2008年11月26日星期三

孖T返香港2008: 一償老公心願既MOS Burger + 寶蓮寺齋菜 (11月11日)


返親香港我 + 老公都會盡量抽時間去寶蓮寺食齋!

不過並唔係因為我虔誠.....我會還神,但基本上我連佛教徒都唔算~ 因為我慾望 + 雜念都太多!
 不過我相信佛教既道理~~~

寶蓮寺既齋菜要朝早11.30先有得食~ 所以果日去寶蓮寺之前,我地先食早餐打底 - 老公恨咗好耐想試既MOS Burger~

 先去一田裡面food court 既MOS Burger~ 雖然我唔好漢堡包,不過我冇理由只望住老公一個人食......

 所以我 + 老公,1人要1隻"薑汁豬肉飯堡"......

 老公再加隻"Teriyaki 牛肉漢堡"~

 佢地既包全部係order 時先新鮮整~ 所以要等......

 我就襯等既空檔,走去買咗盒壽司比自己!

話時話...估唔到MOS Burger 真係咁好味!!!! 我一向唔太鍾意漢堡包,但我都覺得佢地d野真係好好味~~~~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

食完早餐我地就起程去寶蓮寺,不過因為我地怕死...所以我地先去東涌,再轉巴士~ 點知行到一半,前面山路有人炒車,搞到大塞車!!! 咁就塞咗45分鐘嘞......
Confused

去食齋既原因好簡單......

 (1) 大佛比我一種好詳和既感覺! 所以會盡量抽時間去望吓~~~

 (2) 寶蓮寺既齋頂瓜瓜!!!
Thumbs Up
 連一向只同肉類做朋友既老公都話正~~~~

 齋菜無論款式 + 味道都係十年如一日...咁好味!!!

 依個唔知咩野羹...我覺得比魚翅更好味~~~~

 佢地既春卷,係我食過最好食既春卷!!!!

 檸汁腐皮卷都唔錯~ 甜甜地...



我地買既係貴賓票,每位$100,唔洗同其他人搭枱,食得比較自由奔放~~~ 2個人食4餸1湯...仲勁過平時T家屋企開飯!!!!

食完齋周圍行一陣,V媽媽就打電話來問我地喺邊~ 因為我地仲有下一場 - 同屋企人食自助餐!!!

因為趕時間,而且感覺坐巴士行既山路...都唔安全得過昂坪360幾多! 所以焗住搭纜車返落去~~~ 其實我地之前已搭過昂坪360,不過自從發生纜車跌落來既新聞之後,個心就認住好牙煙咁.....



 時為黃昏~ 見到咁靚既黃昏景色,我就忘記哂心裡面既恐懼!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

寫在後頭......

唔講大家應該唔會知 - 天壇大佛係93年我生日正日開光架!

大佛開光翌日V爸爸、V媽媽 + 我,一家三口去遊大佛~ 我第一次品嚐到寶蓮寺既齋菜......從此就鍾意咗!

 張齋券我保留到今日~ 當年我地坐既係普通位,同其他善信share 一張枱 + 齋菜,每位收$45~ 而家普通位要$60一位嘞!

7 則留言:

  1. o下? 同大佛 give me five? 係你先想得到!!
    MOS Burger 我沒試過, 下次都等我試試先!
    [版主回覆11/26/2008 22:38:00]就算我唔好burger,都覺得應該要試吓MOS Burger! 真係好好味~~~~ 不過如果食飯堡要留意 - 飯堡有豬肉 + 牛肉! 不過單數日賣豬肉,雙數日先賣牛肉架!
     
    今次我冇試牛肉...下次返去要雙數日先去試!!!

    回覆刪除
  2. Hahaha....... my birthday is the on 2nd Jan, which is 3 days after you!!!
    Aw......... i want to eat the burger as wellllllllll!!!!!!!
    [版主回覆11/27/2008 18:57:00]really?
     
    try MOS burger when you go back to HK! it's a good burger restaurant, worth trying~~~~

    回覆刪除
  3. New in HK Mcdonald, very very very ...................GOOD
    [版主回覆11/27/2008 18:58:00]really? never been to HK's Mcdonald for ages!

    回覆刪除
  4. 我奶奶以前都常常帶我去大佛食齋架^^但好耐都無去過!
    [版主回覆11/27/2008 19:01:00]得閒一家人去吓啦!
    吸吓新鮮空氣,睇吓靚景之餘...
    又可以食好味既齋!
    係一個好好既day out 來架~~~~

    回覆刪除
  5. 話時話我都未去過大佛,
    搵日帶埋個仔去先得,
    貴賓票唔洗搭枱有幾多個餸架??
    D餸係咪自己睇餐牌叫架??
    我覺得蓬瀛仙館d齋都好好食架,d白粥都好正,
    尋晚去左個前藝員間舖食齋,完全冇得比,
    [版主回覆11/28/2008 01:11:00]貴賓票 + 普通票都係一樣 - 4餸1湯~ 餸菜都係一模一樣 (就係依幾味嘞!),冇餐牌既! 貴賓票唔洗同人搭枱~ 不過2種票都係唔夠可以添既!
     
    我唔係食過好多地方既齋,不過貴如功德林,都及唔上寶蓮寺既齋咁好食!

    回覆刪除
  6. 哎吔,俾你截足先登潻,因為我都諗住寫吓MOS Burger,不過都係我哩排懶寫blog,成日去躝街,自己衰啫! 最鍾意食個招牌漢堡,好好味, 不過真係細隻咗啲,寶蓮寺嘅齋菜我都好懷念,可惜冇咩人會咁有心陪我山長水遠去吔齋!
    [版主回覆11/29/2008 00:54:00]下次返香港要襯雙數日去試埋個牛肉飯堡!!!!!
     
    咁下次"順便"一齊去寶蓮寺食齋囉~~~~

    回覆刪除
  7. 我都末去過...都好想去行吓..但吾識路....
    [版主回覆12/09/2008 16:16:00]下次我再返香港,你地來香港...我帶你地去!

    回覆刪除

Related Posts Plugin for WordPress, Blogger...