期待已久既"The Dark Knight"(黑夜之神)，24號終於上畫嘞! (尖叫:Christian Bale~~~) 同老公一早講好咗要去IMAX 既超大銀幕睇，所以上星期即時上網book 定25日既飛!
星期六去Clyde side 睇99表演，IMAX 就喺果頭，所以襯等99既空檔順手去攞埋飛，到咗星期五可以早d入去霸靚位........
點知部機出咗一張飛之後，screen 竟然彈出"paper jam"!!!!!
黑仔~~ 叫staff 來搞咗一輪，都攞唔到第二張飛~~~
於是個staff 喺我地張戲飛上寫咗d 咁既野，仲簽埋名......work 唔 work 就要等星期五晚先知嘞!!!
澳門睇戲冇得網上預訂架...要排隊買飛...諗住暑假都想帶d女去睇戲...但日日都排晒長龍..所以都仲未睇過戲...
回覆刪除[版主回覆07/22/2008 15:19:00]吓???? 唔係吓哇???? 澳門戲院咁落後既.......
我地依度可以上網訂飛畫位 (唔係成日都要畫位既，只係一d特別爆既戲先要畫位~) ，去到戲院就會有部機，插信用咭入去攞飛囉!
呃~ 唔係想打沉你, 不過我睇左呢套啦.... 但我比3星佢囉~ 戲味唔錯, 對於想思考更多, 或本身都幾了解套戲既bg既人黎講, 應該會幾好睇添~ 但對我黎講, 2個幾鐘由頭到尾都要諗佢點解係咁, 點解要咁做, d恩怨情仇又刻劃得鬼死咁深(深到落地獄添啦....), 我個人睇得都幾辛苦~~ 可能之前連續睇左幾套英雄片, 個人覺得iron man最好睇~ 超5星!!
回覆刪除[版主回覆07/22/2008 21:05:00]基本上我睇任何戲 - 首先都唔會抱任何期望! 依套都唔例外!! 我話期待咗好耐既係Christian Bale!!! 哈哈~~~ 雖然未睇戲，但淨係佢一個我已經會比5星~~~
呵呵呵~~ 咁你可以慢慢欣賞勒~~ 因為成套戲佢由頭型到尾啊~~~~
回覆刪除[版主回覆07/22/2008 23:42:00]我一定會流住口水咁樣慢慢欣賞~~~~ 嘻嘻嘻!!!
唔.....我前晚睇咗la ,本來呢....我係想睇你介紹話好睇嘅街頭超人嘅,其實我對哩啲片可以講係完全冇興趣咁滯,但係有位人兄想睇蝙蝠俠喎.....,咪陪吓佢囉.....
回覆刪除本來我都諗住會恰眼訓架, 因為之前嘅我冇興趣睇,睇啲啲都恰晒眼訓,從來都未完整咁睇過一套,同埋....蝙蝠俠嘅戲俾我嘅感覺係好漫畫化又唔係好啱女人睇嘅戲,[至少之前嗰幾套俾我嘅感覺係}但係今次睇落又幾好睇喎,連嗰位人兄都話哩齣係咁多套蝙蝠俠最好睇嘅, 最衰間戲院啲音響唔掂啦,唉~香港都冇乜邊幾間係好嘅,如果係去你將會去嗰間就正~~
不過套戲又真係有啲沉重嘅,唔似以往嗰幾套,所以.....我咪覺得好睇囉~~
[版主回覆07/24/2008 15:56:00]其實對我來講 - 套戲係點完全唔重要! 我都唔好Batman 架~~~ 但醉翁之意不在酒~~~~ 嘻嘻!
今次會係第2次去IMAX 睇正常戲~ 上次就係睇"I am Legend"~ (之前都有睇過IMAX，但只係普通3D記錄片!) 亦係睇"I am Legend"時睇到Batman 既畫頭~ IMAX 果個Batman 畫頭係特長8分鐘架!!! 而且好鬼正~ 畫頭好似好緊張好吸引咁，所以咪決定再去IMAX 睇囉~~~~~~
妳陪咗仁兄睇Batman，咁叫仁兄陪妳睇返"街頭超人"囉!!