2008年4月20日星期日

小V珍藏品 - 袖珍黏土書


袖珍黏土食物手工藝喺香港其實已經興咗幾年~ 我以前一直都係得個睇字 - 睇人地整果d! 當時都有唸過自己整,但一來依度唔興整袖珍食物,所以賣唔到所需材料(依度只興公仔屋!); 二來我懶; 三來我唸 - 一定唔夠人整得咁靚咁似啦......

後來有一次同老公行書店,見到有幾本教人用黏土(polymer clay)整袖珍公仔屋食物既書,於是買來睇吓(但整得唔多靚~) 上網又見到好多人整得好鬼靚,所以越來越恨 - 自己都想整埋一份! 

06年第一次去台灣,買咗一本咁大把既黏土書~ 其實我當時見到唔止一本咁既書,但我怕自己只得3分鐘熱度,所以唔敢買太多! 返英國時又順便喺香港買埋一大堆材料...但都擺咗幾個月先開始整..........(唉!)

點知一整就整出興趣來!!!! 上網買黏土書越買越多~ 而且原本唸住只整食物...但整整吓又整埋個公仔屋版"V女廚房"...........

早幾日上網見到又出咗本新黏土書~ 所以拿拿淋訂咗! 不過因為仲買咗其他書 + DVDs(咁又買咗千幾銀!!!!),等埋其他貨齊哂先喺香港寄來......另外仲有3本上網買唔到既日文黏土書,所以我叫老公返香港時幫我買哂佢........好心急呀!!!!! 希望新書快d送來 + 老公快d返來~~~~~~~~~


3 則留言:

  1. 跟 到 我 氣 咳 ﹐ 連 出 三 編 嘢 ﹐ 你 真 係 快 手 快  腳 ﹐ 。 真 係 好 鬼 佩 服 幾 時 可 以 睇 公仔屋版"V女廚房".呀 ﹖   心 急 人 上
    [版主回覆04/21/2008 08:10:00]我唔係快手...係好鬼得閒至真!
    乜你對眼好大既咩? 眼大睇過龍 - 公仔屋版"V女廚房"出咗啦!!! 你又話靚!?!??!? http://hk.myblog.yahoo.com/veronicams_tsim/article?mid=491

    回覆刪除
  2. 係 喎 ﹐ 喱 次 真 係 老 人 痴 呆

    回覆刪除

Related Posts Plugin for WordPress, Blogger...