06年10月第一次去台北，知道台灣有一間以"廁所"做主題既餐廳 - Modern Toilet (便所餐廳)~ 已經好想去試吓!! 不過當時只喺台南有分店; 舊年07年9月再到台北影婚紗相，知道台北西門町附近，都開咗一間所餐廳，即時去試~ 仲帶咗個用來裝飲品既塑膠尿壺返來.....
不過原來舊年9月，我身在香港未去台北既同一時間，旺角都開咗間便所餐廳~ 開張日仲係我 + 老公既拍拖8週年紀念 - 2007年9月9日! (不過當日我腸胃炎....
)旺角既便所餐廳，係我後來返到英國先發現~ 於是今次返來就記住去試!!!
咁我地食咗咩呢......
2個餐都跟飯、粟米沙律 + 餐湯......裝喺馬桶入面...感覺真係幾核突!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
個人覺得...論新鮮感 + 得意，香港既便所餐廳及唔上台北! 台北便所餐廳既餐牌上，每一道菜都係用屎屎尿尿來命名，反而香港餐牌上既菜名，有部份菜太正經~ 去得唔夠盡，少咗一份幽默感!
不過香港便所餐廳有一樣野比台北優勝 - 菜比台北多 + 好味! 對我來講依樣先係最重要~~~~~~~~
一睇到你個咖哩雞"好有肚痾FEEL"我即刻笑左出嚟,
回覆刪除[版主回覆11/28/2008 23:29:00]比在妳食唔食得落???
返香港一定要去試吓~
回覆刪除[版主回覆11/28/2008 23:30:00]幾值得去吓架! 除咗得意之外，食物味道都唔錯架!
嘩...吓.... 嗰個朱古力雪糕.......個賣相仲難頂過你份咖喱雞.....,雖然我係好鍾意食朱古力雪糕,不過....sorry,真係唔係幾食得落........
回覆刪除咁你到底有冇食蟲蟲餐呀?我又唔記得咗叫你去老二和味館食潻,死火.........
[版主回覆11/28/2008 23:33:00]核突係幾核突...不過佢地既食物味道其實唔錯架!
冇食蟲呀! 我返香港前上網搵過吓...都知和味館執咗! 老二....唔同既咩?????? 喺邊架?????
打死我都唔去食, 見你話核突, 你真食得下肚嗎 ?
回覆刪除[版主回覆11/28/2008 23:35:00]個樣實在係幾核突......所以食時咪 盡量唔望個馬桶囉! 只集中喺d食物上......其實好好食架! 我食哂呀~~~~
回覆刪除哩個咖哩雞就真係有點兒。。。少D“功力”都食唔落呀! Ha..
[版主回覆11/28/2008 23:38:00]開始時已經係最好樣架嘞! 起碼有棵西蘭花點綴吓.....食到尾聲淨返d汁 + 少少雞時仲核突呀~~~~
唉呀,欣賞下就可以,叫我食呢...有d難度!!
回覆刪除[版主回覆11/28/2008 23:40:00]唔好望住個馬桶來食咪得囉! 唔係講笑...個咖喱其實好好味架~~~~
HAHA...開左咁耐..我次次都係去左隔離間和民囉
回覆刪除[版主回覆11/28/2008 23:41:00]隔離間和民我都有去呀~ 仲係同一日添! 去食宵夜~~~
我都唔知有間咁頂癮既餐廳喎....不過個咖喱真係好 , 反而個朱古力雪糕我又覺得幾cute喎..好似IQ博士裡面小雲成日'拮'o個......
回覆刪除[版主回覆11/28/2008 23:43:00]舊朱古力雪糕開頭就幾cute...後來仲核突過我個咖喱呀!!!
一樣架,都係嗰個老細,不過話唔知同邊個夾份,所以就加"老二"兩個字喺前面之嘛,之前仲喺新蒲崗嗰陣,真係有好多騎呢嘢食,不過搬咗過土瓜灣之後,就主攻特食小菜同火煱,不過要食蟲蟲呢,都唔係唔得嘅,但係要熟客預訂,幾時有得食就唔知la,我屋企人同個老板都幾熟,諗住你真係有興趣嘅就幫你問吓囉!
