老公送既11份聖誕禮物 (12月24日)
今日(12月24日)老公收早，老公放工返來，同我出咗去食Christmas lunch，之後就去超市買埋聽日整聖誕火雞既材料~ 本應過咗午夜12點先拆禮物，不過我好心急想知有乜禮物，所以返到屋企就即拆!!!
禮物1: 老公親手做既聖誕咭
今年依張係3D 立體pop up~ 主角當然係我 + 老公啦! (係咪好靚呢????)
簡單既外表......
今年既我好鬼cute!
老公自畫像~ (似唔似呀????)
未拆禮物前既聖誕樹~
禮物2: Cute Cute 粉紅冷帽
依度天氣太鬼凍! 一到冬天我就有帶冷帽既習慣~ 依頂新帽質地好柔軟，又暖又舒服~~~
禮物3: 黑色外套
依度既夏天天氣都會涼涼地，所以我有好多件依類既黑色連帽外套! 老公今次揀既依件我特別鍾意~ 因為頂帽係荷葉邊，我超鍾意個款!!!!
禮物4: 灰色針織Top
我一向好鍾意依隻深灰色 + 針織衫! 依件衫一次過滿足到我2個願望~~~
禮物5: 白色恤衫裙
老公覺得我太少淺色衫...其實我都鍾意著白色架! 不過唔襟污糟嘛~~~ (不過依條裙要夏天先著得!!!)
禮物6: 軟軟白色頸巾 + 帽
好有BB feel! 質地超軟超舒服 + 好暖啊~~~~~
禮物7: L'Occitane 香香沖涼套裝
裡面有番梘, shower gel, 洗頭水, 護髮素 + body lotion~~~
禮物8: 200 個食譜既食譜書
早排行書店睇過吓依類"一鑊熟"既食譜書，唔怪之果時老公叫我唔好買住啦!!!
禮物9: 迷你望遠鏡
我一拆依份禮物即大笑!!! 因為我已經講咗幾年話好想要一個望遠鏡，不過每次老公問我要來做乜，我都答唔出...其實我真係唔知要來做乜架!
依個真係幾好! 又細隻又可以摺埋，仲包埋個套~~~
禮物10: Mr Jone's Tengu
依個野超白痴搞笑 - 將佢插落電腦USB port，喺電腦播歌時，個公仔會跟住首歌變口形 + 隨時變樣~~~ 如果一段時間冇播音樂，佢會"瞓"著覺! 依個時候只要用口吹吓佢，佢就會醒返~~
去片睇吓佢有幾白痴......
禮物11: 聖誕鹿罐頭
之前包咗花紙，我執屋時估咗好耐究竟依舊係乜野來?? 曾經估過係香薰蠟燭......
罐頭材料就係Reindeer - 即幫聖誕老人拉雪車果種鹿既肉 + 肝!
原產地係瑞典~ 完全唔知老公喺邊度買既! 超市根本冇見過依種罐頭......
今年經濟不景~~~ 我 + 老公都冇乜特別野想要，所以一早講好 - 唔買奢侈野~ 等聖誕過後大減價先再去shopping! (我送比老公果份都係過咗聖誕先買!)
雖然今年冇手袋又冇鑽石，不過依11份禮物我全部都好鍾意! Thanks Hon~~~ I love you!
(Empty)
回覆刪除[版主回覆12/26/2008 07:58:00]Merry Christmas!
Merry Christmas! Which gift is your favorite?
回覆刪除[版主回覆12/26/2008 07:59:00]of course my hon's handmade card la!
(Empty)
回覆刪除你老公揀禮物真係有心思
回覆刪除[版主回覆12/26/2008 08:01:00]哈哈~~~~ 年年拆禮物時都好有抽獎feel 架!
☆ ╱╲ ╱╲ ☆ ☆ ☆ ╱╳+▲╱ ╲ ╱╲ ☆ ☆ ╱╱ ◢◣+ ╳ ╲ ☆ ╱ +◢█◣ ／ ╲☆ ☆ ☆ ◢██◣聖誕節 ˙˙˙ ___▂▂█▂▂__祝聖誕節幸福快樂﹋ Merry X'mas
回覆刪除" Merry Chirstmas "
回覆刪除係呀..唔洗係貴既野, 最緊要係心思jar....你老公真係好有心思呀, 有成11份禮物咁多, 我就好耐都無收過禮物, 唔係老公唔買, 係每次佢都要我自己選擇要乜, 無曬拆禮物o個種神秘感....
回覆刪除今年聖誕真係乜都無買, 經濟唔好都無乜購物慾...香港d名牌袋好多都做減價, GUCCI有D做半價添...不過都無想買既意欲.....
[版主回覆12/26/2008 08:10:00]其實我年年都有好多份聖誕禮物架! 不過咁多份當中只有一份係堅野e.g. 手袋or 首飾，其他就係小野傻野~ 不過今年經濟咁差，我又冇乜特別想要，所以一早叫老公唔好買貴野嘞!
我老公唔會問我想要乜禮物，因為佢知我最鍾意既係手袋 + 首飾，買依d實冇衰! 不過已經咁多年.....我 + 老公都越來越難唸送乜比對方!
我都好鍾意Gucci 架! 我屋企手袋最多係LV，其次就係Gucci~ 不過近依幾年都係買LV 多，對上一次買Gucci 都成2年前咯~~~~
聖誕快樂
回覆刪除11份聖誕禮物...你老公真係鍚到你燶!特別係張咭..佢真係好有心意
回覆刪除[版主回覆12/26/2008 08:11:00]老公年年都親手整咭比我架嘛~ 今年依張最靚!
