2009年1月8日星期四

二人世界的三餸一湯 - 2009年1月7日 (附食譜)



魚翅瓜雜錦粒粒湯; 蕃茄牛肉; 鮮蜆肉煎蛋 & XO醬炒椰菜

又來V媽媽美食 - 鮮蜆肉煎蛋~  


以前放暑假返香港,指定家庭活動 - 去西貢掘蜆! 除咗掘蜆,仲可以攞到好多青口、蠔仔...次次收穫都好豐富! 返到屋企,V媽媽就會先養蜆一晚,等蜆吐沙後,第二日就會揀特別肥美大隻既蜆來開肉! 開咗出來既蜆肉,有部份用來曬蜆乾; 有部份用來蒸蛋...仲有用來整我最鍾意既鮮蜆肉煎蛋!

返到英國,我試過好多次整依味餸頂癮! 不過依度一直只買到急凍既熟蜆肉,整出來完全唔係果回事!!!  後來多得泗和行~~~  佢地入咗一隻越南產既急凍連殼生蜆,解後煮出來仍然好鮮味......我又再一次成功翻版到V媽媽美食! (咁緊係始終唔及用新鮮活蜆啦~ 話明係翻版嘛......)

老公超鍾意依味蜆肉煎蛋~ 尋晚佢竟然唔係先食哂碟牛肉,而係先搞掂哂成碟蜆肉煎蛋! 我初時仲唸住留少少今日做lunch 添.....

好鬼憎Asda + Tesco!!!! 鬼佬做野真係放軟手腳......新年都過咗成個星期啦,蔬菜部未入齊貨!!! 有冇搞錯呀? 其實我平時好少喺西式超市買菜(佢地來來去去生菜西芹...),不過咁啱weekend 我遲咗去泗和,菜架空鬼哂,先焗住去西式超市!!!

Asda 乜鬼菜都冇! 得d爛鬼椰菜,搞到焗住要食椰菜.....

魚翅瓜雜錦粒粒湯食譜click here~

蕃茄牛肉食譜click here~

鮮蜆肉煎蛋食譜click here~





2 則留言:

  1. 咁要食返d中國菜 即係要早點去買了
    [版主回覆01/09/2009 21:31:00]西式超市冇中國蔬菜賣,所以我會每個星期六去中國超市買; 咁啱上個weekend 我星期六唔得閒,星期日又要去6299度食lunch,食完飯先去中國超市,已經太晏~ 靚菜已經賣得7788.......

    回覆刪除
  2. 嘩~真係開心,最好就係掘完之後食返自己嘅製成品,真係特別另有一返風味
    妳問我用咩cream, 我係用whipping cream,係咪妳之前整蛋糕都用過呢
    [版主回覆01/11/2009 05:36:00]係呀~ 真係又食又拎仲有得玩呀!
     
    我之前整蛋糕既係加咗糖既甜味whipped cream~ 已經whip 咗...妳用既whipping cream 係未whip 既!

    回覆刪除

Related Posts Plugin for WordPress, Blogger...