芥菜鹹蛋肉片湯 & 冬菇滑雞蒸飯
天氣開始熱~ 有d懶煮食! 有時煮完之後已經唔係好想食......所以依排多數煮d簡單 + 快煮既晚餐~~~
老公好鍾意飲芥菜鹹蛋肉片湯! 事源有次同朋友出街食飯，例湯就係芥菜鹹蛋肉片湯~ 佢一路飲一路讚話好味! 我有少少surprised~ 因為佢好憎食菜! 所以我冇唸過佢會鍾意依個湯! 於是我就間唔中滾比佢飲~~~ (佢話我煮得仲好味過出街飲既! 嘻嘻~) 尋晚食完飯，佢先去裝湯飲....到我去裝湯時，我發現個鑊裡面淨番好多芥菜!!!! 我一望老公個碗，先發現佢裝成大碗湯、肉片 + 鹹蛋黃~ 但一條芥菜都冇!!!! 比佢激鬼死~~~~~
芥菜鹹蛋肉片湯食譜click here~
冬菇滑雞蒸飯食譜click here~
你老公好可愛呀 我都係甘㗎......食肉唔食菜
回覆刪除[版主回覆05/21/2008 17:03:00]可愛???? 叫佢食菜好似叫佢食C咁...佢再係咁我就整餐全齋宴過佢!!!!!
我同個仔講食多D菜啦，健康呀？唔食打 pet pet 嫁！
回覆刪除亞仔話 Daddy，點解我都唔係好見你食菜嘅??
[版主回覆05/21/2008 17:05:00]咁你點答佢你個仔?
咁我就話 『Daddy 細個果時食好多嫁!! E 家大左，食少少就夠嫁喇！ 快D食菜啦亞仔!!」
回覆刪除我老婆就十足十你咁。『你地兩個再喺度扯貓尾，我以後餐餐全齋宴！ 』咁我兩仔爺就唯有辦哂嘢咁食一條半條囉!!!
[版主回覆05/21/2008 18:04:00]"E家大左，食少少就夠嫁喇!" -------- 咁你都講得出口! 好冇說服力喎......
點解唔鍾意食菜呢? 菜好味道呀!!!! 我好鍾意食菜~~
而家返去6299度食飯，我會不停咁夾菜比老公! 佢唔會好似喺屋企咁咋我嬌 - 因為62唔鍾意食飯時玩! 嘻嘻~~~ 佢平時唔食菜麻 - 咁返去佢屋企咪一次過要佢食返夠本囉~~~~~ 呵呵!
絕世好橋！
回覆刪除我好少滾芥菜湯飲因為驚涼!
回覆刪除[版主回覆05/23/2008 17:50:00]滾時加幾片薑落去咪得囉! 成日飲就緊係唔得啦~ 但間唔中飲會下火架!