!!!

我真係好討厭英國既冬天!!!!!

頂~~~ 上星期雖然成個星期又凍又毛毛雨,但有一兩日間中都出過吓陽光; 點知到咗weekend 仲衰 - 星期六、日連續兩日出面都係橫風橫雨! 樹被吹到左搖右擺......但今日一早又陽光普照喎!!! 真係吹脹~~~~

大佬呀...weekend 一個星期先得一次咋~ 要落雨唔該留返weekdays 啦!!!

 我係非常怕凍既人~ 一出街就要包到成隻粽咁!!!

不過英國好多室內既公眾場所,一到冬天就開行哂暖氣,包到咁既款,入到室內行一陣...就會好似焗桑拿咁!!!! 一出一入,一冷一熱...咁就好易領野感冒~~~

呻完~ 回正題...

剛過去既weekend 首要任務 - 就係要買返個湯煲!

New Year's Day 果日發現湯煲裡面有溶咗既膠袋,所以成個煲唔要得! 早排見TK Maxx 好多湯煲賣,我當時都心思思架~~不過原本果個又冇問題,無謂咁浪費 + 咁唔環保!

搵足2日...Lakeland, TK Maxx, M&S, Debenhams, Argos...都搵過哂,全部都冇一個湯煲容量大得過4L! 而且選擇好少,最後都係焗住要去返Ikea......


- 雖然喺TK Maxx 搵唔到湯煲,不過都買咗隻新煎pan~ (一早都唸住買架嘞! );

- Ikea 買既湯煲,容量有8L + 尚算好樣,而且好平,£15.65~  不過我最鍾意係佢既膠手柄!  啱啱揼咗果個係金屬柄,我拮煲蓋時成日唔小心辣親......

- 另外仲買咗個玻璃兜用來整蘿蔔糕~~~~

舊年年中開始,我棄用超市膠袋,改用環保袋買餸~ 去Tesco 買野仲可以儲Green Points 添!  而且我覺得用環保袋買餸好潮~ 買餸都買得特別有型!!!!

不過我覺得好多環保袋質地都唔太堅固,好易爛......但堅固果d又太細!

咁啱喺TK Maxx 搵到依個Rip Curl (一個滑浪服裝用品既品牌~) + WWF (World Wide Fund for Nature - 世界自然基金會),合作出品既熊貓環保袋!

原價要£26~ 但TK Maxx 只賣£9.99!

 我第一眼見到個袋已經覺得好cute!  用料又堅固~~~~

 最緊要係夠大!! 唔洗我下下帶一大叠環保袋出街~~~~
大減價開始水尾,好多店舖做埋依個weekend 就完......

 又比我搵到件我size 既Sexy 閃閃Tube Top 喎~ 依件野超平 - £5! 幾抵玩~~~~

世事真係無奇不有......

尋日橫風橫雨之下去到Ikea,泊好車我同老公就直衝入去門口,突然我見地上一亮,以為有錢執......(比較耐既廚房網友,應該知我 + 老公有個習慣 - 行街時玩執錢! )

 點知我執到既係一個超市手推車代用幣......
咁就冇乜咁奇吖! 但突然老公話: 咦? 後面個公仔係咪Bonnie 來架???? (老公意指Bonnie 果種狗,唔係指真係Bonnie~)

 OMG! 相中狗仔竟然同Bonnie 一樣係Cavalier King Charles Spaniel...仲要同Bonnie 差唔多樣 + 顏色~

連老公都話: This is so weird!!!!


6 則留言:

  1. 熊貓袋好靚呀
    請問咩叫超市手推車代用幣
    [版主回覆01/13/2009 17:21:00]我超鍾意個熊貓袋呀~~~~~
     
    re "超市手推車代用幣" - 依度去超市買野既人大部份都會一次過買好多野,所以多數會渣車,購物後手推車可以推到停車場; 但始終有少部份人係冇車既! 依d人如果住得近的話,冇起公德心上來時,會連手推車帶貨推返自己屋企...之後就順手將手推車棄置喺路邊!
     
    就係咁...而家幾乎所有超市既手推車上面都有一個裝置 - 要入一個1英鎊銀仔先可以攞到手推車~ 用完手推車亦要推返去超市內指定位置,將車放好 + 插好裝置既鐵匙,先可以攞返果1英鎊~
     
    不過好多時個身咁啱冇1英鎊銀仔,所以有d公司宣傳時e.g. 銀行,會將鎖匙扣造成一個同1英鎊銀大細相同既代用幣,當係贈品送比客戶~~~~
     
    我執到依個野...應該係喺匙扣度跌出來!
     
     
     

    回覆刪除
  2. 個環保袋好靚呀!
    手推車代用幣後面張狗仔樣係唔係人地貼落去架?
    [版主回覆01/13/2009 17:23:00]我好鍾意個環保袋呀!
     
    睇手工似係個代用幣原本就係有張相喎! 因為張相剪得好圓架~~~~

    回覆刪除
  3. 咁你哋有無執到個銀仔呀?
    靚豬同你一樣, 鍾意攞環保袋去超市, 啲袋越買越多啦, 大多數都係上次去good food show嗰陣買~
    [版主回覆01/13/2009 17:35:00]妳講個狗仔代用幣? 有呀! 如果唔係點影相呀?
     
    哈哈~~~ 我同妳一樣 - 屋企越來越多環保袋!  不過大部份都唔係買既,係喺香港買野時送既; 加上V媽媽係Asana Wellness 長期客仔...屋企有一大叠Asana 環保袋,V媽媽比咗好鬼多個我.......

    回覆刪除
  4. 同英國比較,我諗你會鐘意hk既冬天喇.呢排雖然都凍,10度左近,但真係陽光普照,中午其實都好溫和下...我最鐘意冬天既陽光,曬得來唔會刺烈....不過10度對我來講己經超凍了.我都係好怕凍既人.....今年唔知係咪陀住細b既關係,所以無甘怕.....
    [版主回覆01/13/2009 17:38:00]係呀~ 我以前放聖誕假返香港,著短袖衫架! (搞到街上既人望住我...好似覺得我係痴線咁~~~ )
     
    妳陀住baby 一定溫暖啦!

    回覆刪除
  5. 我以前都唔怕凍,係香港住耐左覺得個人怕凍!
    [版主回覆01/14/2009 00:08:00]咁如果妳而家返英國咪頂唔順???

    回覆刪除
  6. 解釋得好詳盡呀,多謝老師
    [版主回覆01/14/2009 02:33:00]咁依位同學...仲有冇唔明白既地方?

    回覆刪除

Related Posts Plugin for WordPress, Blogger...