2008年9月22日星期一

二人世界之唔正宗既壽喜燒 - 9月22日 (附食譜)



壽喜燒 (Sukiyaki)

想整壽喜燒好耐! 因為幾個月前買咗枝汁~ 不過礙於之前一直搵唔到適合既鍋.....終於上星期比我搵到個啱用既!


其實除咗個汁(現成既)、牛肉、豆腐 + 冬菇之外,其他材料幾乎全部都唔正宗!  


 e.g. 牛脂變咗牛油; 日本甜蔥變咗baby leeks; 蒟蒻絲變咗烏冬麵; 春菊變咗菠菜......除此之外~ 仲有好多冇厘頭 + 唔應該出現喺壽喜燒裡面,不過我鍾意食既食物!  
正宗既壽喜燒應用牛脂起鍋,而且材料好簡單~ 亦唔應該有豬肉,更加唔應該有牛丸!!!!!! 我已經盡量做到"正宗"架嘞! 起碼我先將豆腐煎過~ (我發現原來煎豆腐係好鬼難既!
) 但畢竟依度材料物資有限...加上我唔鍾意食蒟蒻絲......所以我唔係刻意地唔尊重日本飲食文化! (唓~ 好味就得啦! )
或者依煲野應該改名叫做"日式一鑊熟"~  

Anyway~ 老公好鍾意!  佢話好食過中式打邊爐~ as usual - 佢夾鬼哂d牛肉!!


 我地用既筷子,係前年去台北時,喺山區烏來買既紀念品 - 扭紋竹筷~ 我特登買來打邊爐既!

>>>>>>>>>>>>>>>>>>>>>>>>>>>>>>>>>>>>>>>>>>>>

食食吓...伴郎Jeff 打電話比老公話過來傾計~ Jeff 啱啱一個人去完幾個月旅行返來,佢地冇見幾個月,如隔三秋......Jeff 過到來時,煲野已滾到一pat...我唸佢覺得 - 中國人食既野真係好核突~~~~~

壽喜燒 Sukiyaki食譜click here~




7 則留言:

  1. 好正呀~睇到我留晒口水~
    [版主回覆09/23/2008 18:33:00]成煲乜都食鬼哂 - 除咗d黃芽白! 因為我一路食完全對d黃芽白視而不見!!!!!

    回覆刪除
  2. 好正呀~睇到我留晒口水~

    回覆刪除
  3. 嘩..........好正呀 我個囡囡又好鐘意食打邊爐又其"日本"個隻。
    她最愛去"吉野家"火鍋湯。我想問個汁點做呢!
    [版主回覆09/23/2008 18:32:00]日本火鍋有兩種喎~ 妳囡囡鍾意既係Shabu Shabu or Sukiyaki (即壽喜燒)?
     
    我冇去過吉野家...唔知係咩火鍋喎~~~ 如果係壽喜燒,妳可以去上面綠色條link,有食譜!

    回覆刪除
  4. 點解叫"壽喜燒"既?同打邊爐有咩分別架?我又係打邊爐怪黎喎..........
    [版主回覆09/23/2008 18:29:00]壽喜燒係以前既日本人將肉類 + 蔬菜放入地坑上既鍋煮熟食物既方法; 後來一路演變成為日本人食用高級牛肉既特別料理 + 有專用既鐵鍋; 至後期發展到,日本唔同地區有唔同風味既壽喜燒; 壽喜燒既歷史由古至今都係屬於奢侈品,日本人多用來招呼客人或喜慶時會食既料理; 日本火鍋大至分兩種: 味道清淡,多湯汁,類似中式打邊爐既Shabu Shabu; 同埋湯汁少味道濃,先將材料炒過 + 排列好既Sukiyaki 即壽喜燒....即比較麻鬼煩既做法~~~~
     
    我所知既大約係咁多~ (唔係抄網上資料架!!!)

    回覆刪除
  5. 其實什麼是"壽喜燒"呢? 好像未聽過
    [版主回覆09/23/2008 18:12:00]壽喜燒係一種日式火鍋~
     
    日式火鍋大至有2種: Shabu-Shabu + Sukiyaki (即壽喜燒); Shabu-Shabu 類似中式打邊爐, 湯汁多 + 比較清淡; Sukiyaki 要先將材料炒過,加入比較濃 + 甜既汁料, 湯汁亦比較少~~~
     
     
     

    回覆刪除
  6. 我第一次聽尼個名..你吾講我都吾識佢果中文名呀....又學到野...黎你個BLOG真係學到好多野呀...
    [版主回覆09/23/2008 21:10:00]多謝~ 不過我都係將我所知既講出來啫! (我唔講 / 冇講果d代表我唔知! )

    回覆刪除
  7. 解說得好詳細喎,果然好專業下...你唔註明,仲以為你抄資料架......
    [版主回覆09/24/2008 17:26:00]對於我有興趣既事,睇過既書 / 網上資料...我可以過目不忘!

    回覆刪除

Related Posts Plugin for WordPress, Blogger...