2008年9月7日星期日

昆仲軒 - 任食BBQ (9月7日)



尋日(9月6日)lazy day,同老公喱喺屋企睇碟食外賣,舒舒服服咁過咗一日~ 今日先去一星期一次既例行工事 - 去中國超市買餸!


去泗和行買完餸,就過咗隔離昆仲軒試吓佢地既任食燒烤自助餐~ 咦...佢地整咗個自助食物吧喎!!! 同任食打邊爐一樣 - 都係每位£15.5~~~~~


 佢地依個燒烤爐唔錯 - 完全冇煙! 食咗成兩粒鐘,一滴煙都冇見過,食完個身仲一d油煙味都冇!

 食物超多選擇! 豬、牛、羊、雞、海鮮、乜丸物丸....應有盡有! (唔應該有既都有...e.g. 蛋撻雞尾包,全部任食!)

 最正係有新鮮大大隻帶子 + 生猛蘇格蘭蟶子皇!

 有田雞~ 雖然係急凍貨色,不過佢地醃過,燒出來幾好食! 但賣相就有少少恐怖~~~ 醃咗個樣好似血淋淋...比人肢解冇咗上半身既"串燒人仔"........

 帶子又新鮮又大隻~ 好鮮甜!!! 我地食咗8隻......
除咗燒既食物可以任食之外,仲有好多涼菜都係任食.......


 唔知滷水咩翼? (火雞定鴕鳥???) 好鬼大隻! 不過就麻麻地~~~ 但鴨舌就超好味~~~ 好耐冇食過鴨舌,我食咗好多好多!!!

 涼拌豬肚絲 + 涼拌酸菜咩腎~ (唔知係雞定鴨?)


 仲有好好食既涼拌青瓜~~~ 不過白雲鳳爪就唔係好入味嘞......

全程老公一個付責燒 + 我付責食!  不過佢好似好enjoy...佢話好好玩喎~~~~~

>>>>>>>>>>>>>>>>>>>>>>>>>>>>>>>>>

喺泗和行買餸時,老公見到有人飲緊"休閒小站"既珍珠奶茶....不過據我地所知Sauchiehall Street 既"休閒小站",星期日唔開果喎!!! 於是我走去問果個人杯野喺邊度買? 原來昆仲軒隔離都開咗另一間"休閒小站"喎! 咁就好啦~ 而家星期日都有得飲茉香綠茶啦~~~~~~

8 則留言:

  1. 那間休閒小站是我老公的老表同朋友夾錢開的, 當初知道在那裏開珍珠奶茶,我同老公都一致不看好, 因為人流不多, 到現在我都這樣認為, anyway, 我都會wish them luck!
    [版主回覆09/08/2008 15:33:00]我想問妳老公老表 - 係咪就係黑黑實實果個男人? 定妳老公老表既朋友先係? 因為我識得果個黑實男人既! 不過好多年冇見...佢係我親戚既朋友,果時我喺親戚度住,所以識佢~ 但我搬咗出來之後,都冇同親戚keep contact.....
    妳講得啱吖~ 如果唔係我老公見到有人星期日飲休閒小站,我根本唔會問果個人 + 唔會知果度開咗間! 果度up up dup dup 咁款,平時去開果頭都唔會走入去~ 今次我都係唔知第2定第3次入去咋......

    回覆刪除
  2. 你知吾知道,燒烤的同時亦可以打邊爐?一樣是每位十五磅半呀!
    [版主回覆09/08/2008 15:34:00]我知~ 我地之前試過打邊爐,所以今次咪試燒烤囉!

    回覆刪除
  3. 嘩~個蟶子好正呀,我好想食呀,妳又無幫我食埋我個份呀,唔好嘥晒啲quoto嘛
    [版主回覆09/08/2008 15:38:00]平時我好少買蟶子來食~ 因為覺得依度既蘇格蘭蟶子皇太大隻,我比較鍾意食好似香港果種細隻既! 但尋日見到蟶子生猛到伸哂舊肉出來郁郁吓~ 咁咪攞咗兩隻燒囉......哇! 鮮甜到吖~~~~~~
    話明任食,我地點會嘥? 尋晚飽到成晚嘔氣.....