Your husband is so thoughtful! He knows exactly what to get and what are the stuff that you'll like. And I'm also waiting for the christmas sale!! hehe...i'm sure your husband wont mind receiving a belated christmas present cos its the usual activities that matter more ma~ and talking about the economy it's really depressing. Why at this time when i just got into uni and have more expenses than i ever had before. I feel bad for my parents. I was watching the new earlier on and heard a damn funny message from the aust government on the news, they're telling people to 'Spend, spend, spend!' to prevent the country from falling in recession! I was laughing cos who would still dare to spend so much now! even though that is one way but recessions are inevitable. The best way is to have some savings for bad times.
回覆刪除[版主回覆12/26/2008 08:20:00]i usually get lots of Xmas presents from my husband every year ga~ but only one of them is the main one e.g. handbag or jewellery, the others are just silly things! like i got a diamond + pearl necklace last year~~~ however because of this year's bad econ, ive asked him not to buy me expensive stuff, like you said - save more money ma!
嘩 妳依個聖誕妳就開心啦
回覆刪除有咁多禮物, 個聽音樂公仔重好得意tim
我尋晚都去完食自助餐,條街真係好多人呀
我一食完即刻搭車返屋企啦
[版主回覆12/27/2008 05:59:00]我年年都有好多份聖誕禮物架!
除咗有d小野傻野，
當中仲有一份係堅野來架!
不過今年經濟唔好，
我先叫老公唔好買貴野比我~
心意最緊要嘛!
英國既聖誕正日乜都唔開架，
成條街好似死城一樣!!!
所以我喺屋企燒聖誕火雞 慶祝~~~
我最鐘意都係張聖誕咭,因為好有心思
回覆刪除[版主回覆12/27/2008 06:00:00]每年我都係最鍾意老公親手造既聖誕咭!
你2個洗唔洗咁浪漫呀....哈
回覆刪除happy boxing day
[版主回覆12/27/2008 06:01:00]哈哈~~~~ 我地一年365日都係咁浪漫果喎!
Happy Boxing Day~~~
這張卡好靚呀～兩個肖像都好似樣！
回覆刪除哈哈～我有１１份禮物就好~
[版主回覆12/27/2008 06:03:00]Thank you~
我年年既禮物當中，最鍾意既都係老公做既咭!
張咭好有水準~ ~
回覆刪除http://www.myminiature.com/ 得閒睇吓,幾得意!
[版主回覆12/27/2008 06:05:00]Thank you~ (代我老公講既! )
我一早已bookmark 咗依個website 嘞! 佢整得真係好靚~~~~ 簡直出神入化! Thanks anyway~~~~
嘩,你老公好有心思jet.........送11份禮物甘多,拆到手軟啦.........阿傻: Merry X'mas........祝你同老公永遠甜蜜!!
回覆刪除[版主回覆12/27/2008 06:07:00]多謝妳呀! 阿蕉~~~
大家咁話~ 我都祝妳同老公永遠甜甜蜜蜜!
黑色外套好靚~~~~
回覆刪除[版主回覆12/28/2008 05:22:00]thanks~ 老公知我一向鍾意荷葉邊!
你老公真係好有心思每年都親手整咭送俾你
回覆刪除好羨慕你有11份禮物呀！
[版主回覆12/28/2008 05:26:00]thanks!
哈哈~~~ 老公話越來越難唸idea 整咭比我.....
係門牙隔離個隻.....
回覆刪除[版主回覆12/30/2008 20:01:00]搵日好去完整返佢咯喎! 如果唔係下次我返來見到妳時，我怕笑到食唔落野~~~~~
你老公似乎將自己畫得slim左少少bor, 不過好sweet呀~
回覆刪除[版主回覆12/30/2008 20:02:00]咁妳會唔會話佢畫得我肥咗呢?
張咭好有心思!!! 怪唔得知今年見唔到小鹿帶聖誕老人出現啦, 原本入咗罐頭...
回覆刪除[版主回覆12/31/2008 00:55:00]老公年年都會親手整咭比我架! 不過佢話越來越難唸idea 喎.......
一唸bambi 既可愛樣...雖然唔同種....但我唔係好忍心食個罐頭!
市面可以買咁多靚嘅聖誕卡, 但你hon hon咁有心思自製仲要咁靚, 真係好sweet~
回覆刪除[版主回覆12/31/2008 00:57:00]老公年年都係親手做咭比我架! 早排我都喺blog 度講過吓...不過早前唔小心delete 哂相......遲吓得閒先補返!
http://hk.myblog.yahoo.com/veronicams_tsim/article?mid=2669
你吔結咗婚幾耐呀? 你老公咁有情趣咁浪漫嘅, 張咭好靚呀, 仲靚過買, 真係戥你幸福。
回覆刪除[版主回覆01/30/2009 18:35:00]Thanks! 我地拍咗拖7年 + 結婚2年幾 = 一齊咗9年幾~ 拍拖果7年當中有5、6年同居~ 所以結婚前後都冇乜分別!
成日見好多人話一齊耐咗感情會淡...我又覺得唔一定喎! 睇吓雙方有冇心繼續浪漫啫! 好多唔初相識既人，以為我 + 老公啱啱拍拖冇耐!
我開頭見你個blog, 都以為你吔係熱戀期拍拖無耐, 我都希望我同我老公可以好似熱戀期咁。
回覆刪除[版主回覆01/30/2009 23:11:00]其實都係你氹吓我，我又氹吓你咁~ 兩公婆邊個都可以做主動!
你老公真係好錫你同有心思,你好幸福好似童話故事咁~~
回覆刪除[版主回覆02/21/2009 20:45:00]多謝妳~
可惜我地唔係王子公主!