照燒雞扒湯烏冬; 雜錦壽司 & 日式涼拌青瓜
我 + 老公一向都鍾意食照燒雞~ 不過整就係第一次整! 好成功喎!!! 同街食到既一模一樣~~~ 今次係跟舊年去台灣時買既烹飪書來整，估唔到咁容易喎.......
至於烏冬~ 我就用咗即食烏冬麵，湯底就用咗早排買既濃縮昆布湯底，用來做麵湯份量係1:6~ 味道啱啱好~ 好得好好味!!!
等我得閒去買多枝先.......
碟涼拌青瓜既做法只係靠估! 事源我早排手痕買咗枝唔知係乜既汁...自己又唔識日文，但見後面有公仔指示將青瓜切片後，用汁浸 + 放入雪櫃，加埋我少少想像力 - 加d鹽加d糖，雪完食前再加d芝麻油......又幾好食喎!
我仲特別出動埋我把魚生刀來片三文魚! (扮哂野懶正宗咁~~~)
本來一盒King Prawn 好似有成7、8隻...但就得4隻見得人......
整咗幾舊卷之後，有d can't be bothered~~~~ 加上我發現可能太多野食! 所以就收手唔再整....
今次既壽司飯用咗依隻壽司飯粉 - 唔洗落壽司醋 + 調味料~ 係就係好方便，但我覺得唔夠用壽司醋好食! 下次都係用返壽司醋~~~~~
日式照燒雞扒食譜click here~
你真係好掂呀!!!服,服,真真佩服 , e 個真係好介紹,正!!!!!!! e 個唔可以攞喱劏 嘅
回覆刪除[版主回覆07/21/2008 04:26:00]Thank you~ 鬼叫我依度冇好似你果度又平又正既壽買咩......
其實我可以淨係影把魚生刀~ 不過唔知點解我覺得把刀切喺塊豬砧板上，有一種好痛快既感覺!!!
回覆刪除原來尼支野攞黎整烏冬湯底既....我都見過呀..我以為係豉油...吾知係用整湯底... 好野又學識多一樣野....
你整既日本餐好鬼死正呀.....吾講比人知係你自己整...仲以為你出街買tim呀....
你都好鬼專業喎..魚生刀都有...你真係勁呀.....
[版主回覆07/21/2008 04:38:00]依枝野好多用途架~ 唔單止可以用來做烏冬湯底，仲可以做普通湯麵湯底、冷麵汁、天婦羅汁 + 關東煮湯底! 個樽貼紙後面有教整唔同既食物用唔同既份量~ 好方便! 妳都買返枝試吓~~~
我今日發現依種濃縮昆布湯底有另一個牌子，等我用哂依枝，我就買果枝試吓!
哈哈~ 把魚生刀我貪得意買架咋! 我老公都好貪得意 - 佢攞來切燒牛肉 + 橙.......
妳都得架喇,比著我係街買壽司返嚟無咁煩~
回覆刪除唉~入得妳個blog多,都比妳攪到我好鬼懶咁,真係......唉
[版主回覆07/21/2008 04:40:00]如果我住喺香港...又或者屋企附近最少有一間好食既日本野......我都會覺得出街食好過!!!
我都係鍾意用壽司醋.... 始終都覺得係好食d
回覆刪除[版主回覆07/21/2008 15:31:00]所以我尋日即刻去買返枝壽司醋~ 仲要係最貴果枝!
你好勁呀...好味味咁woo..我好鐘意食壽司ga...
回覆刪除我 又要好好向你學習la.
[版主回覆07/21/2008 15:36:00]果包壽司粉唔係好得~ 所以我尋日買返枝靚既壽司醋...
又買咗枝食壽司 + 魚生豉油......
仲有一枝yakitori 汁.......
唸住遲吓再整過日本野!
好美味呀！
回覆刪除你真係好多煮食用具都有～佩服！佩服！
[版主回覆07/22/2008 01:08:00]我好鍾意買廚具架! 尤其古靈精怪用途果d~ 仲有我好鍾意日本既刀! 淨係日本菜刀，我都有3把唔同用途既!!!
HEHE~~今次咁快手就用咗啲新嘢,果然好介紹,原來壽司粉唔及得壽司醋,咁我就唔駛考慮lu,我未整過魚生壽司,次次都淨係整乜卷物卷, 因為我冇你咁好心機~~ 同埋......以前我係完全唔食生嘢嘅~~
回覆刪除如果蝦壽司,我就鍾意食牡丹蝦,好鬼正~~
[版主回覆07/22/2008 01:15:00]係呀~ 用返壽司醋好呀!
魚生壽司今次我都好似唔知第二定第三次整咋~ 之前冇壽司模嘛! 而且我唔記得喺邊度睇返來 - 女人體溫較高，唔係咁適合整壽司......所以我之前都係多數整卷!
不過魚生來講 - 依度買到既來來去去咪又係三文魚! 好彩撞啱既話，加埋吞拿魚...再好彩d 有秋刀魚!
蝦就唸都唔洗唸嘞~ 自己整一定要熟蝦! 因為依度好難買到生既蝦~ 買到都唔好生食! 生蝦壽司唯有出街食......
I want to eat too
回覆刪除[版主回覆07/22/2008 17:07:00]Hi Adrienne! ask your mum to make you another japanese meal~
我想請教一下, 請問你的烏冬湯底, 除了濃縮昆布汁外, 有沒有加味醂, 清酒, 鹽 呢? 我煮了好幾次的味道都一般..不知那兒出錯...
回覆刪除請指點迷津! 謝謝
[版主回覆12/27/2008 05:44:00]我一向都係只用濃縮昆布汁架咋! 因為如果自己煮湯底，又要用柴魚片又要用昆布....好鬼麻煩~~~
或者妳可以試吓唔同牌子既濃縮昆布汁吖? 我用既牌子好好味架! (早排唔小心delete 咗張相，我盡快補返!!) 通常係1份汁加4至5份水~~~~