2008年11月24日星期一

孖T返香港2008: 超肉赤既Heathrow Terminal 5 (11月4日)

我地已經返咗英國嘞!!!! 今次短短唔夠3星期既旅程,我同老公都玩得好開心~~~~ 雖然一開始有少少"出師不利"......

不利(1): 好多網友奇怪點解我攞返passport 後,咁快就可以返到香港? 其實係因為我攞返passport 前,老公已一早請咗3星期假 - 11月3日至21日,加埋頭尾既星期六、日,足足3星期有凸! (不過我事前完全唔知老公已請咗假!) 就算我趕唔切攞返passport,依3星期假老公會照請,唸住叫V媽媽過來,可以陪佢周圍玩~~~~~~

10月30日(星期四)我一收到passport,就即打電話話比正在返工既老公知! 不過一向去親旅行,我都係慣性地坐享其成! 上至book 乜book 物,下至執行李...我都係一概不理! 我唯一會參與比意見既就係 - 去邊度旅行!  

第二日10月31日(星期五)老公放工後就上網book 機票~ 搞掂哂之後老公先話我知佢一早已請咗假...我先知原來咁快就返香港!!!!! 



 老公: 唔係妳以為幾時呀?? 而家11月嘞~ 再唔返就冇時間返嘞....


 我: 點解你請咗假唔話我知??? 我冇心理準備喎.......


 老公: 唸住比個驚喜妳嘛! 唓~ 妳又唔洗返工,唔洗請假...妳幾時都得架啦!!!

(話雖如此...但都可以早少少話我知吓哇!!!??!?!?)


 我: 咁點解你唔再book 早d - 星期日or 星期一???


 老公: 唉~ 頭先我渣車返緊來時,有staff 打電話來通知我 - 銀行收工後,有個可疑人物將其中一間分行成條街既電線割斷哂,搞到大停電之後走人!!!! 所以我星期一雖然請咗假,但要入去睇睇有冇大問題......


 我: 妖~ 果個正PK!!!!!

(到依家仍然未知佢既動機.........)



不利(2): 由於時間倉促,我地一向用開既機場long stay 停車場已經fully booked! 於是老公改book 另一個較遠但有送車服務既long stay car park - 留低車匙比佢地,回程等行李時打電話比佢地,佢地會渣你架車到機場出口接你!

不過我地後來發現...自去年夏天Glasgow 機場發生恐怖突襲後,機場所有出入口範圍,禁止私家車駛入! 只限公共交通工具......換句話說 - 已經冇咗回程送車服務! 改由專車接你返去停車場攞車......

就係因為依個停車場 - 我地未用過 + 唔知原來距離機場10分鐘接駁巴士車程...所以我地錯過咗由Glasgow 到倫敦班機既check in 時間!!!


最終白白要比多£400 另訂機票由Glasgow 去倫敦! 超肉赤呀~~~~~~


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

錢白花就白花咗嘞~ 不過我地係唔會因為咁而影響心情既! 始終都順利到達Heathrow Terminal 5!!!



老公今年4月一個人返香港搞丁屋時,已到過Terminal 5~ 不過我就係第一次!

British Airways 專用既Terminal 5 初開時亂七八糟~~~ 但今時今日已經完全唔同哂!! 比我想像中靚 + 大~ 店舖亦比我想像中多 + 正好多!!!!


以前我最憎喺Heathrow 等轉機! 因為店舖來來去去果幾間,悶到發癲; 而家唔同嘞~ 又多舖頭又多野食.....等轉機時好多野做!


 裡面開咗間Gordon Ramsay~ 不過我地冇試......


 因為我急不及待要食sushi!


 以前都試過喺Heathrow 食sushi,記憶中好鬼貴! 成£10 先得幾舊仔.....不過itsu 既sushi,以機場既價錢來講,算非常抵食~ 依盒都只係£8 左右! 而且味道非常唔錯~~~~~
Thumbs Up



 老公要咗依個好好味既"鴨肉海鮮汁湯粉"~ 超好味!!!!!



 依頭食完野咀都未抹乾淨,老公就要拿住個電話向下屬交待工事......(Honhon~ 你做野真係好辛苦呀........
 心痛ing~~~~)






 哈哈~~~ Terminal 5 裡面竟然有間酒吧叫做"V Bar"喎!!!!


漫無目的咁喺Terminal 5 裡面遊蕩咗幾粒鐘之後,係時候上機嘞.......約12粒鐘之後,我地就到咗香港嘞~~~~~~~


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

寫在後頭......

