2008年10月31日星期五

當年萬聖節前夕...再前夕 (2001年10月30日)

屋企換季大掃除,執衫執鞋執到人都癲!!!!  原來買吓買吓不知不覺中......我擁有既身外物數量係咁驚人喎~~~~~  好似永遠都執唔完咁......

執吓執吓摷返好多收埋咗既舊野出來,感覺好得意! 因為e.g. 有某d物品,我買or 我得到時既情境、心情......仍然歷歷在目! 同時又覺得時間真係過得好快~~~ 快到妳唔信!!!

掛住睇舊野...越執越慢......!!!


搵返舊相...時為2001年10月30日(星期二)~ 朋友喺club 搞咗個搞鬼party! 點解唔係正常既10月31日呢? 因為大部份朋友做餐館,都係星期二休息既......

記得當日日頭要返學,而且仲未唸造型! 放學先臨時臨急去costumes shop 買件"木蘭衫"扮紙扎公仔,再約埋朋友一齊去我屋企裝身扮鬼扮馬~~~

當年大家扮相造型都相當DIY + 騎呢!

我都叫做肯落吓本...不過個妝化到似比卡超!

有朋友堅到用塊白布笠住個身當白袍; 用張畫紙卷成尖雪糕筒狀,叫我喺上面幫佢用毛筆寫"一見發財",用條橡筋綁住笠上頭 - 咁就叫做"白無常"!!!

Kelly 扮貓王仲衰 - 個結他係用紙皮畫出來既!!!!


我真係覺得自己當年幾堅! 可能當時始終仲後生...玩到散場都仲要去食宵夜~~ 第二朝一早返8點...仲有close book assessment 喎!!! (有少少唔係好相信已經係7年前既事......)


Happy Halloween everybody~~~~

6 則留言:

  1.  個結他係用紙皮畫出來既!!!! ~

    個樣好似張曼玉!!
    萬聖節快樂~
    [版主回覆11/01/2008 01:18:00]我朋友個樣似張曼玉?????  (我講笑~)
    萬聖節快樂~~~~
     

    回覆刪除
  2. 我這裏無halloween, 我曾經去英國時, 都見到很多人在街上扮鬼扮馬, 我覺得好得意。相信你當年應該玩得好開心, 咁你今年有沒有打算再扮下鬼怪呀?
    [版主回覆11/01/2008 01:17:00]哈哈~~~ 今年緊係唔會再扮啦!  仲細咩~~~ 當年個個都仲係拍緊拖; 而家個個都差唔多結哂婚,有仔女......咪搞嘞!
     
     

    回覆刪除
  3. 以前係唔同啲,以前我連玩三日三夜都可以,而家玩一日起碼要唞三日~~
     
    睇到你啲相,覺得當時應該好好玩~~
     
    咦~~啲人係咪傻架??我隔離屋萬聖節都要燒衣....
    [版主回覆11/02/2008 04:49:00]妳d鄰居咁趣緻既!
     
    當年真係幾好玩架! 我仲記得好多細節~ 所以真係好難相信已經係7年前既......
     
    本來仲有多d相,不過有個朋友唔喺度咯.......

    回覆刪除
  4. 嘩~你化得好得呀!
    [版主回覆11/03/2008 19:06:00]得咩? 我覺得似比卡超喎!!! 我個friend 重手得滯.....

    回覆刪除
  5. 妳呢個造型係咪就係跟足妳細個係長洲表演跳舞,比老師畫到花面貓而又死都唔肯比人睇嗰個樣呀

    回覆刪除
  6. ha ha! 今日既最新 updates 係呢篇! 唉! yahoo!  ~~~~~~~~~
    [版主回覆10/07/2009 17:58:00]今次唔關Yahoo 事! 係我尋日唔覺意睇到依篇有錯字,咁我咪編輯改咗啱囉~ 佢地會顯示update 架! 不過之前果日果篇咖喱外賣,我就唔知點解嘞???
     
     
     
     

    回覆刪除

Related Posts Plugin for WordPress, Blogger...