二人世界豬扒飯 - 9月24日 (附食譜)

焗豬扒飯

豬扒怪老公成日都話要食豬扒~ 我唯有搞盡腦汁整多d唔同既豬扒dishes! 好耐有整過焗豬扒飯~ 尋日(9月24日)去Asda 買一向用開做焗豬扒飯汁既"金寶濃縮蕃茄忌廉湯"，去到罐頭湯section 已經覺得唔對路 - 一罐金寶湯都冇!!! 雖然有Heinz + 其他牌子，但我個食譜係要用濃縮湯架嘛! 依度又好似得金寶一個牌子出濃縮湯......


正喺度惆悵緊...突然見到個包裝好似金寶湯既物體! 不過叫"Batchelors'"~ Batchelors' 都係大大地既牌子，但據我所知佢地係出開即食麵 + 杯湯既!

 Batchelors' 依罐都係濃縮湯 (當時我冇留意罐上右下角個印...) 所以唸:依個牌子真係cheap 呀~

雖然唔同顏色，但包裝設計跟足人地金寶!!!!
既然搵唔到金寶，我見Batchelors 都係濃縮湯，所以就焗住買! 不過我見佢既藍色包裝，唔知點解就自動波地以為 - 依罐野係low fat......我只買過2次low fat 既食物，2次都係攞錯，返到屋企先知! 印象中low fat 既食物全部味道都好淡......所以我不停唸 - 點算呢? 咁耐冇整過焗豬扒飯，我想整得好味喎!!! 咁啱經過意粉section.....

突然靈機一觸~ 不如今次試吓用creamy tomato pasta bake sauce 啦!!! 反正都係焗野...我唔焗pasta 焗飯啫.....於是買咗樽Dolmio~~~~

 到我self check out 比錢時，我先見到個印 - 原來Batchelors' 即係以前既金寶湯! (我+老公都唔知英國金寶比人買咗~)
返到屋企我發現其實我仲有幾罐舊裝金寶 + Batchelors' 依罐唔係low fat! 不過真係好唔習慣Batchelors' 依個新包裝~ 我都係鍾意金寶既紅色包裝多d!!!

可能今次盤飯太大盤~ 一罐金寶湯竟然唔係好夠汁! 但開多罐又太多喎...橫掂都買咗樽Dolmio，咁又落咗半樽~ 竟然出奇地配合 + 好味!!! 因為Dolmio 有香草，焗完既飯食得出有香草味!

悼念醜小蛋

 再見嘞~ 醜小蛋! 雖然你生得咁長咁怪，所以我唔捨得食你...但如果再唔食既話你就會過期! 所以用咗你來炒焗豬扒飯底......RIP~~~
焗豬扒飯食譜click here~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

廚房通告: T生今晚(9月25日)臨時加班，唔返來食飯~ 所以今晚餐單一改再改為我一個人食既"海南雞飯"! 聽日餐單亦因此有所改動~ 詳情請睇返主頁走馬燈既餐單預告!