2008年12月8日星期一

塞翁失馬 (12月7日)

返香港時喺金巴利道既小韓國街,買咗枝用來整泡菜既辣椒粉,所以星期六(12月6日)就去買材料,唸住再整泡菜~ 點知返到屋企先發現忘記咗買韭菜! 所以尋日星期日又再去泗和行...不過泗和行冇哂韭菜!!! 

 於是拿拿淋去中英行...都冇!!!
不過已經買咗白蘿蔔 + 大白菜...今次既泡菜唯有放棄用韭菜啦!

>>>>>>>>>>>>>>>>>>>>>>>>>>>>>>>>>>>>>>>>>>>>>>

不過此行喺中英行竟然有意外驚喜發現!!!!

我好鍾意食釀三寶、魚肉釀辣椒...依d咁既菜式~ 不過礙於依度一路都買唔到鯪魚肉,所以一路都冇得整......

早排見英國網友Samwei 話佢果頭既泗和行,有一隻急凍魚漿可以用來整魚餅,不過我去過我依頭既泗和行就搵唔到......


 尋日竟然比我喺中英行意外地搵到喎!!!!

 雖然唔同牌子,但一樣係"Grey Featherback Fish Paste"......
我已經好滿足架嘞! 起碼而家終於可以整煎釀三寶、魚肉釀辣椒、生菜魚滑羹......

 除此之外...我仲發現有急凍多春魚喎!!!! 


我由細到大都好好好鍾意食多春魚~~  真係好開心!!!!


雖然買唔到韭菜來整泡菜...不過就有魚漿 + 多春魚作為補償! 焉知非褔呢~~~~



1 則留言:

  1. 有一事請教.....
    我未試過買魚漿....
    你認為可用作打邊爐嗎?
    (皆因呢個禮拜約了朋友來我家打邊爐.....)
     
    [版主回覆12/10/2008 18:34:00]我第一次買架咋...都未食,放咗喺冰格!
     
    不過我唸samwei 可以用來整魚餅,打邊爐都應該可以! 因為我都唸住用來整魚滑羹~~~
     
    我會溶雪後加調味,跟住用筷子搞到起膠 (要同一方向搞! 如果唔係會散 + 唔起膠架~ )
     

    回覆刪除

Related Posts Plugin for WordPress, Blogger...