2008年3月21日星期五

模型屋仔

我係為食~ 但又唔係為食到對其他所有既事都冇興趣! 除咗食,我仲對好多野都好有興趣...(無聊野~~~) 依幾間係我自己一手一腳上色 + 砌出來既日式模型屋仔~ 老公冇份砌架!(咁梗係買返來而唔係自製果隻啦~)

 依間係我第一個完成既"日式茶屋"~ 我記得我砌通宵,砌好時啱啱天光!

 我仲加咗d野 - 用黏土整咗我 + 老公喺出面晒太陽! (我手上既係一隻超級巨型鑽戒...嘻嘻~)

 用咗最短時間砌既"居酒屋"~

 唔係好鍾意既"五重塔"....

 我唸住每間模型屋仔都用黏土整我 + 老公個樣放埋落去...但個"五重塔"好似有d 9唔答8......我唸過整老公好似King Kong 咁"揸"住我企喺五重塔上面! 但因為太細~ 要d時間整,所以暫時整住兩隻天鵝游水先~~~~

屋企仲有8盒咁既屋仔未開盒! 都唔知幾時先有時間砌......


10 則留言:

  1. 我唸你有排都未有時間砌埋佢....你知你幾忙架啦
    仲忙過d真係返工..
    [版主回覆03/22/2008 19:28:00]我都覺得有排都未得閒砌!  連個琴都冇開過半個月嘞...

    回覆刪除
  2. 你真係好有心思....我最憎就係做勞作..但係我二個女好中意...
    [版主回覆03/23/2008 11:18:00]妳d女鍾意咪買d比佢地砌囉~ 幾十蚊一盒之嘛! 佢地一定唔會好似我咁癲砌通宵~ 一盒又要上色又要砌,可以玩好耐架!

    回覆刪除
  3. 好靚呀!你好有心機~
    [版主回覆03/24/2008 02:52:00]thank you~
    應該話我大癮至啱 - 砌通宵...

    回覆刪除
  4. 勁呀, 坦白講你仲有啲咩專長, 快啲話埋比我知啦
    [版主回覆03/24/2008 02:56:00]erm......6級鋼琴算唔算?
    因為過咗來讀書所以停咗繼續學琴~ 不過我而家仲有彈架! 啱啱先喺網上揾咗周杰倫既"我不配"琴譜.....不過未有時間開始練~~~

    回覆刪除
  5. 你真係多才多藝
    [版主回覆04/05/2008 08:20:00]太太太過獎嘞!
    砌幾間屋仔就多才多藝...
    我真係好鬼唔好意思~~~~

    回覆刪除
  6. 好 佩 服 你 呀 越 喱 越 覺 得 你 深 不 可 測 ﹐  ---高 人 ----
    [版主回覆04/13/2008 09:36:00]多謝~ 多謝~ 起幾間模型屋仔就係高人?  咁如果有一日我自己起間屋自己住 - 咁我咪變咗神奇女俠!!!!!??!?!

    回覆刪除
  7. 你 而 家 已 經 係 神 奇 女 俠 喇 ﹐ 範 範 掂 ﹐ 連 教 訓 人 都 可 以 甘 有 層 次 &詳 盡
    [版主回覆04/14/2008 06:08:00]"範範掂"就唔敢講嘞~ 不過周身刀...但冇把利就真~
    我冇教訓人呀...我"自言自語"之嘛!!!! 如果我要教訓佢地 - 我就兜口兜面鬧佢地啦!!! (我都好想!!!!!!) 

    回覆刪除
  8. 你好呀~ 請問呢d 模型屋邊到買??? 我又想要番間呀~ thx~
    [版主回覆06/19/2009 15:45:00]洗衣街近太子果頭有幾間模型店,都有依種模型屋仔賣架!
     
     
     

    回覆刪除
  9. 真係一千個唔該呀~ 感激萬分~
    [版主回覆06/19/2009 17:44:00]唔洗客氣! 希望你買到心頭好啦~ 依種模型越來越少嘞,見有你就好買多幾盒嘞! (我仲有幾盒未砌! )
     
     
     

    回覆刪除
  10. 我想問模型屋,類似日式茶屋咁既材料可以系邊度買,5刻哂><
    [版主回覆02/23/2013 03:54:19]唔係分開來買既材料來架,係一盒盒既模型,有埋說明書教點砌~ 我喺旺角洗衣街近先達果頭果幾間模型舖買~ 不過已經好多年前既事,唔知而家仲有無喎.....

    回覆刪除

Related Posts Plugin for WordPress, Blogger...