一早講好7月31日唔當係結婚紀念日 + 唔會慶祝...(舊年都冇慶!) 一來我自己覺得太多紀念日，會好似冇咗原有意義~ (如果日日都係Xmas 會點feel???) 而且另外2個我地都好重視既特別日子 - 拍拖紀念日 + "正式"結婚週年都快到嘞~~~ 所以根本唸都冇唸過尋日要慶祝......
老公尋日晏晝失驚無神拿住札花返屋企~ 原來佢一早請咗半日假，返來陪我 + 想帶我出去食飯!
不過"親戚"唔通氣 - 突然造訪......
>>>>>>>>>>>>>>>>>>>>>>>>>>>>>>>>>>>>>>>>>>>>>
老公仲比咗一張已唔再出既20英鎊舊鈔我~ 銀行咁啱收到返來，佢唔知會唔會值錢? 因為除咗係唔再出既舊鈔之外，背面仲印咗莎士比亞 + "羅密歐與茱麗葉"既故事......
老公話換返來just in case 依張野值錢喎! 唔值錢都唔緊要啦~ 反正我都未見過 + 可以換返錢既!
你就好啦，老公成日都比驚喜你！
回覆刪除仲有呀，扎花好靚呀！
[版主回覆08/01/2008 21:53:00]Thanks~ 不過札花仲未靚喎 - d百合全部都未開!!!
開晒再影張相嚟睇吖!
回覆刪除[版主回覆08/01/2008 22:05:00]好呀!
唔知點解次次收親百合(我最鍾意既花~)，無論老公喺邊咗買...都係未開既!!!! 不過好彩次次都會開~ 襟擺好多!
佢會唔會特登選啲未開花,等你有得對耐啲呢?
回覆刪除[版主回覆08/04/2008 15:43:00]老公話唔係~ 花店話百合唔係成日都有，所以老公買親花比我都要預訂...係花店入d未開既貨! 間間都係~ 都可以理解既 - 百合一開咗就放唔到幾耐.....
札花開左真係好靚呀!!恭喜恭喜!!
回覆刪除[版主回覆08/04/2008 15:39:00]多謝~ d百合已經開咗d但仲係未開哂，不過成個廳都好香!
唔知可唔可以制成乾花
回覆刪除[版主回覆08/07/2008 18:47:00]玫瑰就可以~ 但百合應該唔得! 因為百合花瓣厚肉好多汁......
我以前同d exs 時都有整過乾花 - 以前少收花嘛! 但同咗老公之後就冇整咯~ 因為老公就算唔係特別日子，間唔中都會送花比我! 下下都整乾花好唔得掂!
點解會印羅密歐與茱麗葉"既故事......? 咁浪漫!
回覆刪除[版主回覆06/28/2009 07:04:00]我都唔係好清楚呀~ 張銀紙發行時我都仲未出世! 我淨係知道所有Bank of England Series D既銀紙，唔同面額都印有唔同既英國歷史名人!