- 我返到來有超嚴重jet lag! 好鬼辛苦~~~~;


- 由香港20幾度...返到來得3、4度......真係好唔慣;


- 返到來唸食乜先係最頭痕 - 因為乜都唔想食!!!!! (尋日同朋友飲茶時,發癲叫咗27碟點心~ 另加4、5 碟飯 + 炒粉麵.......);


- 返到來發現屋企部電腦中咗毒...想殺人!!!!! 要等老公得閒re format...一係就買過部新既 - 不過要等聖誕後大減價~ 而家要用部laptop 頂住檔先......超唔慣!!!!!!!!!!

14 則留言:

  1. 我都大約計到你差不多時間出新BLOG架嘞....我今次係第一個回應...
    [版主回覆11/24/2008 21:18:00]咁醒目既! 我好辛苦呀~~ 時差仲未得搞返啱呀!!!! 真係難為老公今日開始返工.........
     
    點呀? 係咪email 返d相比妳呢??? 仲有~ 我放相上blog 時,洗唔洗用哈哈笑遮面呀? (其他blog 友要我幫佢地遮呀!!!)

    回覆刪除
  2. 唔緊要啦 返到香港 見到屋企人同朋友 開開心心就ok啦 唔開心既野  忘記左佢啦
    [版主回覆11/25/2008 22:53:00]我都係咁唸呀! 不過都唔算係開心~ 只係有些少阻滯啫!

    回覆刪除
  3. 好掛住你呀...日日都睇下你返來未...終於等到啦.....去3個星期咁正既..真係超開心喎....
    [版主回覆11/25/2008 22:54:00]開心到唔想返來呀~~~~~~

    回覆刪除
  4. 真係好鬼掛住你呀!
    好明白剛剛由香港返來, 果種唔知食 mug 既心情...煮又未收拾心情, 出街又唔知食mug.....
    好期待你d令人令相呀!!!!!
    [版主回覆11/25/2008 22:56:00]我想煮架....不過未收拾既唔係心情~ 而係行李! 通屋都係野....見到都想死!!!

    回覆刪除
  5. o.... welcome back!  glad to hear you had a good trip! looking forward to read more about hong kong, it's my turn in January!
    [版主回覆11/25/2008 22:57:00]going back for chinese new year?????? lucky you~~~~~

    回覆刪除
  6. You finally got back~~ Lucky you, i am freezing in here, GP said that i have got pneumonia.... i want the sunshine as well..........
     Did you bring us any souvenirs?!
    Wish you can get rid of your jet lag as quick as you can!!
    [版主回覆11/25/2008 23:01:00]OMG~ take care yourself ah!!!! get well soon~~~
     
    didnt really have much time to shop this time, since i spent lots of time with my family! but ive got some really nice presents from everyone~~~

    回覆刪除
  7. 又會中左毒都有既, 我都等緊你幾時有新BLOG 架. 係香港食野真係幾開心架.. 希望你下次返黎我地約到喇
    [版主回覆11/25/2008 19:45:00]其實返香港前都有d神神地~ 都唸住返來時要re format...點知返到來開機唔夠半個鐘就癱埋.......

    回覆刪除
  8. 來去如風....好似過得咁快嘅
    不過...最緊要開心
    [版主回覆11/25/2008 23:02:00]開心既時候永遠過得特別快....

    回覆刪除
  9. 話咁快你又返左黎la....
    原來你返香港發生左咁多不利事件..不過唔緊要la..返到黎香港開開心心就夠la...哈..你老公仲要成日有驚喜比你..
    [版主回覆11/25/2008 23:04:00]哈哈~~~ 咁又唔算太衰! 只係有少少阻滯咁啫~ 我地玩得好開心呀!

    回覆刪除
  10. Hi V 女
    妳返咗英國吶
    依個旅程一定好開心喇
    有冇買返多d 香港美食呀
    [版主回覆11/25/2008 21:28:00]哈哈~~ 有呀! 仲有好多auntie 買咗好多海味比我...不過我唔敢帶哂過來 (唔入得口~ 比人捉到罸好多錢!!!!) 所以擺住喺香港先,遲吓V媽媽先寄比我~~~~~

    回覆刪除
  11. 以為你生理 B B 先返去, 日日都望你 UPDATE BLOG, 27 幾 碟點心, 在穌格蘭好貴? 破產未 ?
    [版主回覆11/25/2008 16:32:00]哈哈~~~~ 咁唔係得我同老公2個人,有其他朋友嘛......不過都好誇張囉!!!

    回覆刪除
  12. welcome back
    [版主回覆11/25/2008 21:28:00]thanks~

    回覆刪除
  13. 你真係去又快~返又快!
    [版主回覆11/26/2008 19:03:00]有計啦! 時間倉促嘛~ 平時會返3至4星期,又會順便去其他地方旅行.....本來唸住今次去日本架! 時間唔啱唯有除消.....

    回覆刪除

Related Posts Plugin for WordPress, Blogger...