佢既手袋冇特色唔classy，用料亦非常一般! 同價錢唔成正比...換句話說 - 咁既價錢唔值! 不過Anya Hindmarch 最老土既地方，就係佢一貫既宣傳手法!!!!
雖然我唔太鍾意AH 既產品...但犯賤既我都用過依個品牌!
不過就咪洗旨意要我付出幾百英鎊去買佢既產品~ 雖然用過，但其實......
(1) 金色Loose Pocket:
我記得當時送既有3隻色: 金、銀 + 蛇皮紋 (每本雜誌送1個~) 後來過咗一排...又送多次! 不過第二次係粉色漆皮，個款就一模一樣......
兩個個樣大同小異~ 咁點解上面果個要賣£78呢? 因為送果隻係PVC; £78果隻係真皮~ 我亦喺Harvey Nicoles 親眼見過同PVC 版完全一樣既真皮版，都係£7X!
不過個款又唔靚，而且size 超細唔實用...係咪真係值£78呢?
(2) British Airways 頭等位所送既AH washing bag:
我冇坐過頭等BA~ 我喺eBay 買既啫!
之前我一路物色緊一個，可以放喺飛機手提行李裡面，要夠大但又要軟身唔阻訂既化妝袋~ 不過我至愛既LV 就太硬 + 唔夠大......而AH 依個就好perfect! 我唔記得幾多錢~ 但一定好平! 如果唔係我都唔會買啦~~~~~
(3) I'm Not a Plastic Bag (英國版):
依個純粹湊熱鬧我先買! 基本上我覺得個袋一d都唔靚~ 我只用咗個幾月，就淪為去超市買餸既環保袋....但用用吓又覺得佢連買餸都唔夠大! 所以而家用來放攞去recycle 既廢紙~~~
不過就係依個"I'm Not a Plastic Bag"，令我見識到Anya Hindmarch 依個牌子有幾老土......
初時我唸住儲齊哂英國版、亞洲版 + 美國版既I'm Not a Plastic Bag~ (只因為無聊!) 所以subscribe 咗AH 既官方網站! 當時網站話有少量亞洲版 + 美國版既I'm Not a Plastic Bag，遲下可以比顧客喺英國上網買到~ 而subscribe 咗既顧客開售日會收到email 通知! 不過到咗開售果日，完全冇聲氣!!! 網站冇update 到 + 亦冇收到email......
到咗第二日，先收到email 通知...由於需求太多，所有subscriber 要進行抽籤，抽到既人仲係冇得揀 - 只可買一隻，亞洲版 or 美國版~ 佢分到邊隻比妳，妳就要邊隻! (抽唔到我，所以我冇買......)
由果一刻開始，我就覺得依個牌子超老土 + 對AH 印象插水!
臨時先改售賣制度，係好gimmick 夠哂製造話題呀! 不過我會覺得AH 冇架構 + 行政混亂囉~~~~ 
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
I'm Not a Plastic Bag 之後，我一路不停收到AH website 既廣告email~ 我一早放咗佢去"雜件箱"...不過佢地總有辦法將email send 去返我個收件箱!!!
9月尾我又收到佢地新email - AH 同一個美國high street 品牌"Target"合作，出咗一系列只供美國境內發售既廉價限量版手袋 - Anya Hindmarch for Target~ 價錢由£11.90 - £27.95......
依個系列由10月12日至12月26日，喺美國既Target Stores 有得賣; 而英國既顧客，可以由10月8日開始(即尋日!)，至10月14日上網買得到~~~~
今次係我第一次真真正正覺得AH 手袋設計原來都有靚既!
2個袋都係廿幾英鎊有交易，買哂2個£60有找~ 抵到爛! 我話之佢限唔限量.....今次發售日由10月8日至14日，我心唸應該唔會好似上次咁既! 因為話就話限量啫~ 但經濟咁差...仲用依招玩gimmick????
點知尋日(10月8日)我晨咁早起身，個website 又係未update! 所以買唔到...咁我咪打blog 囉~ 打完篇blog 再check check......已經成個系列sold out!!!
係真唔係呀???? 搶手還搶手~ 但夠唔夠貨都係事在人為既啫! 既然話明8日至14日可以上網買得到，係咪應該有夠一個星期既貨呢? 就算唔夠都冇理由個零鐘就sold out 架! 若果佢地冇預到產品咁快sold out，所以先定出一星期發售期...咁應該炒咗marketing + stock control 囉~~~~
好明顯又係用"限量唔夠貨"依招來製造話題! 令人錯覺以為AH 真係好搶手好受歡迎......對佢依種宣傳手法我已相當turn off 反感!
唔緊要! 反正我早幾日又睇中個Gucci~~~~
講明先呀! 我早前看中既銀包, 絕對唔係金色loose pocket 果款呀!
回覆刪除anyway, 我對名牌無研究, 極其量只認得個 logo, 款式新唔新呢d我真係唔識, 而家用緊既銀包都只係大路野 Ted Baker!
去年老公去 singapore 工幹坐的是 BA First Class, 但個 washing bag 好似唔係AH, 無記錯的話應該是 Molton Brown.....
有樣野我到而家都唔明, 點解 "I'm not a plastic bag" 會甘受歡迎呢?
[版主回覆10/09/2008 21:39:00]其實妳唔講既話...我都已經唔記得妳之前睇中咗個AH 銀包!
我都事先聲明 - 我只係講吓自己對依個牌子既感覺! 而 我相信咩野牌子都會有人鍾意 + 唔鍾意~ 妳睇Burberry 幾多chav 用妳就知啦; 同樣LV、BV、Hermes....都一樣有人唔鍾意~~~
唔用名牌冇問題呀~ 只係冇依個嗜好咁解啫!
據我所知BA 1st class 送AH washbag 唔係最近既事來! 我知道AH 依個washbag 已經好耐~ 仲推出過好幾個season，有唔同款式 + 質料...妳老公送既係Molton Brown，好可能係BA + AH contract 完咗~~~ 我冇跟呀! 我又唔係因為係1st class 先特登買......
"I'm not a plastic bag" 其實唔係真係受歡迎成咁! 只係AH 識玩gimmick...令人錯覺好受歡迎; 令一方面就係捉人"限量版"心態; 加上有好多平時唔用名牌既人都會湊熱鬧 - £5一個何樂而不為?
我就只係買過呢個牌子一個銀色既手挽袋, 我都係鐘意佢個蝴蝶結jar, o個次'i'm not a plastic bag"香港真係勁多人排隊買, 舖頭直頭要關門添, 平時AH鋪頭真係人影都唔見多隻架....
回覆刪除[版主回覆10/11/2008 09:33:00]我唔鍾意佢既產品都係其次~ 我最唔鍾意係佢做埋咁多小動作! 今次Target 又玩限量，但就冇'i'm not a plastic bag 咁既反應~ 佢依招唔用得幾多次! 佢咁搞法...睇吓AH 幾時變第2個Burberry......