2008年12月8日星期一

另一隻好好味既Sainsbury's 雞肝醬 & 好鬼難飲既Jamaian 可樂

依個weekend 試咗幾樣新野~ 有好有唔好......

越來越鍾意Sainsbury's!

星期五晚特登去Sainsbury's,本來想買上次試過好好食既"野菇雞肝醬",點知去到冇咗上次果隻...但就因為臨近聖誕,多咗好多其他牌子 + 口味既雞肝醬!!!  


 今次買咗Sainsbury's 自家出品既"覆盆子紅酒雞肝醬"~ 超好味!!!! 

質地幼滑creamy,味道甘香...... 1 pack 裡面分開4小盒...第二日已經冇哂~~~~~

本來我另外仲買咗1盒唔係Sainsbury's 出品...但個包裝幾靚既"蘇格蘭蜜糖雞肝醬"......哇~ 難食到我試咗一啖就揼都揼唔切!!!!!
 連相都冇影~~~~ 乾爭爭不特止,味道仲超"廉價"......

個人覺得...如非出街食飯order 雞肝醬,Sainsbury's 自家出品既雞肝醬,係我食過眾多超市出品中,最好既選擇!!!
Thumbs Up

>>>>>>>>>>>>>>>>>>>>>>>>>>>>>>>>>>>>>>>>>>>>>>>

星期六(12月7日)去一間專賣來自地中海、加勒比海、墨西哥、美洲一帶既入口食品既雜貨店買野,佢地賣既食品,一般超市係完全買唔到既......


 我地貪得意買咗罐Jamaican (牙買加)可樂~ 一開罐聞到陣味已經覺得難頂! 飲落仲
~~ 味道似Pepsi + Irn Bru + 公立醫院粉紅色果隻咳藥水!!!

牙買加...都係咖啡好d!

 不過...依間雜貨店裡面,有一隻來自美國,加牛奶煮既濃縮"新英倫蜆湯"超好味!!!
香濃又多蜆肉~~~ 開一罐再加幾隻Brioche 牛油麵包,已經係一個好好味既午餐~ 正!
Thumbs Up



1 則留言:

  1. 講到咁好食,俾你搞到我對雞肝醬好有興趣潻,汽水我唔多好,不過都會試吓啲新品種新牌子,咁多年嘅經驗,都係飲返可口可樂算啦......,但係好奇心始終大過教訓,人總係要有啲冒險精神嘅,呵呵呵!
    [版主回覆12/08/2008 21:25:00]依隻雞肝醬真係好好味架~ 今晚再去買!!!!
     
    我都係唔好汽水既...只係果日見到新野,口痕想試吓! 我只飲咗一啖就頂唔順~~~ 最後老公搞掂咗!

    回覆刪除

Related Posts Plugin for WordPress, Blogger...