2008年9月16日星期二

泰國 - 綠咖喱雞


主要材料 + 配料:


1. 雞上脾去皮去骨切小塊。

2. 燒熱油鑊,用少許胡椒粉和鹽炒至雞塊變色(唔一定要熟~),盛起備用。

3. 再燒熱油鑊,下綠咖喱膏炒香(份量隨個人喜好~),灒魚露後加入自己喜愛既蔬菜和切碎辣椒略炒。

4. 雞塊回鑊兜勻後下椰汁,如需要可加入清水適量(汁要蓋住雞塊~)。

5. 用魚露和糖調味後拌勻煮滾,加蓋轉小火炆煮約10分鐘。

6. 最後加入略略切碎的新鮮莞茜和撕碎的新鮮九層塔(Basil) 拌勻即成。

P.S. 金屬會影響九層塔既香味! 所以九層塔最好用手撕碎~

2 則留言:

  1. 呢個係我去食泰菜時必點的菜,你整得好靚呀,好想食添。
    [版主回覆09/16/2008 18:47:00]多謝~   依個好易整架咋~ 又快手! 我尋日懶唔想落街買餸,所以等老公放工返來先車我去...去完超市返到屋企,9個字都唔洗就有得食嘞!

    回覆刪除
  2. 上次我係泰國時買左包綠咖哩...我以為綠咖哩係吾辣架..點鬼知辣到我飛起...
    [版主回覆09/19/2008 19:04:00] 辣架! 炒香咖喱時仲會"拿"眼架~~~

    回覆刪除

Related Posts Plugin for WordPress, Blogger...