四個人的五餸新年飯 - 2009年1月1日 (附食譜)

薯仔炆排骨; 玫瑰豉油雞; 茄汁蝦碌; XO醬香煎琵琶豆腐 & 金銀蛋菠菜

每年平安夜我地都會叫Waikee + Vicki 來屋企食飯慶祝聖誕~ 不過今年要幫人睇住Bonnie，而老公平安夜又要返半日，我唔可以專心準備...所以改咗1月1日食新年飯慶祝新年~~~ Waikee + Vicki 上親來食飯都係食西餐，所以今次煮返餐中菜!

 一起身老公就去放狗仔，我留喺屋企準備食物~ 老公打電話返來話麥當當開咗門! 好奇怪 - 往年1月1日幾乎所有食肆店舖都唔開...麥當當都係! 不過可能今年經濟唔好啦~~~ 老公見我咁忙，應該冇時間準備午餐，所以我 + 老公今年第一餐係麥當當!

已經好鬼忙~~~ 點知原來外面落過雨來......Bonnie 返到來成隻泥狗咁!!!!!!

於是要拿拿淋同佢沖涼......咁又搞咗成大半個鐘!!!

 沖完涼既Bonnie 又回復可愛既傻樣~~~

今次煮咗5個餸~ 本來仲想煲湯...點知一睇個湯煲，唔知點解個煲裡面有pat 好似溶咗既膠袋!!! 痴到實一實~~~~ 個煲就係咁要報銷! (不過都好~~~ 又有籍口shopping!! )

Waikee 好鍾意個琵琶豆腐! 佢話平時唔鍾意食豆腐~ 不過碟琵琶豆腐幾乎係佢一個人食哂! Vicki 就鍾意個薯仔炆排骨~ 食完仲叫我將食譜翻譯英文比佢! (佢地2個都係竹升~ 完全唔識中文既!)

睇見佢地2個一路食一路讚好味，仲同我清哂5個餸~ 真係好開心又好有滿足感!

 飯後男既打機; 女既八卦人地是非!  佢地走時已經半夜2am~ 不過老公仲要去放狗仔...

老公放完狗返來，同我say thank you~ 佢話好proud 有我依個老婆!

薯仔炆排骨食譜click here~

玫瑰豉油雞食譜click here~

茄汁蝦碌食譜click here~

XO醬香煎琵琶豆腐食譜click here~

金銀蛋菠菜食譜click here~