2008年8月8日星期五

二人世界的三個半餸一湯 - 8月7日 (附食譜)



薏米白果腐竹豬肚湯; 龍穿鳳翼; 洋蔥香草煎肉餅; 白灼芥蘭 & 煲湯豬肚

湯都係果煲; 龍穿鳳翼係V媽媽教我整既,老公一向好唔鍾意有骨 (懶鬼~),所以啱哂佢;

煎豬肉餅就係我亂來既創作! 之前果晚整節瓜甫用剩低幾多免治豬肉~ 我又記得之前喺電視見過人地整漢堡扒.....估唔到咁好味喎!

老公唔食內臟,不過我食! 本來想用煲過湯既豬肚煮"鹹酸菜豬肚"...不過屋企冇哂鹹酸菜
,加上前晚飲湯時,豬肚已經比我食哂得返幾舊~ 所以就求其用蠔油兜兩兜爆吓佢 - 都好好食架!

薏米白果腐竹豬肚湯食譜click here~

龍穿鳳翼食譜click here~

洋蔥香草煎肉餅食譜click here~



4 則留言:

  1. 我都好耐無整過無骨雞亦... 你老公同我老公真係好似...唔食骨唔食內臟
    [版主回覆08/11/2008 20:33:00]唔食內臟都仲可以理解~~
    但唔食骨只係因為一個字 - 懶!

    回覆刪除
  2. 雞翼真係正,要好有心機骨.
    我就真係無咁的耐性和時間.
    [版主回覆08/11/2008 20:35:00]拆雞翼真係好花時間架! 依幾隻野拆咗我20分鐘......不過冇計啦~ 除咗老公鍾意...我自己都鍾意食!

    回覆刪除
  3. 我鐘意食骨頭,唔鐘意啖啖肉.雞翼無左骨,不如食雞肉好過啦.........不過你釀雞翼真係幾特別,唔係肉可以比美呢.生雞翼拆骨相信好難拆,熟就容易jet.......甘都得?!
    [版主回覆08/11/2008 20:40:00]我都覺得有好多餸菜煮時係要有骨先好食! 有骨 + 冇骨味道係有分別既!
    不過依味餸一定要生雞翼拆骨架! 因為攞釀好既生雞翼去蒸,蒸完肉會收緊包住釀料,料先唔會跌出來! 熟雞翼應該拆唔到骨~ 因為肉熟咗會碎! 加上內已收縮,咁咪釀唔到囉!

    回覆刪除
  4. 今日和同事剛剛講拆骨這個話題,佢話只要將雞翼的頭和尾用剪刀 Cut 小小,然後將比較大骨的一邊分開為二,跟住便可以慢慢推出雞骨便何.
    你是否也用這個方法?如不,你都一試啦!我今晚試佐啦!
    [版主回覆08/11/2008 22:07:00]係呀~ 我都係用依個方法架!  緊要用較剪幫手啦~ 咁妳試咗覺得如何?

    回覆刪除

Related Posts Plugin for WordPress, Blogger...