不經不覺，S喺6299屋企已經住咗3個星期! 依3個星期以來...一定悶死佢!!!! (唔知S有冇後悔放假唔返香港來咗依度呢?) 我覺得S係一個好天真、好有禮貌既女仔! 可能我覺得佢似以前既我 - 自己一個由香港來讀書，喺依度冇親人...所以我覺得同佢都幾啱咀形!
S第一次來我地屋企時，佢話我整既袖珍黏土食物手作仔好靚~ 之後我一直唸住整一個送比佢~ 但我真係好鬼懶....一路拖拖拖...最後拖到尋晚同佢打完保齡，送完佢返去...我地返到屋企先開工! 好彩整到兩點幾都趕得切......
今日同埋6299 + 姑仔佢地一齊同S喺Chinatown 食晏~ 食完晏我 + 老公送S去機場，S喺車度同我講，佢話收到個黏土壽司時想大嗌~ 不過唔好意思咁冇儀態! 希望S今次來依度玩得開心(雖然冇乜野玩.....) + 會鍾意依份小禮物啦!
好靚呀....
回覆刪除我女成日都叫我陪佢整紙黏土架...但係我又超冇耐性喎....
[版主回覆04/15/2008 17:16:00]Thank! 臨時臨急整都算係咁咯~~~
妳有冇試過陪佢地整先? 妳試吓既話 - 可能妳都會變咗好似我咁鍾意呢!!!!!
吓 ﹗ 個 d唔 係 真 嘢 呀 ﹖ 你 係 咪 學 咗 我 -----“-老 作 ” 真 係 唔 多 相 信 叻 ﹗
回覆刪除[版主回覆04/16/2008 08:03:00]阿豬兄~ 你真係一言驚醒咗我 - 我唔記得放個銀仔喺隔離做對比!!!!! (妖~)
我讀書時整過一次..係因為要交功課先整...陪二個靚女都試過整一次..但係我真係冇尼d耐性...
回覆刪除[版主回覆04/17/2008 03:22:00]咁........妳都係唔好勉強自己嘞!
好靚呀~我望到都兩眼發光呀!
回覆刪除唔知幾時見到係間餅屋呢?
[版主回覆04/17/2008 03:24:00]餅屋....依個問題......我都唸咗好耐........因為我尚未開工!
快嘞~ 快嘞~ 老公下星期返香港一個禮拜，我大把時間整!!!
(妖~)﹑ ﹑ ﹑ ﹑ 喱 個 係 點 解 呀 ﹖ ﹐ 你 真 係 好 鬼 得 意 呀 ﹗
回覆刪除[版主回覆04/17/2008 03:26:00](妖~ ) ----------- 喱珍hi 5 之典街?
今喱梯 5 梯德名禾港乜??????
(妖~ )﹑ ﹑ ﹑ ﹑ 喱 柱 友 d盟 盟 哋 ﹐ 喱 第 d胸 龔 贏 ﹐ 鞏 喏 尊 繫 荷 生 唔 好 再 引 我 笑 喇 ﹐ 我 d綢 紋 而 家 可 以 夾 死 烏 蠅 ﹐ 再 笑 得 多 就 可 以 做 散 子 包 ﹐ 夾 住 d 斗 零 㗎 喇
回覆刪除好靚，好似真Ge一樣！
回覆刪除[版主回覆07/21/2009 17:15:00]thank you!
好靚呀! 原來你呢啲都識整, 呢期唔整嘅, 掛住整麵包呀!
回覆刪除[版主回覆08/16/2009 01:32:00]我好耐先整一次架，因為好多用具，一整就好大陣像.......加上我太多嗜好，好難每樣都成日做~~~~
我都想整這種袖珍黏土, 還買了你之前推薦的書, 發現整這種袖珍食物要好多顏料. 請問你是用樹脂黏土嗎? 顏料方面 要跟書寫的一樣, 全部都買嗎? 謝謝!
回覆刪除[版主回覆01/13/2010 20:31:00]整袖珍食物係用樹脂黏土架! 用第二種黏土整唔到咁幼細架!!!
顏料我自己覺得有一套廣告彩用來溝色就夠! 不過有時有例外 e.g. 上面張相，上面果行中間果舊魚壽司，邊邊魚皮部份有少少銀色，銀色部份就要等完成後先油上去，用既係水性模型油~ 個人覺得模型油唔需要買太多，只有需要時先買! 因為顏色(廣告彩)大部份係溝入黏土既~
希望幫到妳啦! 幾時開工整呀? 有作品時post 上來分享吓吖~~~
Thanks!!!原來買一套廣告彩就可以啦! 我開頭仲怕要買一堆不同顏料先可以整添. 這個weekend 買好材料, 下個禮拜就可以開工了!!
回覆刪除[版主回覆01/14/2010 20:47:00]唔洗客氣~ 黏土好易玩上癮架!