2008年8月28日星期四

壞消息

啱啱睇到Yahoo 既回覆 - 佢地話刪除咗相簿垃圾桶裡面既相就冇得救嘞!  有d相冇咗冇辦法......唯有等我得閒時補得幾多得幾多啦.........

不過我真係覺得佢地個系統超戇居!!!!

- 要刪除某相簿,先要刪除該相簿內所有相,但要再去相簿垃圾桶刪除相片,先可以刪除相簿~ 如果只空白該相簿而嘗試刪除相簿,只會彈出一個無稜兩可既error message "輸入不正確",又唔話你知係乜"不正確"! - 我唔明點解刪除相簿要去相簿垃圾桶刪除相片? 空白咗個相簿已經夠啦! 我覺得好多餘囉~~~

- 網誌用咗相簿內既相,若從相簿刪除該相片,網誌內仍然可見該相; 若在相簿垃圾桶刪除該相片,Yahoo 就話網誌內相片同樣會被刪除 - 我就係因為咁所以冇咗咁多相! 但好奇怪,雖然佢地話"網誌內相片同樣會被刪除",但我有小部份相就仍然喺度囉! 我完全唔知點分喺度 / 唔喺度? 仲有,如果刪除相片會連網誌內相片一齊刪除,點解只係清除相簿垃圾桶先會有咁既情況??? 從相簿刪除就冇事??? 又係多餘既!!!!

- 若你地有問題問Yahoo,佢地只會好行貨咁答你! 最叻就係比條link 你去佢地果使用方法blog 度自己睇! 我有問過佢地"係咪連網誌內相片都要清除,先可以清除相簿?" 但佢地完全冇回答到依個問題!!!!

好彩我冇清除到煮野食d相咋! 不過清咗我都有存底既......但出街食野既食物相就好多都冇咗.........冇計啦~ 補得幾多得幾多啦! 各位blog 友都要小心d呀!!!!

6 則留言:

  1. 我之前都用YAHOO既 相簿, 但覺得實在太麻煩, 兼免費的話最多只可以開3本相簿, 好煩啊~~~ 所以轉左去GOOGLE啦~~ 好用好多!! 加埋佢個UPLOAD既軟件好好用呀~~ 每次影完相, 禁幾下已經UPLOAD晒~ 仲可以係軟件裡面開網上相簿的新file~ 因為之前用yahoo好似要先去yahoo開左新相簿, 再upload~~ 煩到嘔!! 轉啦轉啦轉啦轉啦轉啦~~~~
    [版主回覆08/28/2008 21:23:00]妳講既Yahoo 相簿已經冇咗而變咗Flickr 啦! 原來Flickr 都係咁cheap - 只show 200張相,要多d就要比錢........
    不過我冇咗相既係Yahoo blog 相簿既相......簡直係超戇居既相簿系統!!!!

    回覆刪除
  2. yahoo咁大整古呀
    [版主回覆08/28/2008 23:32:00]我完全唔明竟然有咁戇居既設計!!!

    回覆刪除
  3. 我都覺得佢地個相簿管理好有問題!
    我早幾日想delete相簿既分類,再開個新既,但按左兩次都係俾我delete,跟住係頭頂好細隻字咁睇到,話叫我要清空晒相簿入面既相,先至delete分類.....Oh my god......我都唔要個分類,咁入面D相我都唔要架啦,咁你成個分類同我唔要晒咪得囉,要我將D相delete晒,然後先至delete個分類,真係白痴到呀......
    仲有呀,佢地個相簿D相唔可以改次序,有時上傳漏一張,要插返落去,咁後面個D,全部都要delete晒先可以做到.......
    P.S. 多謝你o既分享,我未清空相簿垃圾桶呀,好彩早睇到你個網誌,如果唔係,我有D post左相出黎o既網誌就會出現"叉燒包"!
    [版主回覆08/29/2008 01:06:00]妳唔講由自可,一講起又提醒我 - 係呀~ 次次upload 完相,次序錯鬼哂!!! 好似我d婚紗相咁~ 明明相number 跟住架嘛,upload 完尾果幾張會彈去頭! 吹脹~~~~~
    我最火滾就係 - 客服答問題果條友,佢既表達 + 理解能力真係好有問題!!! 冇講清楚邊個垃圾桶不特止~ 成Q日淨係copy & paste 行貨答案,完全冇真正去試吓了解我既問題! 問佢係咪連網誌裡面相都會冇埋又唔答我~ 如果唔係我都唔會搞成咁!!!
    妳未清垃圾桶就唔好清嘞~ 唔好搞來搞去......

    回覆刪除
  4. 我就俾左錢 用flickr喇..但設計都仲有D..算喇..佢叫唔係太貴喇..
    [版主回覆08/29/2008 16:28:00]我唔會比錢升級~ 因為其實我覺得Yahoo Blog 相簿基本功能已經ok 夠用~ 我只係覺得相簿系統既其他功能 + Yahoo 客服有好多不足之處~~~

    回覆刪除
  5. 以後真係唔敢亂黎,費事所有野都唔見晒!
    我早兩日仲諗住send mail去佢地既客戶服務度提議下相簿次序o既問題,不過,聽你咁講,佢地都應該唔會點樣聽客戶o既意見架喇......
    [版主回覆08/30/2008 21:23:00]我就係唔想個blog 相咁亂先清緊d相....點知......! 嘥氣啦~ 我有哂d相,佢地咪講句抱歉囉! 抱佢個死人頭呀!!!! 我問野時又唔認真答!!!!

    回覆刪除
  6. 死啦~係咪我太笨呢,睇完晒妳哋寫嘅野都係好似唔係好明咁,咁係咪即係話我唔可以亂咁取消係blog相簿入面啲相?咁我太多相又會點算呢?係咪唔可以逐張取消,要全部取消晒啲相???
    妳又唔好咁唔開心啦,唯有下次小心啲
    [版主回覆08/30/2008 21:20:00]唔明就睇依度啦~ 依篇野為妳而打既!
    http://hk.myblog.yahoo.com/veronicams_tsim/article?mid=5187

    回覆刪除

Related Posts Plugin for WordPress, Blogger...