我同大部份既人一樣 - 睇戲或無聊時都會發口痕! 喺依個時候，對我來講最適合既"零食"就係生西芹條點芝士蛋黃醬!! 我可以食一大棵~~~~ 我比較少食熟既西芹，因為我覺得西芹一經煮過，原來既香味就會變質!
西芹含有豐富既蛋白質、胡蘿蔔素、維他命C、胺基酸、礦物質 + 纖維素~ 除此之外，仲有一種能使脂肪加速分解、消失的化學物質......依個絕對係有益健康既零食!!! 口痕時食幾條生西芹條一定比食兩包薯片有益~~~ 不過西芹有降血壓既作用，血壓低既朋友就要少食嘞!!!!
芝士細香蔥蛋黃醬 (Cheddar Cheese & Chive Dip)
蛋黃醬(Mayonnaise)6湯匙、酸忌廉(Soured Cream)3湯匙、油菜籽油(Rapeseed Oil)1茶匙 (可用light 橄欖油或提子核油代替~) + 磨碎Mature Cheddar Cheese (份量隨自己口味~) + 切碎的細香蔥(Chive) 適量，將所有材料拌勻用來點生西芹條。
P.S. 依個"芝士細香蔥蛋黃醬"用來食焗薯仔一樣好好味架!!
這個醬肥的嗎?
回覆刪除[版主回覆05/04/2008 21:55:00]都可能有少少肥架! 但西芹由裡面既減肥化學物質可以抵消番嘛.............
不過你都可以用light mayonnaise + light 芝士 + light soured cream 代替原來材料既~~~~~~
very good !
回覆刪除好健康既 小食 啊 !
[版主回覆05/04/2008 22:00:00]thank you~ 依個係我最鍾意既零咀!
經常有一大棵西芹長注喺我雪櫃裡面!!!
不過最衰唔係好方便帶去戲院......而且食起上來都幾嘈~~~~
靚女料理,請問有冇 D 健康 snack 係有肉類㗎 ..我係食肉獸,冇肉個餐我會唔開心胃㗎,成日都會冇心機 & 無精神, 知冇?
回覆刪除[版主回覆05/06/2008 15:31:00]肉類既snack 係有 (我都唸住遲吓會講...) 但多數唔健康既! 而且好少自己prepare~ 話明係snack 就緊係要簡單快趣啦!!! 除咗雞沙律囉 - 不過雞沙律可以當正餐 + snack 都得! 等我搵日整咗先貼食譜出來~~~
不如你都試吓西芹啦? 我老公都係食肉怪獸! 而且佢以前好憎西芹陣味~~~ 我整親雞沙律佢都了哂d西芹出來......後來有咗依個醬， 佢都同我一齊食西芹嘞!!!
WA...呢個又係好味..VCA你若然住係HK就好喇....好想食呀我!
回覆刪除[版主回覆05/08/2008 01:31:00]"我若然住喺香港就好喇" ------- 我都係咁話!!!! 如果我住喺香港，我仲可以買到多d唔同材料...整多好多唔同野食!!!!
依個易整呀! 撈個汁之麻~~~ 好正架!!! 夏天食仲好~~~
我都知係要整個汁ONLY... 但如果有人整埋仲正嘛!
回覆刪除[版主回覆05/08/2008 17:37:00]叫妳老公整比妳食!!!
我好鐘意依個醬呀, 去親Dan Ryan都叫佢比多一杯仔我, 不過就唔識整, 等我都試下整先, 唔該晒你, 錫啖先
回覆刪除[版主回覆05/20/2008 18:23:00]Dan Ryan 係乜來架? 食乜架?
唔洗唔該~~ 我又整啖先!
應該係美式餐廳卦, 食啲ribs呀, buffalo wings呀, potato skins之類
回覆刪除[版主回覆05/20/2008 19:20:00]OIC~ 即係類似TGI Friday! 我記得香港好似有TGI...