2008年8月26日星期二

二人世界的燒鴨湯瀨 + 嚇鬼死我既死人蜘蛛! - 8月23日 (附食譜)



燒鴨湯瀨 & 蠔油白灼菜芯苗

星期五(8月22日)一早燒好隻鴨,但老公返到來後,我又突然懶蟲上身唔想煮飯~ 於是星期五晚去咗超市買野食......

星期六(8月23日) 去完一整日街後,返到屋企整燒鴨湯瀨做晚餐~~~~

 當我喺廚房預備緊晚餐既時候...突然sink 盤出現一隻好鬼大隻既蜘蛛~~~~ (起碼我覺得佢好大隻!!!!) 我即時嚇到喊咗出來
 + 大嗌喺電腦房既老公來拯救我!!!
我地屋企有個慣例 - 喺屋企發現任何蛇蟲鼠蟻,一律唔會殺死佢地! 因為佢地都係唔知訂先走入來既啫.....我所指既蛇蟲鼠蟻,大部份係蜜蜂、蜘蛛 + 早排出現喺浴室既百足~ 真係老鼠曱甴就緊係唔得啦!!! (不過未見過有老鼠 + 曱甴~ Thank god!!!) 所以蜘蛛我喺屋企都見過好多次,但咁鬼大隻就係第一次!!!! 據我所知,地方乾爽蜘蛛先會來,所以係好事~~~ 只係比佢唔聲唔聲,嚇咗一大驚.......


由於已夜唔想落街,亦唔想就咁放佢出窗口 - 怕佢會走返入來!!! (咁我就死嘞!!!)


 所以老公攞咗個咭片盒裝住佢,又轉咗幾個窿比佢抖氣! 唸住第二朝出街時放佢去遠d.......


 只係放咗佢喺個盒度一晚,佢就織咗個網咯喎!!! (不過唔係好靚喎.......)


 比隻蜘蛛嚇鬼完 + 老公氹返我之後,我繼續煮燒鴨湯瀨,再加碟灼菜芯苗,咁又搞掂一餐嘞!

今次隻鴨只係買咗£4幾,上次果隻就買咗£6幾...望落去就好似差唔多,但燒出來之後個size 就爭好遠~ 今次依隻細隻好多!!!! (左 - 今次 + 右 - 上次)


P.S. 第二朝(星期日),同老公去麥當勞食早餐時,放咗隻蜘蛛喺麥記門外花糟! 臨放佢時,我已經警告咗佢唔好再比我見到佢!!!!

自製燒鴨食譜click here~

沒有留言:

發佈留言

Related Posts Plugin for WordPress, Blogger...