2008年8月7日星期四

瑤柱汁扒節瓜甫


1. 節瓜2條用刀刮去表皮,洗淨瀝乾切短段,用茶匙挖小洞。

2. 冬菇數隻洗淨浸軟,搾乾水切成小粒。

3. 免治豬肉用胡椒粉、生抽、紹酒、糖、麻油、少許雞粉和粟粉醃好,加入冬菇粒拌勻,搞成膠狀。

4. 在節瓜小洞內拍一層粟粉,釀入免治豬肉。

5. 瑤柱芡汁: 浸軟之瑤柱1粒、水半杯、生抽和蠔油各1湯匙、糖1茶匙、粟粉3/4湯匙、麻油和胡椒粉少許拌勻煮滾。

6. 將釀好的節瓜甫蒸約20至熟透,淋上煮滾之瑤柱芡汁即成。




3 則留言:

  1. 尼個餸我成日都話想整...但就遲遲都未整...我"嚴"佢多功夫做...
    你整得好靚呀...好似係街食果d咁靚呀...
    [版主回覆08/08/2008 17:21:00]其實唔係想像中咁麻煩架~ 妳整吓就知架嘞!
    其實我最鍾意係釀鯪魚肉! 不過依度冇鯪魚肉賣....

    回覆刪除
  2. 我有時會加啲瑤柱碎落埋豬肉到~
    依個餸真係好~正~!又出得廳堂,有時過時過節我都會煮!
    [版主回覆08/11/2008 21:34:00]我見有人加蝦米落豬肉~
    我都覺得依個餸幾好!
    連唔鍾意食菜既老公都話節瓜好食!!!!
    簡直要歡呼~~~~~

    回覆刪除
  3. 咩內藏都有得賣...竟然係鯪魚肉冇得賣....
    咁你果邊有冇鯪魚賣呀?如果有咪自己返屋企刴囉...如果冇...咁就留返返香港時先食返夠佢囉....
    [版主回覆08/11/2008 21:40:00]咩內臟都有得賣 ------- 咁又唔係~ 雞什、粉腸、牛膀....依d咪冇囉! (但依d我好鍾意食......)
    我唔知有冇鯪魚賣呀~ 我冇見過囉! 好多鮮魚都係近幾年先比較普遍咋! 返香港我最鍾意食V媽媽 鯪魚肉釀長紅辣椒!!!!  好鬼辣 + 好鬼好食! 百食不厭~~~~

    回覆刪除

Related Posts Plugin for WordPress, Blogger...