2008年12月5日星期五

久休復出既三餸一湯 - 12月4日 (附食譜)



日月魚紅蘿蔔粟米湯; 頭抽豬扒皇; 清蒸鱸魚 & 金銀蛋菠菜

返咗來英國快2星期~ 睇返前面既blog,先發現已經一個月有多冇煮過飯食!

一來返香港前執緊換季衫 + 鞋,仲未執好就臨急臨忙返香港; 喺香港又買咗一大堆野返來...屋企亂上加亂!!! 其次就係返到來先由老公帶頭感冒,再由佢傳染比我!!! 病足成個星期.....


湯係星期三煲既,本來唸住星期三晚煮飯,不過傍晚感冒又來料~ 所以都係抖多一晚先! 未有精神、心情、時間整新食譜...老公又不停"豬扒~ 豬扒~ 豬扒~..."!!!!


好鍾意飲日月魚湯! 已經好耐冇飲過~ 果日返長洲探V婆婆,佢煲咗木瓜日月魚湯,好好飲~~~ 於是就叫V婆婆帶我去買咗包帶返來......啖湯好甜~ 超好飲!!!

日月魚紅蘿蔔粟米湯食譜click here~

頭抽豬扒皇食譜click here~

金銀蛋菠菜食譜click here~

6 則留言:

  1. 日月魚.....
    你偷運返來?!?!
    get well soon.....
    快d出新食譜啦! 我家有無好野食靠你啦!!
    [版主回覆12/05/2008 20:03:00]緊係偷渡過來啦! 唔通過關時老實地話比關員知咩???  d auntie 買咗好多海味過我...我仲偷渡咗花膠 + 鮑魚!  不過只係少部份...其他仲喺V媽媽度,等佢遲吓先寄比我!
     
    已經好返7788嘞! thank you~~~
     
    喺香港買咗好多新食譜書,我會煮多d飯架嘞!

    回覆刪除
  2. 日月魚煲湯 真係好香好甜 而且對眼 係好有益架 ~ 原來你呢次 偷運左咁多野返英國呀 haha
    [版主回覆12/06/2008 03:35:00]如果唔係99想我地幫佢帶碌地拖  + 佢果十幾件飲衫 + 大包爆沙魚肚...過來,我可以偷運得更多!!
     
    而家唯有等V媽媽寄比我!

    回覆刪除
  3. 你好鬼中式, 我錦大個人都未食過日月 魚, 因不懂買, 品質參差不齊
    [版主回覆12/07/2008 01:44:00]雖然我身在英國,但我係100%港女來嘛!
     
    其實我都唔識買架! 都係V婆婆買熟咗帶我去架咋~~~

    回覆刪除
  4.  地拖?
    [版主回覆12/07/2008 01:42:00]係呀~ O咀呀呢???
     
    佢一年返香港幾次,我都唔明點解佢次次都買咁多野! 但返到來大部份放哂喺車房!!! 99屋企有2間車房,都放滿哂好多未用過 + 封哂塵既冇謂野!!!

    回覆刪除
  5. 我好似未飲過日月魚湯...見你講到咁正...我都要試吓煲...除咗落木瓜仲可以落咩去煲呀...因為我吾中意食木瓜

    回覆刪除
  6. 我好似未飲過日月魚湯...見你講到咁正...我都要試吓煲...除咗落木瓜仲可以落咩去煲呀...因為我吾中意食木瓜
    [版主回覆12/09/2008 16:41:00] 妳唔鍾意木瓜既話,咪好似我咁用紅蘿蔔粟米囉! V婆婆用木瓜啫~ 我唔係!

    回覆刪除

Related Posts Plugin for WordPress, Blogger...