Osteria Piero - 意大利菜 (10月3日)

寫在前頭......

星期四(10月2日)老公晏晝打返來，話99突然召我地當晚返去食飯...原來62今個星期日返香港!  逢親6299是但1個...或2個一齊返香港or 去旅行，就意味住未來幾個星期日晏晝都唔洗返去食lunch! 所以又有多d時間同老公二人世界去拍拖~~~

不過有OCD既我...唔係好鍾意比人打亂我計劃! 尤其我已plan 好咗當晚煮乜!!!

唔知點解99每次都係咁short notice? 次次都係即日先打來......

老公放工返到來，竟然老公 + 我都作感冒!!!

真係辛苦到死~~~
可能老公見我星期四晚比99打亂計劃，又唔舒服都冇扭計......(可能想獎我?) 星期五晏晝又打來，佢話放工後想帶我出街食飯~ 本來我話預備咗餸，不過老公話: 去啦~ 尋晚妳唔舒服咁辛苦!

我並唔係一個唔grateful 既人~ 所以我應承咗!  (不過我又再一次比老公打亂計劃!!)

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

原來老公想帶我來Osteria Piero! 星期四晚喺6299屋企睇到報紙食評介紹Osteria Piero~ 個作者話Osteria Piero 係Glasgow 最好既意大利餐廳! 我求其講咗句叫老公搵日帶我去......估唔到老公咁快手!!!

餐廳位置幾隱蔽 - 雖然喺大街...但要落樓梯先見到餐廳! 如果我地唔係睇到報紙介紹既話，可能經過都唔會留意到果度有間餐廳~~~~~~ 雖然位置隱蔽，但餐廳就爆哂棚! 有幾枱仲係開緊party!

一入門口我就知係正宗意大利餐廳 - 裝璜氣氛都相當意大利! 仲有成間餐廳所有侍應全部都係意大利人!!!

 落完order 後有人捧咗碟咁既小食來，唔知係乜不過好好食~ 仲有佢話唔洗錢!!  不過又唔係餐包喎...因為另外有普通既麵包 + 牛油......而且唔多覺其他枱有依碟野! 唔通佢地以為我 + 老公係遊客???

 我既頭盤 -大蝦配rocket salad + 淋上辣椒味既extra virgin olive oil~ 正! 大蝦新鮮到...食完後飲咗幾啖水，個口仲感覺到鮮甜味!!!

 老公頭盤 - 一個多種意大利火腿 + 芝士既拼盤~ 火腿超好食! (我樣樣都試過~ ) 芝士唔多啱我，所以冇試; 不過依碟野好貴 - 要£11.50......

 老公頭盤仲包埋1杯香檳 - Prosecco~ 唔鍾意飲酒既我都覺得非常好飲!!!

 我既主菜 - 白酒鮮蜆linguine~ 淨係依個意粉，已經知道Osteria Piero 有幾正宗 - Glasgow 有好多好味既意大利餐廳，但煮到al dente 既意粉...今次我先係第一次喺Glasgow 食到!

Glasgow 其他大部份既意大利餐廳，可能為咗遷就本地人口味，所以意粉口感都係偏稔 + 較多汁入味......

 老公主菜係當晚既special - Tuscany Sausage, mushroom + potato stew~ 都幾好味! 不過我係意粉怪~~~

 我地張枱隔離有兩個木桶，上面放咗個"盤"......

 依個"盤"其實係一大舊挖空咗心既芝士 - Parmigiano~

唔知依舊野係咪好巴閉??? 餐牌上有個特別既"芝士磨菇意粉" - 每當有客人order 依個意粉，侍應就會從廚房連鑊攞出已煮好既意粉，將鑊入面熱辣辣既意粉倒入依舊芝士大盤裡面，再用隻大匙羹刮出芝士碎，就咁喺芝士盤入面乾炒...將芝士 + 意粉撈勻! 幾得意...不過個人覺得有少少核突~~~~~~

Osteria Piero 係咪Glasgow 最好既意大利餐廳就見仁見智嘞~ 不過就肯定好正宗 + 好好味! 我地一定會再幫襯! (其他意大利餐廳就算唔正宗都可以好味架嘛~~~~)