自從Canton 執咗笠，要食好似香港茶餐廳咁既碟頭飯，就剩返Noodle Bar~ 約大半年前，Noodle Bar 對面就多咗新開既"香港濃情" - 港澳式茶餐廳~ 香港濃情之前兼賣港式麵包西餅，我地幫襯咗幾次就冇再去~ 因為有次去買餅，有個應該係老闆娘既人，原來係99個friend~ 佢夾硬唔收我地錢，仲話要執盒餅比我地攞比99食!!! 我地唔好意思之餘，亦唔想好似特登搵著數咁款，所以就少去咗好多......後來唔知點解4月有一排關門裝修，裝修完之後就冇咗麵包西餅賣嘞???
尋日lunch 我想食牛腩飯 + 冬蔭湯~ 一向都係去開Noodle Bar，但老公問:點解我地冇再去Hong Kong Express 既? 咁就去Hong Kong Express 啦!
我唔會話佢地既食物難食~ 不過......
(1) 出菜好鬼慢;
(2) portion 好鬼細份 + 比Noodle Bar 貴;
(3) Noodle Bar 好食d (老公話Noodle Bar 好食好多!!!!)
咁同樣已經要£20~ 老公買咗罐可樂 + 我要咗杯凍檸茶; 佢罐可樂竟然要罐可樂£1!!!!! Noodle Bar 只可樂只係60p~~~~ 我杯凍檸茶就幾好飲! 不過都要£2.XX......over all Noodle Bar 真係好食好多 + 抵好多! 所以我地應該唔會再去香港濃情咯~~~ 不過Noodle Bar 冇凍檸茶飲........
但我望杯凍檸茶好似唔夠茶色咁,我仲以為唔夠味添,好在妳都話幾好飲,可能係燈光問題啦
回覆刪除[版主回覆09/23/2008 20:27:00]咁同香港比就完全冇得比! 好過冇架咋~
見到杯凍檸茶 , 另我諗起一樣嘢
回覆刪除就係d奶有問題, 所以轉咗飲凍檸茶
因為依家香港茶餐廳真係多咗人飲檸茶呀
不過我都係鐘意椒鹽雞翼同冬陰公湯多d
[版主回覆09/23/2008 20:28:00]我都鍾意港式奶茶架!!!
因為依度既奶茶係用鮮奶唔係花奶!!!
你去沒去過SAVOY CENTRE GROUND FLOOR果間華皇小館？雖然環境很差不過東西不錯！
回覆刪除[版主回覆09/24/2008 17:39:00]去過~ 不過應該唔會再去....
(1) 油煙大~ 食完個身一陣味;
(2) 有次去撞到一個我識得，但我唔鍾意佢，不過佢又鍾意同我扮熟既討厭人~ 依個討厭人識得一個喺華皇做既眼鏡肥女人(唔知係咪老闆娘?)，個眼鏡肥女人同討厭人講銀行戶口有問題...討厭人即時同肥女人 - 我老公做銀行 + 叫我老公幫佢搞! 個肥女人又黎真果隻..... 佢係邊位呀? 我地又唔識佢...點解要幫佢? 老奉架?
我一向最憎人扮熟! 依個就係我唔再去既原因~~~~