    回覆刪除
  4. 好似好好玩咁喎..但想問你一樣野..佢啲食物好似冇醃過咁喎..怕吾怕吾夠味呀...
    我屋企都有一個電子燒烤爐...用過一次用黎燒粟米...等我都搵佢出黎玩下先得...
    [版主回覆09/08/2008 15:46:00]我冇玩呀...我齋食咋! 老公話好玩喎~~~
    唔係呀~ 除咗丸之外,d肉 + 部份海鮮係醃過架! 尤其係豬扒 - 我研究咗好耐佢地用乜香草來醃咁鬼香!!! 好正架~~~
    妳個電子燒烤爐又係咁既樣架? 有冇煙架?? 我唸住返香港時買個電磁爐返來打邊爐; 而家又想買多個依種燒烤爐!!!

    回覆刪除
  5. 蟶子皇都有蘇格蘭or中國的嗎???
    他們是否用化學碳,因為我婆婆家的燒烤爐是用化學碳,專給人在室內使用!!!
    [版主回覆09/08/2008 20:58:00]蟶子皇有中國既咩???? 據我所知香港買得到既蟶子皇,係由蘇格蘭運過去果喎~ 蘇格蘭蟶子皇隻隻有成6至8吋長架!!! 中國如果都有蟶子出產既話,果d應該只係一般蟶子~ 我喺香港食過,得2、3吋長左右.......
     
    果個電烤爐來架~ 唔洗用碳架! 所以我都想買返個!!!

    回覆刪除
  6. 我同我老公嘅老表唔熟, 唔熟到我連佢叫乜名都唔知...
    不過我 99 都老表嘅阿媽就好熟...
    以我所知, 佢哋係三份人夾份嘅, 兩個 chinese + 一個鬼仔......
    總覺得老表成家人有點怪.....
    不過佢有個妹, 細個時發高燒燒壞腦; 唉! 好可憐!
    [版主回覆09/08/2008 21:02:00]妳唔知老表叫乜名...咁知唔知樣? 係咪黑實??? (其實黑得來有少少肥.....)
     
    不過其實我都唔記得咗個黑實男叫乜名...因為太耐冇聯絡! 但好耐以前成班人玩過一排....不過就算當時都唔係熟到知佢屋企既事囉! 始終一大班人嘛~~~~
     
    係唔係都好啦~ 我地距離又拉近咗....dd嘞!

    回覆刪除
  7. 攪到我好想去食韓國燒烤,去海灘bbq呀(好耐都無做過依啲嘢呀~)
    燒海鮮真係好好味
    [版主回覆09/08/2008 21:19:00]哇~ 乜撞到咁鬼啱???? 我啱啱喺妳度留完言,一禁返來就見到妳個留言! (仲要係啱啱留既!!!)
     
    我都好耐冇真正BBQ過嘞!!!! 朋友囡生日年年都搞 + 年年叫我去,但我年年都冇得去 - 年年都撞正我返香港book 埋機票果隻,佢先打電話來.......
     
    尋晚依餐當補償吓~~~~~

    回覆刪除
  8. 我覺得bbq要有炭先有風味,
    不過D野真係好正蹯,冇炭味都有99分,
    因為D海鮮好正呀,
    扣左一分既原因就係你形容到隻田雞好恐怖,
    [版主回覆09/09/2008 15:22:00]咁緊係點都唔夠真正炭燒BBQ正啦~ 不過好處係乾手淨腳,坐得舒服,唔洗準備.....食完又唔洗執餐死!
    哈哈~~~ 其實我由細到大都覺得剝咗皮既田雞幾似縮細咗既人仔.......

    回覆刪除

Related Posts Plugin for WordPress, Blogger...