車厘子樹

雖然已經搬咗來依度快4年~ 但我今日先發現原來我仍然唔係好熟悉屋企附近周圍既環境!!!

平時我習慣唔食早餐，只係間唔中先食! 最近想自己身體更健康，所以開始食返早餐......今朝一早起身去食早餐，轉彎見到隔離幢flat 外面花槽有棵樹，樹上面有好多紅色粒粒，於是望多兩眼......咦~~~ 咁似車厘子既?

有個清道夫喺花槽入面執緊垃圾，佢見我眼定定咁望住棵樹，於是同我打招呼...咁我承機問佢 - 依棵係咪車厘子樹? 佢話係~ 之後仲話我知附近原來仲有蘋果樹 + 梅子樹!!! 跟手佢摘咗1粒車厘子來食，話好甜~ 又摘咗1粒比我.....不過我冇食，想留返比老公睇!

同清道夫拜拜後，我繼續行去食早餐~ 行唔夠幾步，又見到一棵 - 依棵喺我地個car park!!! 超市車厘子都賣得幾貴~ 而且唔係成日有得賣...但估唔到原來屋企附近有2棵喎~~~~ 其實我知道有依2棵樹已經好耐，但一路都唔知道原來係車厘子樹喎!!!

雖然我唔食水果~ 但我覺得街上"冇啦啦"有生果樹好有趣!!!

 舊年去到羅馬，見到市區一條大馬路兩旁種滿橙樹，樹上既橙個個都大大隻~~~ 我仲同老公討論 - 乞兒會唔會攞樹上既橙充飢呢????