幾個鐘頭前，Janet + 佢爸爸來接咗Bonnie 返屋企......
短短2個半星期，我唔捨得Bonnie 既程度，竟然超出我預算好多!
睇到Bonnie 見返Janet + Janet 爸爸時個緊張興奮樣，一方面燉Bonnie 高興; 不過另一方面，我心裡面有少少酸溜溜既感覺~~~~
Janet + 佢爸爸走咗後，老公打電話來......
咁又係既......
雖然Bonnie 減緊肥，不過依2個半星期，除咗Janet 指定既diet，我額外比咗好多野佢食!
佢太可愛嘞~~~~ 見到佢碌大雙眼望住我個想食野樣...我就心軟忍唔住!!!可能因為Janet 規定Bonnie 一日只可食一餐正餐，搞到Bonnie 長時間處於饑餓狀態! 見次次嗲我一陣就有野食...所以佢每隔幾個字就來嗲我一嗲!
帶親Bonnie 去散步，成日都好多人停落來讚佢得意 + 摸吓佢~~~
加上Bonnie 好溫馴，直頭馴到可以做Doctor Pet 果隻! 每次散步完幫佢洗腳仔 or 幫佢沖涼，佢都好乖，會企定定任你舞~~ (不過老公話佢其實係蠢喎!!!
)
Bonnie~ 要記得我啊!!!! >>>>>>>>>>>>>>>>>>>>>>>>>>>>>>>>>>>>>>>>>>>>>>>
可能Janet 預咗我會唔捨得Bonnie，佢喺美國買咗隻Perfect Petzzz 西施公仔比我!
哈哈~~~ 個公仔仲有幾分似我既Billy 喎!
隻公仔好似真狗咁喎 香港toysrus都有類似玩具賣，初初出嗰陣彤彤去親toysrus都同我講"mami，我成日見到有小朋友帶住狗狗出街架" ，見我唔多應佢，佢再話"係真架，真係可以帶住佢出街架"
回覆刪除講咁多野冇非係想我買比佢之嘛
[版主回覆01/09/2009 20:56:00]依種公仔用來呃果d年紀太細，但又想養貓狗既小朋友~ 彤彤係咪想養狗狗呀? 係的話就緊係養隻真野啦!!!
嘩哈哈,你個friend都好有心喎,買個代替品俾你,幾可亂真呢.不過Bonnie又真係好鬼cute呀,係人都唔捨得啦.........
回覆刪除[版主回覆01/09/2009 20:51:00]幾可亂真???? 個代替品淨係識瞓覺抖氣......
如果Bonnie 唔係咁痴我的話，我可能唔會咁唔捨得.....
回覆刪除真係幾肥~個樣成日苦兜兜咁,好鬼死得意呀
[版主回覆01/09/2009 20:48:00]咪就係佢依個衰樣，搞到我不停比野佢食囉! 乞人憎到死~~~~
讚同 samwei~~
回覆刪除[版主回覆01/09/2009 20:47:00]呵呵~~~ 皇帝唔急太監急!
睇落 隻 Perfect Petzzz 西施公仔都幾似Bonnie喎
回覆刪除[版主回覆01/09/2009 20:45:00]有冇搞錯呀????
Bonnie 係Cavalier King Charles Spaniel 來架! 而且佢係米 + 白...西施公仔就黑 + 白~ 仲有西施塊面扁架嘛......
Janet 買個西施公仔比我，我唸係因為佢地去旅行前帶Bonnie 去我地屋企，見到客廳我Billy 張相~~~
咦...莫非我色盲 何故我睇倒佢倆個啲顏色咁似嘅
回覆刪除[版主回覆01/09/2009 21:37:00]哈哈~~~~ 難怪妳搞錯! 其實係因為我相機setting 問題 - 影動物既setting 唔需要閃見燈，加上我屋企燈光.....
妳睇有狗籠果張會清楚少少~ 其實都唔算係黑色，應該係深炭色先啱!
HAHHAHHAH......唔怕啦...狗仔係會記得你架.......咁你今個星期就可以去勁SHOPPING啦.....(諗起係咪會開心返D呢.....)
回覆刪除[版主回覆01/09/2009 21:41:00]哈哈~~~ 老公就係話weekend 帶我去retail therapy!
