魔鬼友人 (9月28日)

尋日食完lunch，去咗Glasgow Fort 行吓~ 本來冇乜特別想買，只係見天氣咁好唔想返屋企住! 一落車就撞到Vicki + Waikee! 好耐冇見過佢地，雞啄唔斷......因為舖頭仲有個零鐘就閊門，於是我 + Vicki; 老公 + Waikee - 男人 + 女人兵分兩路，女人去睇衫; 男人去睇games!

本來我只係唸住行吓~ 但我自己又多手...見有件長褸係自己size，就順手試吓~ 件褸一著上身我已經唔想除!!! 又暖又舒服，啱哂怕凍既我! 我超心動~~~ 但又自覺唔應該買 - 因為我有太多褸!!!! 因為太多...試過有部份只著過幾次，就送咗去charity......

後來老公 + Waikee 過來搵我地 (大概我地睇衫睇得太耐，佢地開始唔耐煩~)...Vicki + Waikee 2個正魔鬼 - 不停聳容我"買啦~ 買啦!"; 老公在旁陰陰咀奸笑 - 一副"睇死妳忍唔到手"既樣嘲笑緊我......於是我鼓起咗好大勇氣 - 放低咗件褸 + 行出咗舖頭!!!

不過離開咗舖頭行去咖啡店飲野既途中，Vicki + Waikee 2個不停引誘我...最後老公話: 係咪真係好鍾意? 我買比妳吖? 就係咁我帶咗佢返屋企嘞~~~~

 依張相好有"死神"feel......


本週精選......

 我一向都係用超市最平既保鮮紙~ 不過可能cheap 得滯 + 質地薄，所以經常搣到溶溶爛爛......尋日喺Lakeland 買咗依條"保鮮紙Cutter"~ 將成條cutter 夾住保鮮紙包裝盒，拉保鮮紙出來，再將藍色個制左至右拉一下，咁就得出一張完整既保鮮紙!
雖然老公覺得依個cutter 好多餘，但我個人就覺得非常好用! 而且只賣£2.50~ 我唸住買多2個用來cut 鍚紙 + 牛油紙! 又多個廚房好幫手~~~~

 Boots 化妝品全線買2送1! 於是買咗2枝我用開既L'Oreal True Match 濕粉底 + 新出既Concealer Minerals~
 

我試過好多唔同牌子既濕粉底，不過我覺得大部份質地都好厚! True Match 係水質粉底，可以推得好薄 + 配合自己本身皮膚來改善膚色~ 效果非常自然! 感覺上搽咗好似冇搽; 但出來既視覺效果，又有講唔出既改善!