Hancock - 街頭超人 (7月5日)

我同老公差唔多個個星期五晚都去睇戲~ 如果果排冇新戲想睇，我地都會去租DVD或者睇吓我地有乜存貨 (買咗但未睇既DVD!)

等咗好耐"Hancock" (街頭超人) 終於都上咗! 不過星期五晚落雨唔想出去~ 所以等到星期六先去睇...... 好耐未試過睇一套戲爆成咁!!! 好多人開咗場之後都仲未搵到位，有好多仲要分開坐~~~ "Hancock"好睇~ 超搞笑!!! 同一般英雄超人戲好唔同! 最重要係有Will Smith~~~

width="425" height="344">

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

之前一直好少睇Will Smith 既戲~ 一係太細路仔 / 一係唔啱我戲路! 好似"Independence Day" 依d咁既戲真係好垃圾

; "Men in Black" 只係一般消閒戲，亦唔可以話有水準

........但到咗"I, Robot"，我就開始留意Will Smith 嘞....覺得佢好有型!

不過 --------- 就算我幾鍾意欣賞一個演員都好，如果戲唔係我鍾意既題材，我都唔會睇! 之後既"The Pursuit of Happyness" 我就唔鍾意嘞 - 我有租DVD 但覺得戲太煽情~ 雖然我唔鍾意套戲，但覺Will Smith 真係演得好! 冇太過火搏可憐 + 懶慘咁.....搏可憐 + 懶慘係套戲本身個故仔!!!!

再之後既"I Am Legend" (魔間傳奇) 就冇得頂!!!!

我一向覺得如果全套戲主要靠哂一個演員，而套戲又好睇既話 - 依個一定係一個非常好既演員!!!!! "The Pursuit of Happyness" (尋找快樂的故事) 兩父子要瞓街 - 我都喊唔出! 但"I Am Legend" 隻狗死時，就又喊又忍咗好耐先收到聲......

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

我+老公係今年1月20日去IMAX 睇"I Am Legend" 既~ (仲有張戲飛!) 唔知果日做乜鬼好遲先去到戲院?? 但我地又好想睇IMAX 既超大銀幕...所以趕頭趕命!!! 去到戲院門口，老公放低我 - 我付責去買戲飛，佢就要去搵位泊車........當我攞住張廿鎊紙跑入戲院，突然比門口既1男1女叫停咗，佢地問我要唔要免費戲飛? 佢地話買咗另外2個朋友戲飛但佢地來唔到，所以將戲飛送比我.......我一睇 - 正係我地唸住睇既"I Am Legend" 5點半!!! 於是我向果對男女道謝就跑去搵老公.........

老公話我知 - IMAX 既戲飛係比一般戲院戲飛貴架!!! 可惜散場時太多人，我又認唔得返果對男女~~~ 唯有喺度再多謝佢地啦! Thank you~~~