不過佢話Bonnie 太蠢 + 認食物唔認人 所以雖然我咁鍚佢 + 比咁多野佢食......但佢應該好快會唔記得我!
Bonnie 又真係好得意既，俾我可能都唔捨得
回覆刪除你隻公仔都幾似真喎！
[版主回覆01/10/2009 01:44:00]Bonnie 最得意既，除咗佢個樣，仲有佢d動靜~
傻吓傻吓咁，仲識扮可憐!
佢喺度住時，又好鍾意痴住我，氹到我鬼咁鍾意佢~~~~
呢張影得你好純真 好靚呀~
回覆刪除[版主回覆01/10/2009 01:47:00]Bonnie 個樣咁馴良，我都唔可以執輸! 依個係我冇帶面具既真面目~~~
屋企已經2隻馬騮+2隻狗+3隻貓啦喎，仲要養多隻，睬佢都傻
回覆刪除[版主回覆01/10/2009 02:15:00]咁彤彤可能想要細隻狗仔嘛!
而家果2隻咁大隻......
唔記得咗之前有冇比你睇過依啲相呢
回覆刪除張相冇咗一截添
回覆刪除你入facebook睇
http://www.facebook.com/album.php?aid=38564&l=31297&id=609257767
第48-54張呀
[版主回覆01/10/2009 02:17:00]咦...邊度影架? 依咋手工好正喎! thank you~~~~
話時話...我都好耐冇新作品! 係時候要加油快d開工!!!!
賽馬會創意藝術中心裡面既G.O.D，應該係非賣品，間藝術中心係石硤尾(近白田)，係以前啲工業大廈改建架
回覆刪除http://net3.hkbu.edu.hk/~jccac/
我諗住引下你等你快啲攪你間麵包舖呀嘛
[版主回覆01/11/2009 05:24:00]正喎! 等我下次返香港時去及及先~ 希望d袖珍展品仲會喺度啦!!! thank you 啊~~~
得得得!!! Bonnie 走咗後，我有好多野要善後! 我有潔癖架嘛......搞掂後即開工~~~
咁快bonnie就要走, 都估到你一定會好唔捨得佢.......但算啦, 實有機會再見呢, 去shopping平伏吓心情啦
回覆刪除[版主回覆01/11/2009 05:20:00]Bonnie 主人都好掛住佢~ 佢地一落機就即時接返Bonnie!
今日我去咗YO!Suhsi 大食一餐來平伏心情!!!
養狗好大責任
回覆刪除[版主回覆01/11/2009 05:17:00]養乜都有責任架啦~ 而且養得就預咗!
佢耳仔啲毛髮襯得佢好靚呀,仲要收得好自然添,不過學妳hon hon講,妳咪唔駛朝朝幫佢執屎囉 ,算啦,janet都好有心買番另一隻狗比妳"養",仲有埋晒證書,狗袋,不如妳有試下放佢出街睇下啲人會唔會話佢"意可愛"
回覆刪除[版主回覆01/11/2009 05:16:00]佢對耳仔簡直搞笑~ 同佢出街跑步時，好似對翼咁飛吓飛吓!
我唸如果我帶隻假狗出街的話，d人應該係話"我"好得意!
Bonnie is sooooooo cute...俾我都唔捨得啦...
回覆刪除[版主回覆01/11/2009 05:14:00]cute 到我唸唔鍾意狗既人都會鍾意佢!
最怕啲小動物用對水汪汪嘅大眼睛好可憐咁嘅樣嚟望住我,真係心都軟晒,好難把持得住!!
回覆刪除你朋友都好有心思喎,揾到一隻咁似Bonnie 嘅公仔狗,仲有埋收養証明書,好似要養隻真狗仔咁,睇嚟佢哋都係好瞭解又關心你嘅感受!
[版主回覆01/12/2009 18:18:00]Bonnie 對眼最煞食!!!
其實養Bonnie 前我完全唔識Janet 架! 佢係我老公下屬，唔算係我朋友~ 佢唔係搵個似Bonnie 既公仔，係似我Billy 呀! Janet 帶Bonnie 來我地屋企時，見到我放喺廳Billy 張相，我地講狗經，佢知道我鍾意西施~
BONNIE真係好得意呀！不過養人仔好玩啲
回覆刪除[版主回覆01/13/2009 18:15:00]養狗仔平好多喎......