我既袖珍黏土書(3) - 中文

依9本中文袖珍黏土書全部係我喺網上 + 返香港 + 去台灣時搜集返來既~~~

 "動手造娃娃屋" - 06年喺台灣誠品買既~ 原本係草道琴美著既日文書來，台灣譯咗中文版~~~ 裡面除咗教製作袖珍黏土食物外，仲會教做簡單既公仔屋場景! 我個公仔版"V女廚房"都係跟佢入面教既方法整出來既~ 我強力推介依本書!!!!

 "創意黏土木頭車美食" - 教授製作袖珍黏土食物既書大部份係日文，當然會以日本食品為主~ 好似依本教整咁地道既香港食物，真係冇乜點見過，所以好有親切感! 書裡面既製成品，有成個大排檔...又有車仔檔攤......住喺香港就話可以去手工藝社上黏土堂學整啫~ 但如果好似我咁 - 住喺依度冇得去上堂但又想整個大排檔，依本書都可以應付吓既......不過手工始終及唔上日文書~~~~

 "超細碼黏土手作麵包糕餅集" - 集中教授麵包糕餅~ 連中式嫁女餅都有! 好鬼過癮~~~~ 真相圖示，清楚 + 簡單易明! 初學者首選......

 "黏土的袖珍世界初學篇" - 07年喺台灣買~ 其實06年時已喺台灣見到依本書! 不過當時怕自己對黏土只係3分鐘熱度，所以忍手冇買.........anyway 此書除咗教整食物，仲教埋整袖珍盆栽，好得意好可愛 - 係我下一個目標~~~~~

 "第一件小可愛黏土雜貨" - 依本同"黏土的袖珍世界初學篇"係同一作者~ 裡面大部份係教授整食物，但有少量其他好似衣服 + 用品既黏土手作~

 "袖珍夢工場" - 大部份係作者個人既作品相片集~ 有少量製作教授，作者手工超好!!! 依本書可用作參考 + 揾靈感之用~~~

 "美食的幻想" - 買到依本書完全係機緣巧合!!! 話說有日我無聊又上網上書店睇吓有乜新貨，我睇緊食譜果欄時，無意中發現依本書! 你話有冇搞錯呀? 明明係手工書，佢地就擺埋喺食譜果度......完全冇厘頭! anyway 依本書既製成品像真度好低，做出來既食物似玩具多...都係用來參考吓 + 揾靈感...................

 "1:12香港街頭排檔縮影" - 多數係教授砌個街邊檔出來~ 但有少量食物製作...地道香港野~~~

 "戶塚惠子的娃娃屋" - 一睇個書名就知原本又係日文書啦! 裡面教授既"小物"種類好多~ 唔單止有食物，仲有好多好得意既配件~~~