回覆刪除點知我諗完又唔記得咗.....
[版主回覆11/28/2008 23:55:00]早响嘛!!!! 等我下次再返香港一齊去食吖~~~
好啦,,等禾腦歷啲減肥, 留返多啲quota同你去擦餐勁啦,呵呵呵!!
回覆刪除[版主回覆11/29/2008 00:42:00]加油呀!!! (再唔係咪食完先減囉~~~~)
服哂你, 犀利
回覆刪除[版主回覆11/30/2008 17:56:00]過獎~ 過獎!
日日都食咁多好野 返到去 要唔要keep fit呀
回覆刪除[版主回覆11/30/2008 18:00:00]唔洗喎! 返香港前我99磅; 返香港1星期後磅過一次 - 107~ 返來英國後102......望落去完全冇分別! 我條腰仲係24吋~~ 我都話咗我食極唔肥架啦!
不過老公話佢要減返d喎~~~~~
健康就OK啦 唔一定要刻意去減 (你又唔係真係肥個D)
回覆刪除[版主回覆12/01/2008 01:15:00]健康我就真係講唔上嘞...我咁鍾意食肥膩野 + 內臟! 不過冇病冇痛咪算囉~~~~
至於講體重...我其實仲係under 我應有既體重......
其實去得,都應該食得落既,
回覆刪除[版主回覆12/01/2008 01:17:00]當然啦! 不過我建議好好好肚餓時，先去依間餐廳~ 咁就望到幾反胃都一定食得落嘞!
你唔講 , 我都唔知有咁的餐廳
回覆刪除[版主回覆12/02/2008 17:17:00]咁妳有冇興趣試??
你碟 curry chicken 形容得好核突呀~~
回覆刪除[版主回覆12/04/2008 18:06:00] 我只係講出我對碟咖喱既感覺~~~~
下次去香港我都要帶二個囡同我老公去試吓...好鬼搞野呀
回覆刪除[版主回覆12/09/2008 16:17:00] 除咗搞野...d野食味道唔錯架!
我聽日去香港呀...諗住帶二個囡去行吓街食吓野呀...尼間"屎"餐廳我好想去呀...可吾可以講位置係邊或者近邊呀...間舖叫咩名...坐地鐵知吾知係邊個站出和邊個門口出呀...
回覆刪除hehe...好多問題...怕吾怕煩住你....
[版主回覆01/30/2009 18:40:00]依間餐廳喺旺角朗豪坊對面，不過唔係地舖，要上樓架! 地鐵咩出口我真係唔知喎~ 妳搵朗豪坊出口應該啱架嘞! 我唸妳去到朗豪坊附近問人應該問得到~~~~
今次又去香港幾日呀? 玩得開心d喎! 影多d靚相返來update 個blog 啦!!!!
聽日去一日咋...純粹行吓街食吓野同埋去睇戲呀...因為有套卡通片大囡好想看...澳門無得上映...所以 隨便去睇...
回覆刪除好啦...我已經係你個blog抄低左地址了..到時我去問人吖....
[版主回覆01/30/2009 18:56:00]係咪"崖上的波兒"呀? 好紅喎~ 點解澳門冇得上架????
總之妳去到朗豪坊附近，雖然佢唔係街舖，不過妳都應該會見到佢地廣告牌! 就算見唔到，問人都應該一定會問到~
去咗返黎嘞....你仲好講..老點我..又話文華中心...等我問人文華中心係邊...竟然冇人知係邊....跟住直頭講有間餐廳係用廁所做主題既...人哋就答到我....去到門口睇清楚果到原來叫"旺角文華"呀....
回覆刪除講食野果到就麻麻哋..但真係好鬼盞鬼呀.....二個囡去到都超開心...我仲好興奮係咁影相tim呀.....
[版主回覆02/03/2009 07:40:00]哎...我叫妳去到朗豪坊問人"便所餐廳喺邊啊呀"!!!! 唔係文華呀~~~~ 妳問人文華知鬼咩!!!!!
我覺得d野好食喎! 不過我喺英國咁原始既地方返到去，乜鬼都覺得好食架啦 ; 妳地就唔同嘞...喺澳門食慣好野!!!