一個人雞飯 - 9月25日 (附食譜)

海南雞飯 & 灼小棠菜

老公臨時加班唔返來食飯，咁我緊係冇理由仲煮三餸一湯~ 所以就簡單地整個海南雞飯加碟油菜比自己!

 早排買咗既海南雞飯醬(右)都未用過，就襯今晚試試~

以前我都整過海南雞飯，不過就要洗好米，之後加其他材料來炒米，再加埋雞湯去煲飯，都幾麻煩! 依樽雞飯醬方便又好味，慳返好多功夫!! 淋上雞飯專用既老抽 + 簡單好味又一餐~~~~~

一個人食廢事整辣汁，只整咗一小碟薑蔥油~ 食譜裡面有辣汁 + 薑蔥油做法!

海南雞飯食譜click here~