2008年9月17日星期三

二人世界的三餸一湯 - 9月16日 (附食譜)


西洋菜煲粟米無花果; 茄汁排骨; 蠔汁火腿冬菇釀竹笙 & 香煎美極大蝦

最近我養成咗一個習慣......


每個weekend 我都會去中式超市買西式超市買唔到既餸~ e.g. 中國蔬菜 + 海鮮......不過由於中式超市貨品種類供應唔穩定,好多時要去到先知道今個星期有乜、乜野靚d + 新鮮d~~~~ 以前我會唸定咗煮乜先去買材料,不過好多時去到先知冇得賣! 咁就打亂哂我計劃,搞到我不知所措唔知煮乜好嘞!!!

所以我而家會weekend 先去中式超市,根據依個星期有乜新鮮靚材料來買餸,之後既星期一朝早,我就會依weekend 買到既餸菜,來編好成個星期既晚餐餐單! (當然一般西式超市可以買到既食物,我會煮當日先去買啦! )

不過有時一早編好既菜單都會有意外! 就好似尋晚咁......

尋晚既三餸一湯原本應該係 - 西洋菜煲粟米無花果; 雞柳火腿冬菇釀竹笙; 大蝦粉絲煲 + 蒜茸炒白菜~ 但係...

(1) 浸完既竹笙太鬼細條,唔夠位釀條雞柳入去;

(2) 唔鬼記得浸粉絲~ 記得時已太鬼遲! 煮時粉絲仍然硬過鐵線;

(3) 上星期買既白菜,包裝明明話仲有幾日先到期,但好多都爛鬼哂~~~~


計劃打亂咗...依個時候就要識變通嘞! 所以我將原本今晚先煮既茄汁排骨搬上來,咁就冇雞柳都有肉啦! 冇粉絲但有大蝦,咁就整個快手唔洗好多材料既蝦啦; 冇菜就加包小棠菜啦.....
所以尋晚既三餸一湯,除咗個湯之外,其他餸菜全部面目全非!!

西洋菜煲粟米無花果參考食譜click here~

茄汁排骨食譜click here~

蠔汁火腿冬菇釀竹笙食譜click here~

香煎美極大蝦食譜click here~

6 則留言:

  1. 餐餐都咁鬼豐富 真係羨慕你老公呢~
    [版主回覆09/18/2008 17:24:00]唔洗羨慕~ 跟住我食譜自己煮咪有得食囉!

    回覆刪除
  2. 你老公未到中年便開始發福 lor!!!!!!
    V太果然智慧過人!!!!!!!!!
    [版主回覆09/18/2008 17:27:00]希望唔會啦......我老公先得27歲仔咋!
    哈哈~~~~ 我係T太呀! V係我英文名initial~ 妳叫我V太...一陣我d朋友or 我老公以為我有外遇......

    回覆刪除
  3. 你老公娶你 , 真係又幸福又好口福 !
    [版主回覆09/18/2008 17:29:00]多謝~ 咁我自己都有份食既!

    回覆刪除
  4. 你地2個人食咁豐富 係O米餐餐清
    [版主回覆09/18/2008 17:32:00]多數都清哂架~ 湯就係煲一次飲2日; 就算間中有剩餸都係剩一個餸~ 咁就我第二日做午餐食埋佢囉!

    回覆刪除
  5. 唔該加多雙筷呀,我又黎痴餐呀!!真係忍唔住,好想食你煮個d送呀.......好好味甘...........
    [版主回覆09/18/2008 17:34:00]多謝~ 隨便啦! 招呼唔到~~~

    回覆刪除
  6.  OMG!!!!!!!Sorry sorry, i was in a hurry, so didn't realised it!!!!!!
     Mrs. T is a kind woman, you won't mind it, right????
    [版主回覆09/18/2008 22:23:00]it's alright~ dont worry about it!

    回覆刪除

Related Posts Plugin for WordPress, Blogger...