4. 加入牛腩爆炒片刻後灒酒。
5. 加入柱侯醬3湯匙、老抽少許、八角3粒和浸軟果皮1塊兜勻炒香。
6. 加水至覆蓋牛腩面，放入冰糖一塊拌勻。
7. 轉小火炆2小時至牛腩肉稔，灑上蔥花即成。
NOTE
好多英國網友都會問我: 牛腩英文係乜?
以前我曾經上網查過牛腩既英文，不過網上說法眾說紛紜! e.g. Beef Brisket, Beef Flank......
喺超市都分別見過Beef Brisket + Beef Flank，不過望落唔多似牛腩樣 - 太瘦蜢蜢!
後來終於由99話我知 - 牛腩係西式超市叫做"Boiling Beef"! 而且仲賣得好鬼平~
又係牛,攪到我好鬼想食呀....唔知可唔可以換成羊腩呢,我62就鐘意食羊喇,真係慘,又食唔到牛
回覆刪除[版主回覆05/31/2009 02:03:00]得得得~~~ 妳用羊啦! 一樣好好食既! 不過而家夏天喎，食完會唔會流鼻血呢????
所以等冬天先啦....我依d燥底人夏天食羊會亂鬧人囉
回覆刪除[版主回覆05/31/2009 19:15:00]係架~ 係架~ 不過我係唔怕燥既.......妳"了"起咗我條筋嘞! 得我搵日炆返煲羊仔先~~~~~
正正正........
回覆刪除[版主回覆05/31/2009 19:16:00]係咪好易呀? 妳都炆返煲吖~~~~
你炆羊ok啦,英國又唔係咁熱,所以冇咁燥既
回覆刪除[版主回覆06/01/2009 17:32:00]正常就係咯! 不過今年真係好熱~~~~ 啱啱個weekend 星期六、日仲竟然熱過香港!!!!!
我昨天根據你的食譜煮了, 好味呀, 不過我自己加多了柱候醬. 因為我另外加了白蘿蔔. 多謝你的好介紹. 我遲d會寫這篇blog的.
回覆刪除[版主回覆07/22/2009 17:47:00]you're welcome! 我老公唔鍾意食白蘿蔔，而且依度買白蘿蔔好大條，一條一定用唔哂，所以我炆親牛腩都唔加白蘿蔔!
妳加咗白蘿蔔，係應該要用多d柱侯醬 - 因為蘿蔔會出水嘛，如果唔用多d醬會溝淡味道.......
mrs.t 你好勢利呀, 自制這味餸, 我同老公都糸鍾意食架, 明天私或會按你的食譜整這樣餸. 哈我還味自我介紹, 我是初歸新抱, 剛開始整野食, 但又好鍾意食 遲地整左後話你知.
回覆刪除[版主回覆10/26/2009 06:39:00]歡迎妳 + 多謝讚賞!
我唔犀利~ 妳整過就知牛腩其實好易整架嘞! 英國出街食牛腩好貴，不過買生牛腩就好平，所以咪自己整囉~~~~
我仲有其實牛腩食譜，喺牛食譜分類搵到~ 妳可以睇吓仲有冇啱妳口味!
等睇妳製成品啊~~~
睇到牛腩的英文名了! 吾該晒美女!! 你炆牛腩的手勢又好 !! 我買到又要試下!!
回覆刪除[版主回覆01/28/2010 20:32:00]唔洗客氣~
炆過妳就知容易整嘞! 仲好味過出街食呀!!
今日我去 morrisons 問有冇 Boiling Beef？但係無，佢話得 蘇格蘭先有
回覆刪除[版主回覆02/09/2010 22:04:00]係呀? 咁妳試吓Tesco Extra butcher 肉枱睇吓有無!
加幾多冰糖呀? 一大舊夠唔夠呀?
回覆刪除[版主回覆12/17/2010 18:15:00]唔洗一大舊，半個ping pong 波咁上下差唔多架嘞! (當然要視乎牛腩多少啦!!)
THX
回覆刪除[版主回覆01/27/2011 02:31:00]
T太,我今日跟左妳呢個食譜正牛腩,好入味,牛好淋!謝謝妳提供食譜!但我想請教如何“蚊”牛筋可以淋D?今日我加左一條落去“蚊”,但係幾硬同唔夠入味!
回覆刪除謝謝!
[版主回覆01/27/2011 07:51:00]唔洗客氣!
炆牛腩前一晚，先將整條牛筋蓋蓋煲5至10分鐘，然後熄火唔好開蓋焗水一晚~ 第二日取出切塊，同汆完水既牛腩一撈勻一齊醃，咁就會軟 + 入味架嘞~
原來如此,多謝賜教!
回覆刪除[版主回覆01/27/2011 18:37:00]唔洗客氣! 下次再炆牛筋時試吓依個方法啦~